أنا سعيدة بدونك..

السلام عليكم ورحمة الله وبركاته
الدكتور مصطفى أبو السعد جاء في سواعد الاخاء مره اعجبني كلامه من ناحية تربية الأبناء ومن ناحية الأسرة ، انصحكم تسمعونه
قال كلمة وهذاني قاعده أحاول أطبّقها، يقول لك -بمعنى كلامه- أنتِ يا الزوجة لازم تهتمين بنفسك، تخلين لك وقت استرخاء، هدوء وتهيئة نفسية
مارسي الرياضة، شاهدي برنامج ممتع.
لا تحترين زوج ولا صديقه ولا احد
انتِ أسعدي نفسك بنفسك، لا تحتاجين لأحد!
لا يرتفع ضغطك عشان زوجك تأخر ، عشان الأبناء او او .. أشياء ما تستاهل!
لا تجعلين سعادتك مرتبطة بزوجك!
لا تفقدينه، جاء حيّاه الله ما جاء الله يحفظه!
ابحثي عن سعادتك مع ذاتك، سوّي مثلي ذاك اليوم سويت لي بيتزاء وشاهي وجلست اتابع برنامج مفيد ويغير جوي 😻😂💘 صدق استمتعت بغياب زوجي مع ذاتي.
اقرأي قرآن، مارسي هواياتك، انبسطي قد ما تقدرين
اذا دخل عليك زوجك بيشوفك مبسوطه صدقيني بيبتسم وينبسط معاكِ وانتِ بتنبسطين أكثر لأنك من أول مبسوطه
يا بنات لا تتركون القرآن أبد أبد، بيثقل عليك أول يومين ثلاث ايام، بعدين تتعودين عليه
بتحسين معه بركة في الوقت وسعة بالصدر
حتى إذا انشغلتي عنه بتحسين ان يومك ناقص بدون القرآن، حاولي حاولي قد ما تقدرين تتعلقين بالقرآن، مع القرآن بتعرفين وتستشعرين ان هذي هموم بتزول، وحالي هذا ما راح يدوم، مع القرآن والله يا بنات بتحسين بسعادة عجيبة، تكفون لا تهجرون القرآن..
المهم يقول اذا أنتِ أسعدتي نفسك أولاً زوجك راح ينجذب لك غصب 😻
لا تسمعين نصايح اللي تقول ورّيه العين الحمرا وخليك قاسيه معاه
أبدًا هذي النصايح بتزيد مشاكلكم وما راح تلقين حل
واسمعي كلامه ولا تقصرين معه بحقوقه، احتسابًا لوجه الله، لا تسألين وين رحت وين جيت، لا تطلبينه شي ما يطيقه، حاولي تفهمينه، بس ركككزي سعادتك مع ذاتك مو معاه!!
ابتسم لك ابتسمي له عشر مرات
قال لك كلمه حلوه قولي له عشر كلمات حلوه
اعرفي سعادتك الحقيقية وهو اذا شافك غصب بيلبّي طلباتك، وإذا ما لبّاها لا تهتمين لأنك سعييييدة مع ذاتك!
الله يوفق كل زوجة صالحة ويرزقها السعادة ويسخر لها زوجها يا رب العالمين 💕 وصلى الله على نبيّنا وحبيبنا محمد..