أنا حـــــــــــامل ولكن!

السلام عليكم

سبق لي ونزلت موضوع أطلب فيه أحد يفتيني لأن الدورة الدورة نزلت بخفيف ومعها افرازات وكنت أتمرن عشان تنزل بشكلها الطبيعي واستمر الوضع خمس أيام وامس الصبح سويت اختبار حمل وطلع لي خطين وصرخت من الفرحة وأنا بالحمام -باسم الله الرحمن الرحيم- وبكيت كثير وعلطول توضيت وصليت شكر لله.. وأنا على فكرة متزوجة من سنتين ونص وبعد زواجي ب3 شهور حملت ولكن كان بالأنبوب الأيمن وشالوا الحمل وشالوا أيضا أنبوبي.. والناس صاروا يعزوني بالانبوب الشمال ويقولون فيه حريم كثير حملوا وخلفوا وهم ماعندهم إلا انبوب واحد.. وتقبلت وحمدت الله على اللي صار..
أرجع لحملي الجديد بعد ماعشت ساعات فرح أمس الظهر رحت للدكتورة وأخذت لي سونار ومابان أي شئ بالاشعة!!! وقالت لي حللي دم إذا كان نسبة الهرمون بالدم أقل من خمسة آلاف طبيعي مايبين بالاشعة وتعالي لي بعد اسبوع وإذا كان أكثر من خمسة آلاف نبدأ نشك إنه بالأنبوب الشمال!! أنا يوم سمعت هالكلام كان مويه حااااارة مكبوبة على جسمي وراحت الفرحة!! لكن قلت بشوف النتيجة وأخذوا مني دم وبالليل رجعت لهم ولقيت نسبة الحمل = 5281
مصيبة!!! مكتوب علي اني ماأفرح!!
مكتوب علي مايجيني عيال!!
ليه يشيلون انابيبي؟؟ خلاص مانيب انثى

صار زوجي يهديني وصارخت عليه وقلت له اللي يدينه في الموية مو مثل اللي يدينه في النار!! أنت أعضائك كاملة وتقدر تتزوج وتمشي حياتك طبيعي.. ويقول لي بنسوي اطفال انابيب قلت وش شايف أطفال الانابيب؟؟! صندوق طماط ينباع بالسوق!! فيه ناس يسوونها 10 مرات و12 مرة وماتنجح وتضيع عمارهم وتضيع فلوسهم عالفاضي!!

أنا قفلت جوالي مابي اكلم احد
وطول وقتي ابكي

فيه احد شالوا لها الحمل من دون مايشيلون الانبوب؟؟
علموني تكفون.. والاخوات اللي في مصر والاردن وسوريا طمنوني هل الطب وصل لهاتقنية وإلا لا؟؟!!