أنا إللي قلت لكم عن المية ألف ريال تعالوا أقلكم وش صااااااااااار ؟

السلام عليكم ورحمة الله وبركاته
إمكن تذكرتوا موضوعي إللي يقول إني فزت بجائزة قيمتها مية ألف ريال
و إللي ما شافت موضوعي راح أعيد لها السالفة
اليوم الظهر دق علي واحد يقول إنتي إسمك فلانة وإنتي فزتي بالقرعه بجائزة قيمتها مئة ألف ريال عطيني رقم الحساب وألحين أرسل لك الجائزة ..
طبعاً أنا ما صدقت وفي نفس الوقت فرحت هههههههههههه قلت يمكن ..
المهم
دق عليه زوجي العصر وسأله عن الجائزة .. قال الجائزة مية ألف ريال من شركة الإتصالات
قاله زوجي وش دراني إمكن كذابين وبعدين ما سمعنا بهذه المسابقة من الشركة نفسها
قاله طلع الشريحة حقت زوجتك وشوف الرقم إللي في الشريحه وقاله لنا وطلع صح
والله بغينا نصدقه
سأله زوجي وش إسمك ؟ قال : محمد شاكر . موظف في شركة الإتصالات
المهم
قال إرسل لي رقم الحساب بس أول شئ روح أقرب بقالة وإشتر 10 بطايق سوا من فئة 300 يعني بـ 3000 ريال وروح لبنك إنجاز وعطهم أرقام البطايق وإحنا نرسل لك الجائزة على طول
اهاااااااا يوم قال كذا خلاص إنكشفت لعبته
قال له زوجي طيب شوي وأكلمك
طبعا أنا منزله موضوع عن السالفة هاذي وافادوووووني بنات كثيييييييييييير الله يجزاهم خير ونصحوني وإن هاذي لعبه ونصب ونبهوني وقالوا لي إن هالسالفه قد صارت معاهم بالضبط
قلت لزوجي ردود بنات حواء الله يعطيهم العافية
ورجع دق على الرجال إللي مسمي نفسه محمد شاكر وقاله إنتي كذاب ونصاب وأنا دقيت على الشرطة والمباحث وعطيتهم رقمك وألحين يقبضون عليك
يابنات والله تلخبط وما عاد عرف يتكلم وسأل زوجي وقاله إنت وش وظيفتك ؟ قاله زوجي أنا ضابط هههه طبعا من باب التخويف
خاف الرجال قام قال خلاص خلاص لاتزعل ولا تقول للشرطة ألحين أنا أدق على نفر ثاني وأضحك عليه وأعطيك إنت نص وأنا نص ....... تخيلوا يابنات
قاله زوجي لالا ألحين الشرطة تقبض عليك
وأخذنا رقمه وعطيناه واحد شغال في الإتصالات وقال إن إسمه عبدالفتاح طاهر وإنه يشتغل في السوق السوداء
وعلى فكرة الرقم إللي طلعه في الشريحه موجود في كل الشراااااااااائح فانتبهوا
المهم يابناااااااااااااااات إنتبهوا من هالأشكال وقولوا للناس عنها والله يكفينا شر هالنصابين والمحتالين