الله يجزاكم كل خير كل اللي ردوا ويبلغكم في ذرياتكم ويصلحهم ويسخر لكم رجالكم يارب
اليوم الجمعه كلمني المستشفى وقال تنويم وأنا بأتوكل على الله وبأسويها بأذن الله
وأشكر أختي (أمنيتي )على روحها الطيبه ومحاولة تعاونها معي لكن للأسف أختي الكبيره حلفت علي ما آكل ولا شيء لأني من لقافتي البارح أكلت عنزروت ولا جلست نص ساعه الا معدتي شابه نار لأن العنزروت معروف علقم وحار على المعده
لكن ما قدر الله شاء فعل
أبي دعواتكم لي بالسلامه دعوة المسلم لأخوه السلم في ظهر الغيب مستجابه
والى لقااااااااااااااااااااء بأذن الله

اللة يعافيك وتطلعين باالسلامة وتحملين حمل سليم ويسعدك ربي اللهم امين

اللة يعافيك وتطلعين باالسلامة وتحملين حمل سليم ويسعدك ربي اللهم امين

ولاشكر على واجب ياعيوني مابين الأخوات شكر وتقومين ان شاء الله بالسلا مة

الله يسهل عليك انشالله
ما تشوفين شر
انا اجهضت في حملي الاول و ماسويت تنظيف و لا شي
على فكرة
اذا ما نزل لحاله لازم تسوين تنظيف
عشان لا يصير مضاعفات يصعب علاجها بعدين
شوفي حبيبتي جربي الخلطات اللي قالول لك البنات
اذا ما نزل توكلي على الله
لانه احيان تصير التصاقات تسبب الله لا يقدر عقم ومضاعفـــات
انا عن نفسي عطتني عجوز وصفة و فعلا ما امداني رحت المستشفى الا و كلش نظيف
عبارة عن ما ورد و نشا
فنجان قهوة 3 مرات في اليوم
بس انا كان ينزل علي دم شوي قبل
اتمنى اختي تطمنيننا

هلا بأخواتي في الله والله لا يحرمني منكم وجزاكم الله كل خير على وقفتكم معي
أنا عملت التنظيف والحمد لله """"" دخلت المستشفى يوم السبت وطبعل تحاليل وخرابيط اللي بهذلتني علشان أنا معاي القلب ولا حبوا يستعجلون علي وأنا معاي ثقب بين البطينين لكن أحمد ربي على كل شي
وعملوا لي أشاعه سونار للقلب علشان الاطمئنان وقالوا ما فيه مانع تنويم كامل بس بحدود أنتهاء العمليه على طول
ويوم جاء الاحد كان معاي طلق من ربي وجلسوا كل اليوم يستنونيمكن ينفتح الرحم وأنا كنت أتوجع وأتلوى من الطلق طول الليل لكن ما فيه فايده بس يجون يكشفون وبهاذيل وفي الاخير ما أنفتح ويوم جاء صبح الاثنين الساعه 6 صباحا عطوني حبوب أبلعها حبتين علشان تحمي الطلق وينفتح الرحم وتعالوا شوفوا بس الالم والله تقولون ولاده المهم ما أنفتح الرحم وبعدها بأربع ساعات عطوني الثانيه وجاني طاقم طبي مكون من الاستشاريه وطبيب القلب والتخدير قالوا أحتمال نعمل لك توسيع في الرحم ونعمل لك تنظيف على طول بعد الحبه الثانيه وتوهم خارجين مني الا الدنيا تسبح ورجعوا على طول وهم مخبوصين علشان ما أنزف كثير """"لأن نسبة الهيموجلوبين عندي تسعه ونص وكانوا مخبوصين علشان القلب وعلى طول دخلوني غرفة العمليات وتنظيف فجأه صحيت على صوت الدكاتره وهم يقولون الحمد لله على السلامه خطر وزال أستغربت ناديت الدكتوره اللي عملت لي التنظيف وأكلمها وأنا دايخه قلت ايش فيه وليش عملتوا نقل دم قالت أحمدي ربك وأشكريه على سلامتك وصلي صلاة شكر بعد ما تصحصحين لان جاك هبوط في الدوره الدمويه وأختل عندك ضخ القلب لاني نزفت كثير كان الطفل في أول أسبوع من الرابع
بس والله ضاق صدري لما دريت بنقل الدم ما كان ودي يحصل هذا لكن الحمد لله ما قدر الله شاء فعل ونزلوني ومعاي دكتوره علشان تراقب حالتي 24 ساعه والحمد لله الحمد لله ألف مره أني طلعت لعيالي سالمه

وهاذي قصتي لكن الحمد لله على كل شي بس بهذله كأنها ولاده حقيقيه
لكن بأذن الله مأجوره على كل شيء ويارب يكون تخفيف ذنوب لأننا ما نخلى من الذنوب الله يعفو عنا

وألف شكر للجميع على مساعداتهم لي ولا أشوفكم في مكروه
والله يصلح ذرياتكم ويعطي كل محرومه يارب