هلا اختي لولوه لاتشيلين هم اسألي اللي تبين واعذريني عالتأخير تراي مشغوله هاليومين
بجاوب على اسألتك بالارقام :
1-جو ماليزيا طوووول السنه واحد مايختلف سواء بالصيفيه او بالربيع كله واحد رطوبه على امطار غزيره بس اذا مطرت اعتدل الجو وصار حلو لطيف
2-ايه تغلى بالصيفيه اكيد مو مثل اي وقت ثاني لان بهالوقت يكثرون السياح بس المطاعم ماتغلى اللي يغلى الاماكن السياحيه
3-والله الخطوط اسعارها مثل بعض بس احجزي من بدري وانا رايي روحي على السعوديه احسن لكم لانها دايركت على ماليزيا مافي ترانزيتات وقرف
4-الاماكن السياحيه في العاصمه عندك : صنواي لاقون هذي العاب مائيه روووعه للي عندهم اطفال وزوجك بينبسطون هناك
وحديقة الحيوان اسمهاzoo negara (زو نيقارا)
وحديقة الطيور والله نسيت اسمها بجيب لك اياه ان شاءالله
سوق تايمز سكوير اخر طوابقه ملاهي خطيييييره وكبيره
ومدينة لجنتنق هذي بارده بينها وبين العاصمه ساعه تقريبا فيها ملاهي وسوق حلو تطلعون لها بالتلفريك
ومنتجع افاموسا : تبعد عن العاصمه ساعه ونص روحولها بدري يعني انزلو من الفندق 10:30الصباح كله حيوانات وسباحه العاب مائيه وعروض فيله ولاتنسو اول ماتغرب الشمس روحو للي جنبه مدينة الكوبوي فيها عروض للحيوانات وعروض للكوبوي يلعبون بالنار احنا استانسنا فيها
وعندكم مصنع الجلود ومصنع الشوكولاته رهيب اذا تبغين لك شنط او احزمه واوجاكيتات جلود اصليه ومصنع الشوكولاته يبيع شوكولاته معلبه حلوه للهدايا
امممممم اذا تذكرت برجع لك
والجزر روحي لبيننغ فيها منتجعات حلوه عالبحر وفيها سوق ليلي وفيها هضبة بيننغ تطلعي لها بالقطار وفيه عندك جوله بحريه الى جزيرة القرود فيها شوي وصيد اسماك ,,انتو اول ماتوصلو للبيننغ بتلاقين في الشوارع مكاتب للسياحه ادخلي عندهم بيفيدونك ولاتخافي ماليزيا اختلفت الحين صارو اهلها يفهمون عربي
5-الاسواق الرخيصه في العاصمه وخلي التسوق منها اخر يومين عشان تعبي الشنط ومنها للمطار واحسن سوق رخيص (تايمز سكوير)عندك الدور 3و4و5و6كلهم من 10 الى 50رنجنت وفيه عندهم بضاعات تايلنديه والله انا اخذت منها روووووووعه غسيل ولبس ورخييييييص
واذا تبي اسواق فخمه وبضايع ماركه وغاليه (سوق بافليون في شارع العرب وسوق البرجين التوأم اسمه سوريا كي ال سي سي)
6-المطاعم هناك مليااااااااااااااان اولهم :
مطعم حضرموت على شارع العرب بس بعيد عنه شوي
لاتفوتينه رهيب اكله ونظيييييييييييييييييف
ومطعم التنور مطعم سوري في سوق بافليون تحت في لدور الارضي مطعم جنننااااان اكله كأنك بسوريا المشويات ماتتفوت وسندوتشات الخضار باللحم جربيها واذكريني :35:وترى اسعارهم معقوله
والوجبات السريعه كلها لذيذه ورخييييييييييييييييصه مو مثلنا ارخص وكلها حلال تطمني
وعندك في لبرجين التوأم في الطابق الاخير يمكن الخامس على مااعتقد تلاقي مطاعم هاااي روعه فيه مطعم ايراني نسيت اسمه وفيه ثاني اسمه (سبيس انديان)مطعم هنديي اكله ووااااااو مانساه جربيه وعلى ضمانتي خاصه سمبوستهم والبرياني
6-ياختي اذا تبين عربي ومصرّه انا بدور لك وباذن الله بجيب لك الرقم قريب وعلى فكره ترى المطار اول ماتوصلين مليان سواقين عرب بس مشكلتهم غالييين خليني ادور لك اوك
7-الانجليزي ماراح تعيقكم ولا شي احنا والله اول مره زرنا فيها ماليزيا كنا خرطي ماعندنا سالفه والله ماتورطنا ولاشي الا باشياء بسيطه وكان معنا المترجم ساعدنا كثير
8- سالتي عن فندق صنواي لاقون هذا حلو مره 5نجوم سكنا فيه وسعره مره حلو اذكر انه كان 540لليوم بس تراه بعيد عن البرجين التوأم وبعيد عن شارع العرب نصيحه لاتسكني فيه الا اخر يومين بالعاصمه عشان تجربيه ووتروحي للالعاب المائيه
هلا اختي لولوه لاتشيلين هم اسألي اللي تبين واعذريني عالتأخير تراي مشغوله هاليومين
بجاوب على...
منظمه نظيفه ومرتبه وهواءها نقي جدا تصدقي فيه غرامه يمكن 2000ريال للي تطلع دخان من سيارته !!!!
روحي لها بعد ماليزيا يكفيها 5ايام بصراحه بس الي يقهر فيها غااااااليه مررررررررررررره غلاء فاحش بس حلوه تستحق التجربه بس نصيحه نصيحه لاتروحي لها بالطائره روحي لها بالباص والله تجربه فريده من نوعها الباصات تحجزيها من فندق (كورس)او سوق تايمز سكوير باصات ايرولاين سعرها رخيص و5نجوم والله متعه حقيقيه مناظر روعه خضار امطار ان شاءالله انزل تقريري لسنغافوره وبنزل صور االباص ,وطبعا سوي رجعتك لبلدك من مطار سنغافوره فرصه تشوفين هالمطار الضخم