السلام عليكم ورحمه الله ~
كيف حالكم حبيباتي
انا ابغاكم تساعدووووووووووني
انا و زوجي راح نسافر ماليزيا بعد اسبوعين .... وهذي اول مره نسافر فيها خارج السعوديه
وراح نظل 9 ايام
حجزنا التذاكر والفنادق
بس باقي اعمل جدول للاماكن السياحيه والمطاعم والاسواق
راح يكون جدولنا >> سيلانجور .. كاميرون > لنكاوي > كوالا لمبور
كل مدينه يومين ..... غير كوالا لمبور 3 ايام
يعني باختصار
ابغى احد يعلمني ...ايش اخذ معي ؟ هل احتاج ملابس شتويه خصوصا بكاميرون لاند ...قرات انها مرتفعات وجوها باااااااااااااارد
اريد اي معلومه تنفعني لو كانت صغيره ~~ لانه هذي اول سفره لنا .. ابغى انبسط فيها
ربي يسسعد قلبها ويرزقها راحه البال والصحه والذريه الصالحه المعافاه
السلام عليكم ورحمه الله ~
كيف حالكم حبيباتي
انا ابغاكم تساعدووووووووووني
انا و زوجي...
خاصة كاميرون وللاسف كثير مايروحوها عشان البعد بس هذه المدينة خيال كأنك بالريف الاوروبي
ويومين حلوة برضو احنا نحتاج للاسترخاء بالسفر
هناك من الصبح افطري واطلعي مع تاكسي ياخذك جولة روحي لمزارع الشاي وبتشوفي كيف يصنعوه
واجلسي على المقهى اشربي الشاي ويطل على جبال روعه
مزرعة العسل حلوة
حديقة الفراولة ولايفوتك الايسكريم ومربى الفراولة تهبل
حديقة الورود روعه
شلالات
وحديقة الصبار تجربة جديدة وحلوة
في مطاعم زي كنتاكي وماري براون يهبل
سلانحور... من الصباح روحي للحديقة المائية تفتح من ١٠إلى ٦ ويوم الثلاثاء مغلقه صيانه
يوم السبت ولاحد مرة زحمه ماتنفع حتى ملاهي جنتنج بالجبل مو حلوة بأيام الاجازة
وحول الفندق في مطاعم وكوفيهات تجنن وتتمشى سير عالاقدام من جد متعه المنطقه
ومول صنواي بيراميد وفيه مطاعم وجبات سريعه
لانكاوي ...أعشق هذه الجزيرة مرة ساحرة وحالمة واختياركم لويستن روووعه
حلو في الصباح بدري تنزلو عالشاطيء الدبابات البحرية والباشوت وتستمتعو وكمان بالعصر حلو
بس وقت الظهيرة حار وماينفع لأن الاجانب عالشاطيء
لاتفوتو رحلة المانجروف وخذو قارب لوحدكم مو مع قروب تستغرق ٣ساعات الرحلة تقريبا
واسألو التاكسي وبيوديكم حلوة بعد الظهر قبل العصر يكون الجو حلو
برضو التلفريك رووووعه والمنطقة فوق شوي باردة وتستمتعي في مقهى صغير تجلسي ويطل تحتك البحر والجزر ..وجسر معلق رائع
واذا نزلتي تتجولي بالحديقة اسفل
روحيه بالصباح حلو وانتبهي لايكون في امطار لانهم يقفلوه.
الاكواريوم حق السمك بس لو بتروحي ايلي بكوالالمبور احلى واكبر .
كوالالمبور حلوة بس مادام تجلسو ٣ أيام
خلو يوم للجبل جنتنج من الصباح بدري لليل
ويوم روحو الاكواريوم حق السمك وبرضو البرجين وكلهم جنب بعض
برج المنارة مرة حلو وافضل وقت قبل المغرب تشوفي كوالا بالنهار وبالليل
واجلسي بالمطعم الدوار فيه مرة ممتع اشربي عصير
وتلقي تذكرة شاملة للبرج+جلسه بالمطعم شرب عصي وكيك وسعرها حلو
عندك كوفيهات كثير جنب مركز بافليون بشارع العرب لما تطلعي من المركز تلقيها عاليمين
وكل الشارع مطاعم عربية حلوة ومولات تايمز سكوير وبي بي بلازا ارخص شي
حديقة الحيوانات مو حلوة لاتروحيها وبرضو الفراشات والزهور ماتستاهل صراحه ولا الشلالات ايلي بكوالا لانها بعيده وتتعبي حتى تطلعي
سفرة ممتعه