أنا بحاجتكم تكفون لاتخلوني ولاتبخلون علي باالدعاء والنصيحه

اخواتي
اود ان اعرض لكم مشكلتي وهي كبيره ولاتستهينون فيها جعلكم ماتتعرضون لها انا بنت عمري 23 سنه متخرجه بدت مشكلتي بعد زواج اخوي حيث كنا نعيش اناوامي وابوي واخواني في احسن حال وافضل حال كانت امي وابوي مدلليينا ويعرفون وش محتاجه من غير مااطلب بعد زواج اخوي بكم شهر توفت امي وبدت المشكله زوجت اخوي بدت تؤذينا تبي تتسيد في البيت ولاكن ماتعرف كيف تبي تطلع ببيت لحالها وزوجها رافض وصبت اذاها كله علينا
رغم ان اخوي ملبي لهاكل طلباتها ماعداالبيت وباالرغم من ان حالته الماديه احسن من الممتازه لاكنه لم يستجيب لطلبها ليش ماادري؟
ولاكن مابي اطول عليكم في يوم صار فيه مشكله في اجهزة التلفون عندنا
صارت تتشبك الخطوط احيانا وصارت تتسمع كل مكالماتي مع خواتي واقاربي وصديقاتي طبعا انسانه مثل هذي لابد ان الواحد يفضفض على اقرب الناس له وكنت ماانكر اتكلم فيها وفي اذاها وتسلطها ولاكن يعلم الله لم اتعرض لعرضها ولااسأت اليها وجها لوجه في يوم من الايام دخلت علي وانااكلم اختي وووجها اسود من العبايه الاوقامت تتهجم علي وتسب فيني وتقولي تتكلمين فيني مع خواتك وكلام ماله اول ولاله تالي وربي يابنات ان ربي منزل علي السكينه وكنت اقول في وجهها حسبي الله عليك ونعم الوكيل وجعل مايحسن فيك الاانا
المهم انقهرت وقربت تمد يدها علي قالت بظربك والكلام ذا قدام ابوي وزوجة ابوي واختي المعاقه
اناوش ردي عليها وربي على مااقول شهيد قلت اظربيني اناقدامك انامابي غير الاثار من ربي وحسبي الله عليك اخذت جوالي وكنت اناوقتهامنصدمه مومصدقه الموقف كنه فلم ومسلسل شئ ماينتصدق دقيت على اخوي وقلت له تعال زوجتك بتظربني تعال الحق ابوي يمكن يجيه جلطه
المهم قام يسب اخوي وقفل المهم قالت ليش قلتي لاخوك هووش دخله وربي يابنات اهانتني اهانه مايعلم بهاالاربي وابوي بس ماسكها عني مايبيهاتظربني وزوجت ابوي بعد والشغاله
يعني 3 اشخاص ماسكين شخص واحد وربي ماقووها
كانت متهجمه علي بشكل اقسم بالله اني احياناانادي اشغاله اسألها هل الي حصل صدق او حلم المهم جت ودعت علي وعلى رزقي باان الرزق مايجيني وان الرجال مايدق باب بيتنا
والله يابنات ابوي الله يهديه باالرغم من كل الي صار موقفه سلبي بس اكتفى باابعادها عني ويقول اذكرو الله وانالازلت اتحيسب
جاء زوجهاولاكن شئ صار مسكني وقالي ليش تتكلمين فيها وربي اني ماسبيت ولاطعنت بشرفها بس كان كلامي بس شكاوي لخواتي واشياء بسيطه ماتستدعي كل الي صار وكانت مظبطه وضعها مع امهاوابوها يجون في الوقت المناسب وكانت ماتبي اخوي يدري عن كل هذا تبي اهلها يضغطون على ابوي بس عشان هاالبيت ولاكن تلخبطت حساباتها يووم اني استدعيت اخوي لانها ماعملت حساب اني بنادي اخوي وربي يشهد انها من 8 الى 12 وهي تصارخ يعني نبرة صوتها اعلى مستوى حتى الجيران سمعوها جو اهلها وسبت امها ولعنت فيني ودعت علي قدام مين؟؟؟؟؟؟؟ ابوي واخوي ولاقالو اي شئ
وربي قهر انا بموت قهر المشكله لها شهرين واناعجزت انسى الموقف ولازلت اتحيسب عليها وربي عقب كل هالاهانه وانافي بيت ابوي والمذله والموقف الي صار
جاني ابوي وقالي قومي سلمي عليها
وربي قمت وكرامتي في الارض قلت بحتسب الاجر سلمت عليها وانا في حاله موطبيعيه منيب مستوعبه الوضع حتى كنت اضحك واتحيسب عليها يعني حاله هستيريه وربي على مااقول شهيد
وربي القهر ان زوجها ماحرك ساكن كنا بنتوقع انه بيتخذ موقف من زوجته ولاكن رغم الي صار قال سلمو عليها ولاتتكلمون فيها
باالعقل يابنات وشهذا معقوله هي طاهره ماتتكلم فينا ولاتحكي فينا يابنات وربي حتى تعرضت لعرضي قدام ابوي واخوي و هم ساكتين ماقالو اي شئ
وربي اني عايشه في حاله ضيقه وحزن مايعلم به الارب العالمين وكم مره اشوفها في الحلم واتحيسب عليها وعلى امها تكرر رؤيتي فيها

000000
حبيت اقولكم عن قصتي واناواثقه باان رب العالمين ان الله بينصرني عليها ولاكن محتاجه لوقوفكم معي ووقوفكم معي باالدعاء لي باان ينصرني رب العالمين عليها ويآثرني عليها وحسبي الله عليها أسأل الله ان يجعل والديكم في جنات النعيم ان ماتنومون الليله الاوتدعون لي باالنصر وعند الافطار لان دعوه المسلم لاخوه المسلم في ظهرالغيب مستجابه