كوبونات الراقية تسجيل الدخول

**سلوة الروح**

أنا الخسران توقيعي وانا الخسران بصماتـي .... روووووعة

الأدب النبطي والفصيح •

تسولف لي عن الضيقه وانا كلي ألم وأحزان
وأنا من وين ماناظر بعيني شفـت ضيقاتـي

تسولف لي عن الضيقه وأنا عنوان للحرمـان
دخيلك لا دخيل الجـرح لا تكشـف معاناتـي

دخيلك لا تشجعني أسولف وأكسـر الكتمـان
تعبت من السكوت اللي تعود يسكـن بذاتـي

عليم الله مافيني شبر يضحك فرح وأشجـان
وأنا لو جيت ابضحك لك أجيك أضحك بدمعاتي

حياتي شعرن وشاعر وجمهوري بقايا انسان
ونقـادي زمـن قاسـي ولا يفهـم كتاباتـي

أناظر للبشر حولي أحد يضحك أحـد طربـان
وأنا صعبن علي أضحك أسايرهم بضحكاتـي

عجزت أكذب على نفسي بفرحه ما بها ألوان
وحزني ما عجزعنـي بـدا يرسـم نهاياتـي

طريقي صعب وجروحي كثير وداخلي ضميان
أبي لو يوم واحـد أحـاول أجمـع شتاتـي

أنا قصه تبعثـرت وتطايـرت بزمـن خـوان
تعلمت أخسر البسمه وأداري عضـة شفاتـي

أبكتب لك وبالخط العريض وريشـه الفنـان
أنا الخسران توقيعي وانا الخسران بصماتـي

أكمل لك عن الضيقه اكمل لك عـن الأحـزان
تأكد لو بكمل لـك تصيـح وتطلـب سكاتـي



بصراحة اعجبتني وبقوووووووووووووة ونقلتها لكم ....:26:

8
2K

يلزم عليك تسجيل الدخول أولًا لكتابة تعليق.

تسجيل دخول

راما!
راما! •
اختيار موفق 00 جعلنا المولى ممن كتب لهم السعادة والهناء
ضيم الجراح
ضيم الجراح •
سلوة الروح ..

كل ماعدت للتصفح الواحه الشعبيه << ادخل وانا كلي شوق للبحث عن مواضيعك ..<< لاني اعلم تمام العلم اني سأجد شي يشبع شغف نفسي من الشعر ...

ذوقك راااااااقي جدآ واختياراتك لاغبار عليه واصلي لاهنتي..

مع ودي العميق لك
ضيم
**سلوة الروح**
**سلوة الروح** •
راما! ....
الله يسعدك دنيا وآخر على هالمرور اللي يرد الروووووح ....



ضيم الجراح ....
يالبي قلبك على هالطلات وينك والله فقدتك بقوووووة عسى المانع الخير يا الغالية ....
why!!
why!! •
هذي القصيده بالذااااااااااااااات
تعجبنيييييي من زمااااااااااااان اقراها واقول بحفظها وانسى ):
واللحين مشكووووووووووووووووووووووووووووووره بحفظها عشان ماتضيع مره ثانيه

مميز اختيارك
**سلوة الروح**
**سلوة الروح** •
ان شاء الله ما انقل لكم الا اللي يعجبكم يالغاليات ....

وتسلمين على مرورك ....