جسد بلا روح :

السلام عليكم ورحمة الله وبركاته... أشكركم خواتي.. أشكركم كلكم على تفاعلكم معاي.... والله كانت عيوني تدمع ونا أكتب الموضوع... وألحينه يوم قريت الموضوع حسيت إنه القرار اللي كنت متخذتنه صح... أنا كنت بطلب الطلاق... بس ما كنت قادرة أفاتح أهلي بالموضوع... إن شاء الله بحاول أتشجع... بس صدقوني يا بنات.. أنا إنسانة دمعتي تسبق كلمتي... والله ما أقدر أقول حرف واحد... ولا أطول لساني ولا أتكلم... ومع ذلك ما يقدر هالشي فيني... والله ألين أحينه يشك فيني... وكلما ييت أقول له شي.. يقول لي انتي كذابة من الدرجة الأولى.... وكل يوم أصحى وأنام على كلمة أنا ندمان إني ارتبطت فيج... أنا ندمان على إني تزوجتج... أنا ندمان على إني ناسبت ناس مثلكم... والله الكل يستاهل نسبنا.... بس هذي هي الدنيا... المشكلة كثر ما يسب أهلي يسوي عمره جدامهم إنسان ثاني... والله أروع ممثل شفته في حياتي... وأهلي مساكين.. كلما يهدونه شي.. قلبي يتقطع.... يفصلون له ثياب غالية.... بس شو يقول لي.. أكيد أرخص شي فصلوه لي... تعرفين حب أهلج للفلوس... يعني هم لو حابين الفلوس ما كانوا بيفصلون له أو يفكرون فيه... بس والله كلمة شكر ما يعرف ينطقها... كلما يطرشون لي شي.. أقول له اتصل واشكرهم... يقول لي هالشي يسوونه لج.. مب لي أنا... ليش أشكرهم؟؟؟؟ والله قلبي يتقطع... بس شو أقول... لمنو أشكي... وحدة من الخوات قالت يمكن أنا أبالغ... كنت أتمنى إني أكون مبالغة... بس شو أسوي.. هذا حظي اللي انكتب... ووالله أنا صابرة عشان صحة أبوي... مب عشان شي ثاني.... وصدقوني يا بنات... كله أفكر في مستقبل عيالي.. كيف بيتعقدون.... أنا كلمته... قلت له يرضيك تشوف عيالك معقدين؟؟؟؟ تضربني جدامهم؟؟؟ قال لي: أنا بعلم عيالج كيف يضربونج... ما بخلي ولا واحد يحترمج... بتشوفين شو بسوي فيج... انتي دمرتي حياتي وجاء دوري أدمر حياتج... مع إني ما سويت له أي شي... يا ناس... أنا إنسانة متربية ولله الحمد... والكل يشهد لي بأخلاقي... بس هو يقول لي انتي يبالج أحد يربيج... فكيف تبين تربين عيالج؟؟؟ ابعدي عنهم.... وعلى فكرة.... تعقدت من كل الرياييل... والله ما أفكر أتزوج إذا تطلقت.. أحس كلهم من طينة وحدة... ماحد يستاهل الاحترام.... بس المشكلة إنه أهلي ربوني على مبدأ شو ما سوى هذا ريلج.. احترميه... بس لو يعرفون إنه يضربني.. والله ما يسكتون له... بشوف هاليومين صحة الوالد وبحاول أفاتح أهلي وهم يفاتحونه.... ربي يحفظكم... ادعوا لي يا بنات إنه ربي يصلح حاله ويشافيه... يشافيه من هالمرض النفسي اللي فيه...

السلام عليكم ورحمة الله وبركاته... أشكركم خواتي.. أشكركم كلكم على تفاعلكم معاي.... والله كانت...

ام المعارك :

هلا أختي وحبيبتي جسد بلا روح وأول شي ياعمري أبغى اغير أسمك بعد أذنك أسمك "روح الحياة " بس لاتزعلين علي انت غلطانه ؟؟؟وش يصبرك كل هالمده والله أول طراق مااسكت وأوقفه عند حده لانه هو متمادي لانه يحس ان ماعندك اهل او عزوه وهو مريض نفسي وانا لو منك ماعندي استعداد اعالجه لانه والله مايستاهل ولا تقولين عيالي وعيالي والله ان جاكي شي هو اول واحد راح يرفسك انجي بعمرك وحياتك هو ماراح يخليك لمين يوديك الامراض النفسيه ؟؟؟؟؟؟؟؟؟؟؟؟؟؟؟؟ وخلاص كفايه تضحيه وحتا اهلنا تراهم مجبورين فينا وخاصه اذا كانوا مختارين حياتنا واتمنا اسمع عنك اخبار حلوه وروحي ياعمري هذا لامر مايبيله تردد ....................:26:

هلا أختي وحبيبتي جسد بلا روح وأول شي ياعمري أبغى اغير أسمك بعد أذنك أسمك "روح الحياة " بس...