اخيتي اسال الله ان يعظم لك الاجر والمثوبه وان يصبرك على مصابك احرصي بارك الرحمن فيك على الدعاء فهو سلاح فعال الجيء الى الله واعتصمي به وحاولي مع زوجك بكل ما اوتيتيه من قوه ان يصلي واخبريه ان تارك الصلاه متعمدا كافر ولا تحل له زوجته فقوليله هل ترضى ان نفترق مع مابيننا من حب فحرصيه على الصلاه واخبريه انها مفتاح التوفيق والسعاده في الدارين
اعانك الله وسدد على الخير خطاك

شوفي عزيزتي حاولي تقولين له انه انسان راقي ومحترم وانك تحبينه موت يعني حاولي ترفعين معنوياته حتي لو مكان في كلامك اي شي من الصحة بس حاولي وقولي له حرام الجسم الطاهر يدخله وينجسه هذا الشى ذكريه بعقاب شارب الخمر وهو انه يسقى شراب ينزل من فروج نساء جهنم االزانيات والعياذ بالله العلى العظيم يعني شي مقرررررررررررررررررررررررررررررررررررررررف وانتي ماترضي عليه هالشي
ويعني تعالي له باللين مو بسلوب نصح وارشاد يعني يكون اسلوبك حب وخوف عليه وترى المدح يرفع المعنويات بشكل غير طبيعي ويحمسه انه يكون الافضل دايم وخصوصا قدام زوجته >> كنهم اطفال يحليلهم

الأخت الغاليه .. دلوعة الإمارات ..

الله يكون في عونك ويفرج كربتك ..

اللي أعرفه ان معظم التائبين من الإدمان ينتكسون لعدة أسباب ..

أهمها رفض المجتمع لهم .. وانتي تقولين إن أهله يعيرونه بهالشي .. وهذا بحد ذاته تحطيم له
الفراغ اللي يلقونه في حياتهم .. وزوجك الآن عاطل بدون وظيفه ..
واحتكاكهم بنفس اصدقاء السوء ..


وعلى شان تساعدينه انه يتخطى هذي المرحله بدون انتكاس ..

حاولي تكلمين أهله انهم يساعدونه ويرفعون من معنوياته لأن هذا ولدهم .. وأكيد تهمهم مصلحته .. أو على الأقل مايعيرونه و يقللون من قدره ..
حاولوا بكل الطرق انه يلقى له وظيفه .. ولو بسيطه .. أهم شي مايكون عنده وقت يحس فيه بالفراغ
أما أصدقاء السوء .. فمن المهم جداً انه يبعد عنهم ولا يحتك بهم أبداً .. لأنهم يمكن يجرونه لنفس الطريق مره ثانيه وخصوصاً انه في حالة احباط الحين ..

واذا عندك وقت .. حاولي تسألين المختصين وتستشيرينهم وخصوصاً ان النت الحين يوفر لك كل شي وانتي بمكانك .. اعرضي مشكلتك على اهل الاختصاص وانشالله يفيدونك ..

ولا تنسين الدعااااااااااااااء ..
ابدئي بالدعاء .. وخليك واثقه كل الثقه .. إن الله بيستجيب لك دعائك بس لا تستعجلين .. واحتسبي صبرك

وبالنسبه للحمل انا مع الاخوات انك تأجلينه بأي طريقه .. لأن حياتكم باقي ماهي مستقره ..

وانشالله ربي يفرج كربتك .. ويستجيب دعوتك .. ويهدي لك زوجك ,,