أنا حامل بالثامن و شربت رشوفه فيها رشاد وذبحتني....؟

السلام عليكم يا كروشات

أبي أسالكم عن الرشوفه الي تاخذها الوحده بعد الولاده
انا حامل ببداية الشهر الثامن و زرت وحده واضعه
و شربت من عندها رشوفه لان الرشوف معروف عندنا
بالبحرين ان الوالده لازم كل يوم تشربها علشان تنضفها
وفيها رشاد

بس شربتها وبعدها بساعتين و الا انا بموت من الالم
جاني وجع خلاني ما اقدر انام الليل ويوم ثاني رحت
العياده والا تعطيني الدكتوره ابره تسكر الرحم لانها
قالت لي اني لازم ما اوضع قبل 4 اسابيع على الاقل

بس جاني ألم الله وكيلكم ما خلاني لا اقدر انام ولا اقعد
ولا انبطح ولا اسوي شئ ألم يضرب بالظهر والبطن
واسفل البطن واحس اني خلاص راح اولد

وظليت على هالحال 4 ايام انا مو في دنيا من الالم
وتوقعت اني خلاص راح اولد لا محال خصوصا وانا
بكريه ما اعرف للطلوق ولا ادري ان الرشوفه مو زين
للحامل

والحين باليوم السادس الحمدلله ربي أكرمني و سهل علي
وبدأت الالام شوي تخف عن حدتها

احذركم يا كروشات لا تشربون الرشوف وانتوا حوامل
لان بالاخير اكتشفت ان كل الي صادني بسبب الرشوف
لاني كلمت قابله وقلت لها اني بس اكلت الرشوف صادتني الالام
وقالت لي انها مو زينه للحامل و حذرتني ان بس ينزل مني دم
على طول اراجعهم و أكدت لي ان اتاكد ان ما ينزل مني دم
لانها تسبب نزول دم ولو كانت بأول الشهور كانت سببت لي أجهاض

والي تعرف شئ عن الرشوف و بلاويه على الحامل يقول لي
ويحذر اخواتي الحوامل منه