أنا خااااااايبة جدا و إنت بتنقذونى :) الله يسامحهم اللى كانوا السبب

أخواتى الغاليات
أقولكم إيه بس على خيبتى؟؟؟؟ حبيباتى من السعودية بيسموها فشيلة صح؟؟؟؟:22:
أنا زى بنات كتير من جيلى هنا كل اهتمام اسرتنا كان إننا نكون لابسين كويس وبصحة كويسة وتعليمنا عالى وأخلاقنا مفيش عليها غبار..... حاجة جميلة صح؟؟؟
لكن المشكلة إننا مش عارفين يعنى إيه جواز و بيت و مسئولية و تعامل مع راجل إنت مش عارفة هو تفكيره إيه :27:
المشكلة الأكبر إن فى عائلتنا و لظروف حياتهم فى الستينات و السبعينات كانوا مختلفين عن الأيام دى تماما يعنى أنا دلوقتى بالتأكيد أعرف أكتر من أمى بكتيييييييير رغم إنها جامعية و فى منصب ممتاز

وأول ما دخلت المنتدى هنا و كان بالصدفة كانت الصدمة:bkh:
اكتشفت إنى متخلفة :dozey: يعنى متخلفة عن كل الستات الشاطرين و جهلى واسع قد البحر المتوسط :23:

علشان كده أنا مدينة لكم كلكم بالفضل و اشكر الله كثيرا إنى وجدتكم قبل فوات الأوان لأنى فعلا كنت بدأت أفقد السيطرة على علاقتى مع زوجى من تقصيرى و انا فاكره إنى أنا كده تمام و كمان على عنايتى ببيتى و ألأهم هو اهتمامى بنفسى ... كنت وصلت لمرحلة وحشة قوى من الإهمال و كل اللى عندى حجج فارغة رغم إن السبب الحقيقة هو الجهل

شكرا لكم و جزاكم الله خيرا
و أرجوكم اللى عندها بنات تهتم بشدة بتعليهم الآتى:
- أصول دينها و علاقتها بربها
- فن العناية بنفسها و جمالها
- فن معاملة الزوج و أهله
- فن الطهى
- فن إدارة المنزل من نظافة و ميزانية و لمسات جميله

و الأهم من كل العلم ده هو الإخلاص فى التنفيذ

شكرا:26: