مـاركـه

مـاركـه @markh_4

عضوة جديدة

أنا بعدي حامل بس بغيتكم يالأمهات

الأمومة والطفل

السلام عليكم
أنا حامل في الشهر الرابع بس مدري ليه حسيت أنكم بتريحوني أكثر من اني أنزل موضوعي في قسم الحمل
بدخل بالموضوع على طول بدون مقدمات
أنا حامل بعد 3 سنين ونص من زواجي
حياتي قبل الحمل حياة عزوبيه نوعاً ما
ماكان عندي مسؤليات واجد وطبيعة شغل زوجي خففت شغل البيت عندي
بالمختصر حياتي كانت سهله
والحمدلله حملت بس من يومها وأنا احس نفسي شايله هم مدري ليه
أفكر في أشياء كثيرة واحسب حساب الف شي وأحاتي
حتى في الصرف زوجي يقولي صايره بخيله
مدري ليه دايم أحس أني لازم أوفر وأقتصد
احس أني خااايفه من حاجه لدرجه اني ما انام بسهوله
وأحياناً ودي أصيح
ساعات افكر وأكتشف اني أسوي من المشكله البسيطه هم كبير

هاللي يصير فيني طبيعي ولا اكتئاب ولا عين :44:

سوري أزعجتكم بس حبيت افضفض شوي :44:
3
554

يلزم عليك تسجيل الدخول أولًا لكتابة تعليق.

تسجيل دخول

Bsaimah
Bsaimah
هلا اختي ....الله يتمم حملك على خير ويرزقك الضنا الصالح
الحامل تمر بحالات نفسيه عصيبة وخصوصا الثلاث اشهر الاولى(بالنسبة لي استمرت هالحالة معي للشهر الخامس)وبعد كذا تبدا تخف تدريجيا
لكن للاسف ترجع لك هالحالة لما توصلين الشهر التاسع بسبب الخوف من الولادة
لكن نصيحة لوجه الله لا تحاولين تسمعين كلام الحريم اللي 24 ساعة يتكلمون عن الولادة وخرابيطها لانها بتزيدك خوف واحسن شي تصيرين على باب الله ...
لكن انا اقولك استمتعي بحملك قدر الامكان قبل لا يجيك البيبي وتنحرمين من النوم والراحة

نسيت اقول انا طبيبتي اعطتني في الاشهر الاولى حبوب لمنع الغثيان (ما اذكر اسمها) ولاحظت انها ساعدت كثير في تهدئة نفسيتي...
دعواتي لك بالتيسير
درة البحرين_947
حبيبتي هالشي طبيعي والكل مره فيه تقريباً
وخاصه بأول طفل
لان حياااتج بتتغير تغيرر كلي
في على هالاساااس نفسيتج بتتعب اول الحمال وحتى اووول الولاده

بس بعدين ببتعوودين على حيااتج اليديده
وبعد الطفل الثاني والثاالث بيصير بالنسبة لج الموضوع طبيعي جداً


بس اللحين بتخافين لان ماتدرين شنو بيصير بعدين او كيف حياتج بتصير لان إنتي اللحين إن شااء الله ببتدين حياااه يديده مختلفه من الحياه إلي عايشتها اللحين

بتكثر عليج المسئوليات والشغل وكل شي بس بتحبين هالشي بأذن الله


واهم شي الله يتمم لج الحمل بخيرر يااارب
ولا تفكرين واايد ولا تعبين نفسيتج واايد بالتفكير لان هالشي مب زين حق الجنين
الدكتورة علا أحمد
السم عليكم
حبيبتى هذا شعور طبيعى وخصوصا بعد تلك الفترة من عدم الحمل
ان شاء الله ربنا يكملك على خير وتقومى بالسلامة
مع الوقت سوف يقل الموضوع معك بالتدريج
وحاولى ان تبسطى الامور