أنا سخيفة☹

مساء الخير
لاتستغربون كلامي فعلاً بديت أحس أني سخيفة اذا قابلت حريم أو بائعة ألقى نفسي أسولف سوالف مالها داعي مو قصدي أستهبل الي بالمقابل الاحظهم مستانسين وضحك على سوالفي ويخشون فيني ويعلموني شيء من خصوصياتهم وانا ماأعرفهم وطول الجلسة ضحك وأنا إلي أضحكهم بكلامي
بنتي تتضايق من أسلوبي تقول ماله داعي بعض السوالف مع البائعات مثلاً
والله أني أندم فعلاً حسيت اني سخيفة ماله داعي الأخذ والعطاء والضحك مع الأجانب
أحيانا اقول يمكن عشان الكبت الي فيني من زوجي وأهله والقى نفسي أضحك مع الغرباء ولا هي شخصيتي وتطلع مع الغريب
نفسي يابنات أقابل وحده وأتكلم معها بجديه وكلمة وردها
ومع ذاك صداقاتي قليلة وأغلب الصداقات أنا بنفسي قطعتها أحب تكون علاقتي بالناس عابرة ولا مرتبطة ب أحد
بالله عليكم إلي تجيكم كذا ماتعتبرونها سخيفة
زوجي كم مره قال عني في أسلوبي مرح
واختي وابوي وأخوي كذا بس انا متضايقة من حالتي نفسي أعقل وأسولف قد سني وكأم
على فكرة أنا ماأكذب في سوالفي ولا اجيب نكت ولا أسوي شيء بتعابير وجهي أتكلم عادي
ومع ذلك غامضة مااحد يعرف عني شيء حتى أسمي
تعمدت أكتب ذا الموضوع يمكن ألقى رد وحدة يعقلني