السلام عليكم يا بنات...شخباركم عساكم بخير ...
انا اليوم جايه اوفي بوعدي واقولكم قصة ولادتي....بصراحه هي كانت مفاجئة مثل ما خبرتكم...
بسم الله ابتدي...
كنت قاعده في امان الله اطالع المسلسل السوري ...مرايا مرايا...خخخخخ مع زوجي كعادتي كل ليلة <<<اطالعه وانام...ولكن في هالليله الحلوة...ما قدرت اكمل...لاني حسيت بشي يضربني بقوه بالاسفل...ما كان في الم بس كان في قوة دفع خوفتني...صرخت فجاة بأسم زوجي ..وهو خاف المسكين ...وبسرعه بسرعه يبي يوديني المستشفى ..لكن انا قلت له لأ نكلم امي الاول وكلمتها بسرعه وقالت لي تعالي البيت الأول ...ورحنا البيت ...وعطتني أشرب ماء ورد وزعفران وقالت لي بيبين اذا فيه طلق ولالأ ...وانا حسيت بالم خفيف بس من خوفي رحت المستشفى...وسو لي تخطيط للطلق ولدقات قلب البيبي ...وقالو لي ان دقات ضعيفة...وتعبان...لكن الرحم ما نفتح الا نص سم...يعني ما في فايدة وقالو لي اني لازم اجلس عندهم...لكن انا رفضت..ووقعت وطلعت...
وقالو لي ارجعي مرة ثانية الصبح ورحت بيت اهلي ونمت عندهم للساعه 7 ورجعت نمت للساعه11 وما خليت زوجي يروح العمل ..خليته ينام وياي ..وبعدين جات امي وصحتنا من النوم عشان نروح المستشفى ورحت عندهم وهالمرة ما خلوني اطلع وخلو زوجي يوقع على ورقة عشان اظل عندهم...ودخلت غرفة المخاض وظليت تحت المراقبة ...من الساعه 1 الظهر الى 7 المغرب انفتح الرحم 3سم بعدين تعبت لاني مانمت عدل فعطوني ابرة مهدئة ...ونمت ...كنت اصحى من النوم وفيني الم ..لكن كنت اخذ نفس عميق ..كان فعلا يريحني وايد...وكنت اطالع الساعه واشوف المده بين الالم والثاني ...اول شي كان كل ربع ساعه بعدين كل 10 دقايق بعدين لا كل 5 دقايق وكنت اقرأ دعاء كانو كاتبينه في ورقة ومعلقينه عالجدار قبالي وكان فعلا يريحني وايد...وكنت احس ان حصرانه وايد بس الممرضة الي كانت وياي ما ترضى لي اروح الحمام الله يعزكم عاد بعدين لا هي تشوفني نايمة تطلع عني وتقرأكتاب في الغرفة الي مقابلتني ولا تدري اروح الحمام من غير ما تشوفني ..واثاري كان ماي البيبي ..وكنت دايخه الحمد لله الله ستر اني ما اغمى علي بالحمام وصار بالبيبي شي بعدين لما عطوني الابرة الثانية...خلاص تخدرت وصرت حتى لما احس بالماي ينزل ما اهتم له بس حسيت ان بطني نزل وايد بعد الماي ...بعدين صحيت من النوم وما شفت احد يمي وقمت اصارخ عالممرضة واناديها واقولها خلاص ما اقدر اتحمل الالم اكثر من جذي وكشفت عالرحم وقالت لي خلاص خلاص 9 سم ولادة ولادة والله اني فرحت بالرغم من الالم الي فيني وبعدين الي صار اني حاولت ادفع ما قدرت ادفع لاني ما قمت احس بالم والسبب الابرة المهدئة الي عطوني ..والممرضة تقولي دفعي من غير صراخ لا تصارخين لانك ما راح تستفيدين وبعدين قمت اضرب على رجلي بقوة واقولهم ما احس بالم شوفو مافي الم...وانا اصيح لاني خايفة عالبيبي ولكن الممرضة الله يجزاها خير ساعدتني وقالت لي دفعي قد ما تقدرين...ومن غير صراخ وانا اقولها لا سوو لي عملية بسرعه بسرعه عشان البيبي قالت لي لا ما يحتاج عملية الراس خلاص طلع خلاص والبيبي حتى في شعر يله يله...وولدت الحمد لله رب العالمين...الله يعطيكم يا بنات وتجربون الولاده وألمها الممتع....الله لا يحرم احد من هالنعمه يارب..
بنت كيوت @bnt_kyot
محررة ذهبية
يلزم عليك تسجيل الدخول أولًا لكتابة تعليق.
الف الف الف الحمدلله على السلامه
الله يخليلج ريومه :)
حلو شعورج لمن تولدين وتشوفين البيبي صح؟؟؟؟؟؟<<<<<<<< اكيد صح:27:
الله يخليلج ريومه :)
حلو شعورج لمن تولدين وتشوفين البيبي صح؟؟؟؟؟؟<<<<<<<< اكيد صح:27:
الحمدلله على سلامتك وسلامة البيبي......والله يعطي كل البنات المحرومات.........:26: :26:
الله يسهل علي وعلى كل الحوامل
اللهم آآآآآآآمين
الله يسهل علي وعلى كل الحوامل
اللهم آآآآآآآمين
الصفحة الأخيرة
وعقبالي وكل الحوامل نولد على خير:26: :26: