صراحه انا تزوجت وسافرت شهر العسل ورديت قعدت ببيت زوجي 5 اشهر وبعدها قرر زوجي يسافر لانه الدوام عطوهم سفره ولازم يروح قال كلها سبوعين وراد رحت ببيت اهلي

من اول ما راح وانا مريضه:( عظامي كلها تعورني وصدااااع انا من قبل لا اتزوج هم كذلك وياي دوخه مو طبيعيه يعني اذا ركبت اصنصير او السلم المتحرك او شي عالي واكون سهرانه او مو ماكله عدل على طول ادوخ واتعب فشي طبيعي انا عبالي شي عادي مادري اني حامل استمريت على هالحال لمدة 4 ايام قالت امي الدوره تأخرت عليج قلت لها اي 4 ايام قالت امشي الطبيب لانه حيل تعبت رحت انا وامي واخوي الكبير فقلت له اعراضي قال انتي متزوجه قلت له اي قال احتمال كبير انج حامل ويوم حللت فعلا طلعت حامل وزوجي مو عندي :( بجيت من الفرحه

والمشكله انه اقدر ادز له مسج او ادق عليه قلت يتخسبف بالشغل كلها جم يوم ويرد

طبعا اول ماخذاني من بيت اهلي انا ساكته ما اتحجا قلت بالبيت بقول له واهو يقول لي امرج غريب ولا العاده تسولفين شي شفيج ساكته زعلانه احد مظايقج ههههههههههههههه

طبعا بس وصلنا قلت له ترى انا حامل بدون مقدمات اطلعت عيونه قال تتغشمرين صح؟ قلت والله صج قال لي تحلفين قلت والله عور قلبي سجد سجده شكر وعيونه دمعت :( عور قلبي اول مره اشوف زوجي تنزل دمعه من عينه بس اشوه انها دمعت فرح

قصتك روعة ماشاء الله

الله يخليلك اولادك يارب
يالله يابنات عبنتظر الباقي منشان نستفيد من خبرتكم اذا صار حمل معنا
بنات وين تفااااعلكم