كيفكم قمورات
كني بكن جايات على ملا وشووكم<<<ترجمه=على ملاء وجووهكم
خبري وخبركم من تجي سيرة ورق العنب والواحد يشتهيه نفكر بس اي مطعم يضبطه وكأن ورق العنب اكله مقدسه يستصعب تصليحها
سؤال بس ليش الشعب السعوديات يحبون الاكله هذي بالذات
لو سالتي اي وحده وقلتي وش تحبين قالت لك ورموشها ترفرف ورق العنب:23:<<وش دخل الرموش هنا
ماعلينا
ان اما احب المقدمات واحب ادخل دوغري:f226:
اول شي نجي لمقادير الحشووه
كاس ونص رز مصري مغسول ومنقوع لمدة ساعه
2 بصل وسط مفرومه
1 فص ثوم مفروم
نص حرزمة بقدونس
نص حزمه كزبره خضراء
نص حزمه شبت
كلهم مفرووومات فرم ناعم
اوراق نعناع حوالي 4 فقط كثرته تمرر الخلطه
2 طاطم وسط مفرومه مع ملعقة صلصه
التوابل
2 م دبس رمان
عصير ليمونه كبيره
مايعادل م خل
شوي زيت زيتون
على شوي
فلفل اسود
بهاراتك المفضله
مهران او كاراي او كمون الي تحبيه اضيفيه باعتدال
الحين سوي خلطه بيطا واخلطس الرز مع المذكروين انفا
لحد مايتجانسوا ويتألفوآ
وهذي صوره للتوضيح
بعد كذا تحضري ورق العنب وبقولكم تجربتي
كنت متوقعه ان افضل نوع امريكانا وان ما حصلته اشتريت العلالي
لكن المره هذي ماحصلت الا قودي فقلت اجربه وطلع مره ممتاز ورقته فاتحه ومالقيت اوراق تالفه في العلبه كامله ولله الحمد حضي زين
خذي احتياجك واغسليه بماء حار عشان ينضف من المواد الحافظه وهذي صورته بطل الطبخه للتوضيح
الحين هانت ومابقى الا القليل<<<(كنت مستصعبه تصليح ورق العنب بقوووه لكن طلع اسهل مماتوقعت
جهزي القدر ويفضل تيفال او استيل
هاتي بطاطا وشرائح طماطم واوراق نعناع
وافرشي ارضية القدر
وهذي صورة القدر
خلاص انتهينا
باقي اللف
ماتصدقون لو اقولكم اول مره الف محشي
لكن الحمد لله طلع شي مقدور عليه
هاتي الورقه وافرشيها واضيفي نص ملعقه كبيره من الرز ولفي لفه وحده وبعدين سكري الاطراف وكملي لف
وابدي رص في قدرك لحد ماتنتهي الكميه
اعذروني ماصورت تفاصيل اللف
وبعد كذا تكوني مجهزه مرق لحم او دجاج
بالنسبه لي ما احب اطبخه بماء ولا استخدم الماجي
سلقت نصف دجاجه وبعد مانضجت شلتها وكبيت المرقه على قدر محشي ورق العنب
حاولي يغطي المحشي وهاتي صحن قزاز او صيني بحجم القدر وحطيه جواته وخليه يرص على اصابع المحشي عشان مايتفكك اثناء الطبخ<<يارب فهمتو قصدي:(
وخليه عالنار مو اكثر من نص ساعه وانتي اذا شكيتي خذي وحده وجربيها
بعد كذا يكون المحشي جاهز للتقديم
قبل ماتطفي النار على القدر اضيفي التالي
نص كاس عصير ليمون
وبيالة زيت زيتون
شيلي الصحن الي حطيتيه وكبي العصير والزيت وخليه حوالي بس خمس دقايق وطفي النار
وهذي صوره نهائيا للطبق العزيز
وبالهناء والشفااااء
الطعم شي رهيب دبس الرمان على العنب معطيه حمووضه على مززاززه على شي يوديك الى عالم جميل<<<ما اقلد احد ابد
وفي الاخير سوف افشي لكم سرا
(تصدقون اني احب البطاطس اكثر من المحشي نفسه طعمه جووناان )
اتمنى كلكم تجربون طريقتي
ولاتنسوني من صالح دعواتكم
((اللهم ارزقني من خيري الدنيا والاخره وطهر قلبي واغفر ذنبي يارب))
ومثل ماعودتكم بمواضيعي ما ابي خفافيش تمر وتطير
ياويل الي تدخل وماترد لو بدعوه لطيفه :30:
واتمنى الاقي الصنف في الاطباق المجربه<<<ترى ما اتشرط
واتمنى برضوا ان وصفتي عجبتكم
ملاحظه بسيطه<<تحميل الصور شي صعب جدا وياسالام لو قعدتي تحملين ولما تنزلي الموضوع يتعذر وتنغلق الصفحه ساعتها بس تعبك يروح هبااء ويبي لك كم حبة بندول تركد مخيخك
يعني افهموا اني تعبت لعيو نكم بس:icon30: