أنا عروس و ما افهم بالمكياج.. ساعدوني

السلام عليكم و رحمة الله و بركاته و فضله و كرمه

خواتي أنا داخلة على الله و عليكم .. أنا عروس و جاعدة أجّهز نفسي و اتسوق .. و جاء دور المكياج و طبجت .. لأني ما افهم فيه مرررررررررة .. و الحين يا بنات أبيكم تساعدوني .. لأني رايحة بعد اسبوع - إن شاء الله تعالى - إلى :

1- مكياجي >>> معروف
2- أريج >>> و هذا محل يبيع جميع أنواع الماركات عندي بمسقط سيتي سنتر

أبيكم تخبروني وش ممكن الأشياء إلي اشتريها من عندهم .. و أيش هي الأشياء إلي ممكن تريدها العروس ...؟!!

يعني مثلاً أحتاج للظلال اللامعة إلي تجي تحت الحواجب على طوول .. بس ما أبي تبع الحبيبات اللميعة .. أبيها لمعة كريمية >>> طرار و يتشرط :23:

أريد كريمات إلي تعطي الجسم لمعة و ايضاً للوجه و لكن زي ما جلت فوج .. ابيها بدون حبيبات اللمعة >>>> ردّت تتشرط :22:

أفضل كريم أساس مناسب لي .. مع العلم إنه بشتري دهنية .. و أنسب كونسيلر

و أريد بودرة حرة .. بس ما اعرف وش هي هذي البودرة الحرة بعد :23: بس أريدها

اممممممم وش بعد يا نــانــا ....

أيوا ... أريد جلوس و ارواج حلوة .. و شي حاجة تسمونها قليتر .. و الله ما اعرف شنو هذا قليتر بعد :29:

وأيضاَ أفضل بلاشر .. و البيز

و فيه سمعتكم ترمسون عن كحل مائي و مدري شو كريمي .. والله ما اعرف شو الفرق و بينهم .. بس وش تنصحوني بخصوص الكحل .. ؟!

و هل بحصل عندهم علبة فرش متكاملة من جميع الأنواع ..؟؟ >>> عمرها ما دخلت محل مكياج :29:

و مدري بعد شو ناقص .. بس ما اعتقد إنه في شي ناقص بعد .. بس بغيتكم تذكروا لي أسامي المنتجات مع إسم الماركة الله لا يهينكم .. و اكون شاكرة لكم

بارك الله فيكم