اختي مع اني ما اشارك كثير بس من صدق مشكلتج كسرت خاطري والله اول الشي حستيته فلم بس صدقني هذا الريال ما منه فايدة واحسلج تنفذين بجلدج منه ولا تقولين ما بيرضى يطلق او اي كلام من ها النوع في شي اسمه خلع والله الغني عنه واحمدي ربج انه لو وقفتي في ويهه اهلج بيوقفون وياج مع انه انتي الغلطانة من البداية يعني يوم انج ما ارتحتيله وابوج كان مستعد يفصلج عنه كان وافقتي ولا شو فايدة الاستخارة الي الله مشرعها عشان الواحد يجوف صلاحه وين المهم احينه ما ينفع الملام بس الي انا فهمته من سالفتج انه عندج عيال لانج قلتي حتى وانتي حامل ما سلمتي من شره انا اريد اسالج يا اختي سؤال انتي كيف تستامنين على عيالج منه او كيف تريدينهم يتربون تربية صالحة اذا كان ابوهم مايراعي حدود الله في امهم وكيف تبينهم ينشؤوون اسوياء وهم يجوفون امهم دوم تتصفع ومهانة واعذريني في الكلمة؟؟؟؟؟؟؟؟؟؟؟؟؟؟؟ اختي لا تقولين يمكن يتعدل لاه والله اعرف وحده جي من 20 سنه بس طبعا بدون ظرب بس معاملة خايسة ولين الحين ما انصلح حال ريلها فانتي كيف تضمنين انه حاله بينصلح خاصتا انج صليتي استخارة بداية خطوبته ولا ارتحتي له معناه انه ما فيه خير لج وانه مابنصلح حاله وغير جي الله بيردها فيه انشالله

واعذروني على الاطالة

انا اتوقع انه ماراح يطلق لانه خبيث ونجس وماعنده كرامه اصــلا,,

وراح يتفن بتعذيبك نفسيـــــــا ,, عاد انتي خبرينا وش بيصير

معـــــــــــك حبيبتي ,, والله يوفقك وينصرك على هالوحش

السلام عليكم ورحمة الله وبركاته...

اشحالكم خواتي؟؟؟

بصراحة اشتقت لكم... أنا عارفة إني قطعتكم فترة.....

والله كنت حاسة إنه ربي فرجها وفتحها بويهي... بس كل شي انقلب ضدي....

أنا كلمت أبوي... لأنه صار موضوع ثاني بيني وبينه...

وهالمرة بصراحة أبوي قال لي أنا مب بايعنج.... تمي ولا تردين...

بس بعد فترة تقطع قلبي يوم عرفت إنه قايل من وراي لا تدزون لها ويه وايد عشان ترد لريلها...

وللأسف إنه أهله كلهم واقفين وياه ويقولون إنه حرمتك قليلة أدب... كيف خلتك وراحت؟؟؟

مع إنه اخته مسوية نفس الشي مع ريلها... بس هم غطوا على سالفة بنتهم ونشروا موضوعي...

والكل قام يطلع علي كلام... وللأسف إنه أبوي تحملي فترة بسيطة... والله العظيم ما كنت متوقعة هالتصرف من أبوي...

والله يا بنات إنه أصيح عند أهلي ألين ما عيوني تحرقني وخواتي يصيحون معاي...

بس للأسف... ماشي فايدة...

وللأسف إنه أم زوجي اتصلت علي أبوي وقالت له كلام كله كذب في كذب...

الحمدلله إنه أبوي استفسر مني عن هالمواضيع حلفت له إنه كل هالكلام كذب...

حتى زوجي يقول لي بتردين البيت وتعتذرين من أمي...

قلت له أنا مب معتذرة من أحد لأني ما غلطت على أحد... ولا تكذبون وتصدقون كذبتكم؟؟؟؟

بس للأسف.... الكل ضدي ألحين.. شو أسوي؟؟؟

والله كلما قالوا لي أهلي يللا تلبسي عشان تروحين اليوم بيتج أقعد أصيح مثل الطفل اللي يشلونه عن أمه...

والله يمكن أكثر... أصيح ألين ما أطيح عليهم ويرحموني شوي...

يا بنات... أمه أكبر كذاااااااااابة ومنافقة... والمشكلة سيطرت على عقله بشكل ما تتصورونه...

والولد للأسف ولد أمه....

كل صغيرة وكبيرة في حياتنا يقول لأمه... وأمه تزيده وتشحنه أكثر وأكثر....

والله العظيم طلبت الطلاق... بس للأسف...

آآآآآآآآآآآآآآآآآآآآآآآآآه... آآآآآه بس آآآآآآآه من هالزمن...

يا رب.... لو تشوف راحتي في موتي فخذ روحي اليوم قبل باجر....

أحس يا بنات إنه شوي شوي إيماني بدأ يضعف...

تخيلوا يا بنات.. زوجي ياب لي هدايا من فترة... تخيلوا أمه شو سوت؟؟؟

أخذت الهدايا وتقاسمته مع بناتها....

والله بكيت من قلبي.... يعني لو كل مرة اييب لي هدية ما كنت بتكلم... بس أول مرة وشلته وقالت لولدها أنا شليته لأنه زوجتك قالت ما عجبني شي... زوجي ما عنده ذوق...

والله زعل علي وما خلا فيني شي... ونا والله مب قايلة أي شي... والله العظيم حتى إني ما شفت الهدايا...

تخيلوا إنها فتحته قبل لا أفتحه....

لو أخذتهم بدون المشاكل كانت بتهون بعد... بس ليش الكذب؟؟؟؟

وألين يومكم هذا يعايرني ويقول لي انتي ما تعرفين الأصول... لو تعرفين الأصول ما رحتي قلتي لأمي إنه ما عندي ذوق..

وتخيلوا شو سوا؟؟

أخذ الهدايا اللي أهديته إياه يوم عيد ميلاده ويوم عيد زواجنا ووزعهم...

والله قطع لي قلبي...

الله ياخذ حقي من أمه قبل لا ياخذ حقي منه يا رب...

ادعوا لي يا بنات....

ولأول مرة في حياتي أدعي ربي يرد كل شوي تسويه فيني في بناتها... عشان تحس...

هلا حبيبتي
كلنا قلوبنا معك
زيـــــــــن انك طلعتي ودامك مقتنعه انكما تبينــه ابدا
انتي اصري على موفك وهذا بيت ابوك حتى لو ابوك بيجرك من شعرك " وما بيسويها " اركضي وقولي انا في بيت ابوي وصيحي
المه يفهم انك خلالالالالالالالالالاص ما في منك فايده قررتي
يا حبيبتي اوزنيها ذل في بيت ابوك ولا في بيت الغريب هو واهله المرضى
والله ابوي لو كل يوم يلعن جدي بالنعال ولا الغريب ,, احنا عيله وكيفــنا
لا ويكذبوون !!!
يا حبيبتي يا اللي تبغينه يتنفذ دون تنازل ولا اقعدي في بيت اهلك

يعني وش انتي خايفه منه ؟
كلام الناس ؟؟ اصلا الناس ما فاتدك يوم كنتي في بيتك تنهانين ولا حتى في بيتهم
اهلك ؟ عادي والله لو كل يوم اشوف واسمع حركه او كلمه عاااااااادي لا تصيرين حساسه
والله لو تسمعين اللي ما ينقال اصبري ,, المهم اللي براصك يصير
محد بيوقف معك الا نفسك ,,
طيب فرضا رجعتي ,و طبعا بتزيد النذاله .. وتجيبين عيال .. اذا ما قتلهم او قتلك خير ونعمه ..
تدرين ان واحده من كل اربع نساء يتعرضون للضرب توصل للموت !!!!!!!!
دامك ما تبغينه لا يهمك احد امتي قولي عزيزه في بيت اهلي ولا ذليله عند الغرب
اما عن ابوكرا قالها من العادات وكلام الناس طنشيييييييييي
عيشي في بيتك عزيـــــــــزه
ايش بقالك من ثقتك في نفسك واحترامك لها الا قرارك الحين
سمعينا الاخبار الطيبه :)

اسمحيلي كلامي بيكون قاسي عليك
انتي من البدايه سمحت له يتمادى عليك
شافك سكتي قال هذي المره عادي عندها
وصااااااار يتمادى

حبيبتي الرجال من يوم ماتشوفينه بدى يقل احترامه لك
قولي له ستوب وقف
انا لي اهل يسندوني بعد الله

واذا هو ماحترمك ولا قدرك
انتي مفروض تروحين لهلك
الله يعينك عليه يااااااااااااااارب

ويسهل امرك ويسعدك