أنا خايفه مااعرف كيف اتصرف!! ساعدوني الله يخليكم

السلام عليكم
كيفكم اخواتي؟؟
أعذروني على اسلوبي معكم بالكتابه انا اول مره اكتب معكم وغير كذا اول مره اكتب بالمنتديات كلها
لكن بصراحه معاكم دائما انا اقرا مشاكلكم لما تطرحونها وكيف تتعاونون مع بعض بحلها احيانا الاقي مشكلتي نفسها حصلت لوحده منكم وساعدتوها بحلها
واستفيد منكم..
وهالمره بصراحه حاولت ادور مثل مشكلتي مالقيت ..
ماادري مااحد تعرض لموقفي او انا ربي اعماني ومالقيت مثلها على العموم انا بقول لكم كل شيء وياليت القى منكم رد لي
واتمنى تقرون كلامي للاخر
انا عمري 19 سنه
واستخدم النت من كان عمري 14
تعرّفت وقتها على ولد كان اكبر مني بـ 6 سنوات تقريبا
الولد عاقل بصراحه انا وقتها اعتبرته مثل اخوي اي مشكله هو اللي يعلمني حلها عرف اغلب امور حياتي
لاني انا انسانه انطوائيه وحياويه فأرتاح اني اكلمه بين شاشات تكون ثقتي بنفسي اكبر واكون أجرأ
المهم من كل هالسالفه الولد انقطع عني من اكثر من سنتين تقريباااا
ابتعدنا يمكن 9 شهور وبالاخير ارسل لي رساله انه غير ماسنجره وماراح يدخل منه بالمره الولد هداه الله ومايبي يتكلم مع بنات بالنت
بصراحه قد مافرحت له قد ماحزنت على نفسي احس اني صرت وحيده مو فقدت حبيب لي لا وربي والله كان اخوووو لي
كنت دايما اقول له اتمنى ان ربي رزقني باخو اكبر مني وكان يقول انا اخوك
درات الدنيا وخلاص تعودت انه ماعاد الاقي هالشخص بحياتي وانا يابنات مااعرفت لاقبله ولابعده
علاقتي بالنت كلها معه هو بس
من اسبوع وصلتني منه رساله كتب فيها انه يبيني ويبي الطريقه اللي يوصلني فيها ويبلغ امي عن الخطبه انا خفت بحياتي ماتعرضت لموقف من هالمواقف وغير كذا
الانسان اللي انا من جد وثقت فيه هو اللي يختارني
ماعاد عرفت افكر قلت بتجاهل الرساله حسيت الموضوع فيه غلط كان بيينا كلام علاقه بالنت اول ماكان يعرف عني غير اسمي وانا اصلي من وين وبس
حتى المنطقه اللي كنت عايشه فيها مايعرفها
خفت انه تنعدم الثقه بيننا , يصير لنا مشاكل بعدين سببها انه هو يلعب عليه الشيطان ويشك فيني وش بيقول كانت معي على علاقه وش يمنعها من بعد ماتركتها ماتبني علاقه مع شاب ثاني
قلت له بالرساله اللي ارسلتها له انه انتبه لامك وابوك وش بتقول لهم ابي بنت اخترتها من النت والا ايش
رد وقال امه تعرف كل شيء وهي موافقه بس يبي يتكلم معي عشان يعرف كيف يوصل لامي


يابنات الله يخليكم كيف اتصرف انا من جد بنجن
ماعاد معي عقل وبصراحه انا تفكيري عاطفي بزياده وخفت افكر بالموضوع لحالي تغلب عاطفتي علي واهلي واقاربي مستحيل احد منهم احكي له شيء عشان سمعت الرجال وسمعتي
مالي الا انتم يااخواتي تكفون ساعدوني وبسرعه الله يخليكم الرجال ينتظر مني رد