انا بشرتي دهنيه ونفس معاناتك كل يوم تسير علي الحبوب واذا راحت سيرت الثانيه مكانها واستخدمت غسول نيتروجينا للبشره الدهنيه والحمدالله ناسبني والحين باديه استخدم قناع كلمت روعه قليله بحقه يخلي البشره
المسامات متقفله
الحبوب واثارها اختفت
يعطي الوجه نضاره ويشد البشره
والله ان خواتي يسالوني وش مستخدمه
القناع يتكون من
صبره وفازلين
تاخذين الفازلين الصغير وتحطين ملعقة الحلى الصغيره صبره مطحونه انتي تطحنينها لا تاخذينها من العطار مطحونه وانبهي لا تكون قديمه اذا جتك لونها بني غامق فهذي ممتازه
حطيها عند النوم والصباح اغسليها
وب واي سؤال انا حاضره ارسلي على الخاص واذا جربتيها قوليلي
لا تنسيني من دعواتك واذا ماناسبتك الخلطه لاتدعين علي

شوفي حبيبتي استخدمي محلول ديرما تي وصابونة اكني ايد كلهن تلقينهن بالصيدليه
المحلول تمسحي وجهك فيه بقطنه عندالنوم
وغسلي بالصابونه وان شااءالله ينفعك ياااارب

حبيبتي حاسة بمعانتك والله
انا طلعتلي يوم كان عمري 12 وتعقدت منها مررة وجربت كل كل شي بعضه فادني وبعضه بالعكس دمرني ولاراحت إلا لمن تزوجت لذلك انا اشوف انها مسألة هرمونات بس ما ابغى اكذب عليكي باقي الحين تطلعلي بس وقت الدورة وصغيرة مو متورمة زي اول بس في اشياء ما انسى حقها علي بانها فادتني قبل ما أتزوج اول شي منقوع المر (تنقعين قبضة من يدك مر اصلي غير مطحون في كوب ماء ساخن) وقبل ماتنامي تمسحين به وجهك بقطنه تسوينها والصباح تغسلينه بصابونة اكنى ايد ب25 اوصابونة الكبريت ب10 اوغسول نتروجينا البرتقالي لحب الشباب ب30 ومرة في الاسبوع أتسوين قناع الطين الاخضر المغربي-عند العطار ب 15-مخلوط بماء الورد وتحطينه ع وجهك ربع ساعة وتغسلينه وايضا مرة في الاسبوع تسنفرين وجهك بسنفرة ستيفز او هيمالايا بالمشمش سعر الواحد ب17 وتحطين كريم اكرتين ب 18 (خذي اقل نسبة إلي هي 00.05% ) على الحبة فقط(تضعينه في الليل فقط) تتركينه من ساعة إلى ساعتين وتغسلينه ومرة في اليوم تحطين قناع بياض البيض لمدة ربع ساعة ولازم ترطبين وجهك بكريم بيباثين الابيض ب12 والصباح تحطين واقي شمس(انصحك تبتعدين عن نتروجينا مع انو مخصص للبشرة الدهنية بس كله زيوت ويطلع حبوب)استعملي سيباميد ب50 اوجونسون ب30 اوبيزلين ب50 وكل شوي امسحي وجهك بماء الورد البارد وإذا رحتي عند دكتورة لاتاخذي كورس الروكوتان لانك باقي معديتي عمر 18 واتمنى اني افدتك غاليتي وادعيلي

وعليكم السلام ورحمة الله تعالى وبركاته

حبيبتي

دايم كثير في المنتدى يقولوا الشاميات حلوة بشرتهم وما في مثلها طيب ما عرفنا أيش السبب ؟

طريقة أكلهم

هم يعيشون في منطقة البحر المتوسط هذي المنطقة معروف كل ما يزرع فيها صحي

فشوفي طريقة أكلهم وطبيقها

فيتامين "أ"

هذا الفيتامين له دور أساسي في المحافظة على صفاء البشرة ومرنوتها وتخفيف الدهون التي تظهر على البشرة

فين نلقاه

الكبدة والجزر والملوخية والباميا والسبانخ والخضار الورقية الخضراء والبروكولي ( القرنبيط الأخضر ) والمشمش والشمام والأناناس والكوسا والبطاطس والبيض

فيتامين "ج" أو c

هذا الفيتامين معروف لنضارة البشرة ويحافظ الكولاجين في البشرة

فين نلقاه

مصادره كثيرة جدًا وأهمها البركولي المطبوخ الحمضيات والخضار الورقية الخضراء والبندورة والفلفل الرومي

تعودي تأكلي كل شيء صحي ووكثري من أكل التبولة والفتوش وشوفي كيف راح تصير بشرتك < مجربة وكمان كثري فواكه

فهذا له أثر على بشرتك وكمان النوم بالليل له اثر عظيم في نضارة البشرة وتستفيدين من غذائك أكثر

ثاني شيء : الإستحمام يوميا أساس ظهور الحبوب عدم الإستحمام

ثالث شيء غسلي بشرتك بالغسول الخاص 3 مرات في اليوم في الصباح أول ما تصحي وبعد الدوام وقبل النوم و د.طير الحرم تقول عن غسول هو أفضل أنواع الغسولات لحب الشباب وهو عندي صرفته ليا الدكتورة

اسمه

TEEN DERM GEL
وهذا رابط الدكتورة طير الحرم تتكلم عنه http://forum.hawaaworld.com/showthread.php?t=3158518

بس ما أدري إذا يناسبك ولا لا أنا ناسبني

والله يجزاكِ الخير ويحقق مرادكِ

دعواتكِ

:)

أنا نفس حآالتك كانت تطلع لي حبوب بس من أشيآء معينه شوكولاته وكيذآ الفتره هذي طلعت لي حبوب < ع قولتك كل يوم حبه
وقفت اكل شوكولاتآت وسويت خلطآت غسول كل شششي .. الخ مانفع
بس الي صار انو انا الدوره تلخبطت شوي فاتوقع انها السبب واتوقع لها علاقه كبيره بالهرمونآت واذا كنتي بعد متوتره ترى التوتر له دور كبببببببببير