اول شيء قبل لا تفاتحين اهلج .................انتظري ضربة منه

وبعدين روحي للمستشفى وخذي اشعة تثبت هذا الشيء لانه لو واجهوه يمكن ينكر بس لو شافوا الاشعة بيكون عندج دليل قاطع بضربج

ولا تصبرين على تعاستج ترى في من الرياييل الزينين واااااااايدين (الحين لاتفكرين بانج ما تتزوجين بعده) ردة فعل طبيعية تحسين فيها بعد المشاكل

الحين فكري كيف تتخلصين منه في حياتج

والله يصبك على بلواك...................وتذكري ان الانسان يبتلى على قدر دينه

واسمحيلي

من نحاية النفسيه

راح اقولج شي

انتي غلطانه انج تسكتين ياحبيبتي

انتي دامج مش غلطانه ولا عامله حاجه شينه ويضربج من غير سبب لازم تروحين تشتكين لأمج

حبيبتي كثير ماتكتمين اسرارج ماتصارحين حد واشعر انج وحيده بلا صديقات وبهذا السبب راح تنفجرين وبعدين ياحبيبتي يمكن تصابين بمرض نفسي ( الاكتئاب ) ( بعيد الشر عنج ) انتي حبيبتي رقيقه وطيبه ومتسامحه والطيب دايم حقه ضايع ( لكن صديقيني لج اجر عظيم ) بسبب الستر على عيوب الزوج ( انتي زوجه مثاليه ياحبيبتي )

والحل
اذهبي لامج وقولي لها كل شي حبيبتي هذا حقج وانتي مب غلطانه بشي
ويمكن اهلج يحلون سالفتج معاه

وانصحج باالاكثار من الصلاة وقراءة القرآن الكريم
والاذكار وكوني متمسكه بالله

وتأكدي كل شي له حل


واعتقد ان زوجج عاش طفولته تعيسه وكان اهله دايما يضربونه مما ادى الى تكون شخصيه غير طيبه
وتحب الضرب
واعتقد انه متعقد من شي ولكن الله يعلم

ربي يشفيه ويصلحه

حرررررررررررررررام عليك نفسك وحرام تضيعي حياتك مع واحد زي كده استخيري واطلبي الطلاق

لا حول ولا قوة الا بالله...يا أختي شو هالعيشة مع واحد كل يوم طراقات....لا وبعد يشك في عذريتج...

لحقي نفسج من الحين ولا تخافي اذا الناس تقول عنج مطلقة...الطلاق أهون مليون مرة من هالعيشة اللي عايشتنها مع هالإنسان...

ولا تسكتي خلاص وخبري أهلج...والله لو أعرف رقم أهلج كان أتصلت فيهم بنفسي....قلبي عورني حبيبتي ولا تضيعي نفسج أكثر....

الله ييسر أمروك ويسهلها ...امين

عزيزتي زوجك يمكن من النوع اللي يبيله اسمحيلي تأديب واكبر دليل لما رحتي لبيت اهلك وانقلبت شخصيتك عليه خاف وتراجع ... انا من رأئيي تكملي نفس السياسه وتقعدي فتره اعتبريها فترة استجمام في بيت اهلك وافضلي هناك لحد ماتضمنينه انه عقل وطلع في رأسه مخ ويفهم انك انسان ويعرف قيمتك ... اما السذاجه والرضى من اول دمعه منه لاتقبليها وقسي قلبك شوي معه ..

ونصيحه لله رضى الناس غايه لاتدرك اعرفي وين مصلحتك واستخيري الله...من البدايه راعيتي الناس واهتميتي بكلامهم على حساب حياتك وايش استفدتي غير انك اصبحتي جسد بلا روح .

والله يرعاك