أنا بين نارين أخلي ولدي وإلا أروح لأهلي

السلام عليكم ورحمة الله وبركاته
يابنات الحمدالله كنت مبسوطة في حياتي ولكن ارادة الله بدلت حالي من حال الى حال
مشكلتي زوجي عنده سحر او حسد والله أعلم ويتعالج عند شيوخ طبعا احنا ساكنين فوق اهله ومع العلاج طلع ان بيتنا مسكون وانهم يبونا نطلع منه وصاروا يأذونا فنزلنا انا وزوجي واولادي عند اهله طبعا مافي البيت الا امه وابوه واخته طبعا انا نزلت غصب عني من ناحية خوفي من البيت ومن ناحية ان زوجي اجبرني المشكلة أخته صايرة نفسية طول الوقت زعلانة وتنافخ على اولادي وتضربهم وإذا سويت شئ في المطبخ تجلس تصارخ ورجعوا الاغراض اخوها تكلم معاها وفهمها وضعنا بس مو راضية تفهم وأنا بصراحة حساسة من هالموضوع مابي احس اني ثقيلة على احد وهي طول الوقت مقفلة على نفسها باب غرفتها والله يابنات اني انظف البيت واطبخ وانظف المطبخ وعيالي ذبحتهم بالضرب عشان لايحوسون..
زوجي يقول اصبري لين يعطل الولد وروحي بيت أهلك لأن اهلي ساكنين بعيد واجلسي عند اهلك شهر ووقتها بيستأجر بيت أو ينقل خارج المنطقة بس انا ماعاد فيني صبر مليت من هالوضع وانا مالي الا اسبوعين
وبعض الاحيان يقول خلي الولد وروحي لأهلك واذا خلص دراسته جبته لكم بس قلبي مو مطاوعني شوروا علي بحل يريحني
أنا مشكلتي بس أخته والا امه وابوه حاطيني في عينهم...