أنا صح والا غلط ؟؟؟؟

اختي اعذب الحديث معليش ابلشتك كل شوي ناطة لك بموضوع..بس أدري ان هذا اول طفل لك وودي تستفيدين مثل ماكنت أنا اتمنى اني اعرف وش المفروض الواحد يسوي..
الرضاعة الطبيعية ممتازه..
رضعتين صناعي باليوم ممتاز لانها محتاجه ولا يعتبر كثير..
السريلاك ماعمري عطيته عيالي ..
الفواكه زينه..
اقتراحاتي..
الشوربات مليون بالميه تبي ترغبها بنيتك ومفيده لها مرررره..
شوربه خضار وخليها خفيفه مابها دسم لانها صغيره..هالشوربة تبي تفيدها باذن الله لان فيها كوسه قرع بطاطس..
السليق ترى زين مدري تسوونه والا لا؟؟!! ممكن تعطينها شوي وتفرمين معه شوي دجاج..أكيد يبي يعجبها..
الخضار تقولين ماتحبه..فاذا سويتي الشوربة بالخضار اعتقد انها تبي تكفيها ان شاء الله وممكن تطبخين معها قطعه دجاج الين تنهري وتوكلينها اياه..
امي الله يجزاها الجنه اذا غرفت الشوربة تقطع شوي خبز لين معها وتوكله الطفل ..مغذي ويشبع..
نصيحة مني يااعذب الحديث..ونقطه مهمه..اذا صار عمرها 10 شهور حاولي تعودينها على شرب الحليب بدون رضاعه..يعني بالكاس المخصص..او بشفاط.. هذي الطريقه تخليها ماتكره الحليب وتربطه بالرضاعه..
اتمنى اني افدتك..
تحياتي..:26:

السلام عليكم
اخت شاكره الله يجزيكي الف خير ممكن تكتبين لي طريقةشربة الخضار بالتفصيل لاني ام لاول مره وبنتي من نفس عمر بنت الاخت جزاكي الله خيرا

يا حبي لقلبك يا شاكرة...:24:

قسما بالله ـ وما حلفتيني ـ اني حبيتك بالمررررة من كل قلبي... لأني بصراحة أحس انك ناصحة وحريصة وتبين تفيدين الغير.. الله يكثر من أمثالك وياجرك على جهدك...

حبيبتي يا ليت تكملين معروفك وتفصلين لي طريقة السليق والشوربات.. أنا البارحة جربت وحطيت موية مغلية ومعها رز مصري مطحون وشوفان مطحون وشوي نشأ ذرة وخليتها تنطبخ زين بس بنتي عافتها .. وجربت أضفت للباقي سكر وضربتها حيل بالمضرب وأكلتها الحمد لله:17:
بس عندي سؤال : السكر في هالعمر ما يضر؟؟؟؟ والملح كثير أقرأ ان طعام الأطفال في هالسن يجب أن يكون خاليا من الملح والسكر ... يعني هل فيه ضرر عليهم لأن مشكلتي أن بنتي ما تاكله بدون طعم :27:
والحليب يا شاكرة : وش تقصدين فيه ؟؟؟ حليبها المعتاد أحطه في كاس والا حليب طويل الأجل نادك والمراعي ونجدية..... ؟؟؟؟؟؟
يا بعدي علميني أنتظرك يا بعدهم كلهم....:26: :26:

شاكرة وينك؟؟؟؟؟
:24:

هلا والله..
معليش توي اشوف ردك لاني ماحطيت اشعار بريدي..
السليق هذي اكله نجدية غريبه ماتعرفونها؟!
طيب ..ابشرح لك طريقة لبنتك..
تسلقين قطعه دجاج لاتكثرين يعني ربع صدر مثلا..وتحطين شوي ملح وشوي بهار نتفه..
واذا زانت الدجاجه تصيرين غاسله رز مصري على حسب المقدار اللي تبينه..وتحطينه فوق الدجاج طبعا لو انه للعائله يبي يصير تزينه غير..بس لانه لبنيتك احسن للدجاجه انها تنهري زود..
وقصري النار عليه وغطيه وحركيه كل شوي علشان تشوفين اذا يحتاج زياده موية..
حطي شوي حليب (الجالون)لاتكثرين بس اسم..
وبس اذا انهرى اغرفي لبنيتك ووكليها منه..كل البزران يحبونه..
وفيه ناس يقطعون خضار صغار(كوسه" قرعه --->الاطفال يحبونها لان طعمها حلو..بطاطس..ويطبخونهن ويكبون عليهن شوي رز بشاور لانه بسرعه ينهري ويوكلونها اطفالهم طبعا لاتنسين الطعم(الملح وشوي بهار واذا تبين قطعه دجاج)
هذولي مهوب كلهن بيوم واحد..
اختاري مثلا ياالسليق او الرز مع الخضار ولاتكثرين لها ..
الشوربه..انا اسويها مع الشوفان..مثل طريقه الشوربة العاديه بس تصيرين سالقه شوي قرع والا جزر والا بطاطس والا بعضهن..اللي تبين واذا سلقتيهن اخلطيهن بالخلاط واضيفيهن للشوربه..
تطلع والله تهبل احيانا الناس يسوونها لهم برمضان مهوب بس للاطفال..
الحليب يااعذب الحديث اذا صار عمره 10 شهور اتذكر يقولون عادي يشرب من الجوالين وومكن تعطينه قليل الدسم..
او انك تسوينهمن حليبه اللي ياخذه بس يصير يتعود انه يشرب من الكاس او كاس الاطفال فهمتي علي..
لان الامهات بعضهن يشكن ليش اطفالهن يكرهون الحليب؟؟!! وانا اقولهم بعذرهم لانكم تخلونهم يعجزون وهم يشربون بالقاروره!! الطفل على ماتعود عليه يبدا يربط الشرب بالقاروره ولايتلذذ باي طريقه ثانيه ..لكن اذا تعود من قبل مايرتبط بالقاروره يصير يستمر حبه للحليب..
اتذكر بنتي يوم كان عمرها سنه طالعين حنا واصدقاء زوجي..
وحده كانت تقول حرام عليك..توها صغيره..تفطمينها من الرضاعه..والثانيه قالت ابسوي طريقه شاكره والله ..لان ولدها كبر بنتي..
المهم دارت الايام واللي ضحكت علي وولدها الان مايذوق الحليب..والثانيه ماشاء الله يشربه عادي وبدون اي نكهات..
ان شاء الله فهمتي قصدي..
وطويل الاجل مهوب شين والله اذا كنتي طالعه والا زايره ناس..ياليته عندنا بامريكا..جبت معي وخلص..
يعني مريح للطلعات والزيارات كثير بس طبعا بعد عمر 10 شهور والاطباء يختلفون بعضهم يقول لازم يكمل سنه وبعضهم لا..
عموما ذي والا ذي حاولي انك تشربينه بكاس بعمر مبكر وتبي تذكرين كلامي ان شاء الله..
تحياتي:24: