أنا حاسة إني طماعة يابنات حواء مادري ليه ؟

بقولكم عن قصتي واللي ابيه منكم انكم تكونون متعاونين معي وماتردوني خايبة ولا تضحكون

علي قصتي تبدأ بضغوط نفسية ومشاكل والحمد لله على كل حال والنهاية تساقط الشعر والله لا

يوريكم صرت والله قرعة ماقدر افك شعري عند احد ومتأزمة منه جداً حتى صارت نفسيتي إلي

الأسوء المهم مايأست شديت حيلي في خلطات ومساج للشعر ماخليت شي ماسويته وكنت

مغطية شعري عند الناس مابيهم يشوفونه وهو بهالحال والحمد لله يابنات والله ماتصدقون

كيف كان شعري وكيف اصبح والبارح قررت إني افك شعري عند بنات خالتي والحمد لله

عجبهم بس انا من طبيعتي مابي احد يقولي في شعري حاجة يعني صرت حساسة من الكلام

في شعري وفجأة وحدة من بنات خالتي قامت قالت باقي له شوي من الجوانب ويرجع مثل اول

قصدها شعري لأن في مكان في الجنب الشعر فيه مو كثير مره بس الحمد لله انا كنت راضية

وعينك ماتشوف إلا النور هي قالت هالكلام وكأن احد صافعني على راسي ومن وقتها يابنات

لحد الحين انا مانمت من كثر التفكير الشيطان موسوس في راسي ومايبيني افرح فيه مع ان

النتيجة كانت جداً مرضية وشعري تغير 180 درجة لكن الشيطان مو راضي يفارقني

خواتي من جد ابي مساعدتكم وانكم تريحون بالي وإذا في شي قوي ينبت الشعر في الجنب

تقولولي عليه مع انه مو واضح مره بس اختكم طماعة زي ماقلت تبي شعرها زي اول واحسن

والله يكتب للي تريحني الفردوس الأعلى من الجنة .

والله صارت قصة بس معليش اعذروني من جد السالفة تضحك

بس ابي ردودكم والسموحة منكم

تحياااااااااتي :(