* وجهة نظري إن الزوجة لا بد تكون شريكة في جميع القرارت في الحياة الزوجية ولا يحصل أي شئ إلا برضاها
زوجي يقول لا .. يقول الزوجة تبدي وجهة نظرها ويشاورها زوجها ولكن تبقى الكلمة للرجل
حتى أنه شرى سيارة قبل فترة أنا غير راضية عنها فزعلت وضاق صدري وهو يقول أنتي ما دفعتي شئ من جيبك للسيارة ليبش تزعلين
يا اختي سالفه السياره من خصوصيات الرجال هم الي اعرف منا فيها وانتي لك خصوصياتك في ملابسك مكياجك وغيره


برضه قبل فترة نقلنا من الحي اللي قريب من بيت أهلي ورحنا سكنا في حي قريب من أهله وأنا زعلانه لأني غير راضيه وهو يقول المفروض ما تزعلين لأني بوديك لأهلك بشكل مستمر ولا لك علاقة الزوج هو اللي يحدد مثل هالأشياء مهوب الحرمه

اما من ناحيه السكن شوفي ياقلبي ماقالك زوجك بوديك بشكل مستمر للأهلك خلاص فليها يابنت الناس وانا وربي طلبت من زوجي ان يكون سكنابجانب أهله علشان احسسهم اني منهم وفيهم والحمد الله وربي انا مرتاحين فليش الحساسيه الزايده

باختصار أنا أبي أكون شريكتة في جميع القرارات في حياتنا .. يعني لابد أوافق على كل شئ .. هل تفكيري صح ؟؟

ياعمري لازم تكون فيه شراكه بين الزوجه وزوجها في حياتهم ...(بس ياقلبي بحدود المعقول المفروض الوحده منا ماتحسس الرجال انها هي الامره الناهيه)

*وجهة نظري إن الزوجة لا بد تعرف كل صغيرة وكبيرة في حياة الزوج ... وزجي رافض هالفكرة .. يعني أحيانا يطلع يصلي ويقول يمكن أمر أهلي يعني ما يأكد لي ثم يمر أهله شوي بعد الصلاة ولا يقولي إلا إذا رجع وأنا أزعل وأجلس أصيح أقول ليش ما قلتلي قبل إنك بتروح لهم ..

تصدقين بس بالله لاتزعلين علي ياعمري OK احس انك تتجوزين الحدود مع زوجك المفروض الحرمه العاقله ماتحسس الرجال اذا رجع لبيته ان فيه محقق ينتظره ببيت وين رحت وين جيت وليه ماخبرتني؟

وبرضه قبل فترة وأنا كنت عند أهلي ... زوجي دخل واحد من أخوياه للشفة حقتنا دخل حمام الرجال واستخدم مغاسل الرجال ثم طلع ..

وربي قبل فتره زوجي دخل واحد من اصدقائه الشقه وطالعوا في المباره وانا كنت معزومه عند بنت خالي ولا خبرني الا يوم دخلت شقتي وربي انه عاااااااادي ليش ازعل بالله

*علاقتي مع أخوات زوجي مهيب حلوووه مررررة .. وأنا دايم أتكلم قدام زوجي عن خواته وأحسه يتضايق ولا يقول لي
هل فعلي هذا صح أو أسكت أحسن لي ؟؟؟

ياأختي ماوضحتي كلامك يعني تتكلامين عنهم باخير وتذكرين ماحسنهم وتجلين تتضمرين امامه من خواته ....وربي ياحلوه ياقلبي الواحد في هاذي الدنيا ماله إلا اخلاقه على الاقل لامات اذكروه الناس بطيبه مو بشر وحاولي ياقلبي ان تكون علاقتك مع خواته زينه وبالاخص امه وابومه ..

*أحيان تتصل أم زوجي على زوجي وتقوله يوديهم أو يجيبهم وهالشئ بصراحة يضايقني مررررررة ...
وأقوله دايم ترا حقي مقدم على حق أهلك .. وأحس أنه غير مقتنع بهالفكرة .. وش رأيكم ؟؟

اما هنا لا لا لا لا ليه كذا حرام عليك ليه ماهي امه تعبت عليه منو انتي واسمحيلي على طريقه كلامي لاني بديت اتنرفز من اسلوبك هاذاااااااااي امه وابوه واخواته واخوانه لهم حق عليه مو من حقك تمنينه وربي لو اني رجال وهاذي اسلوب وحده مع هلي كذا وربي تحرم علي

اتقي الله ياختي في زوجك واهله وربي اكره النوعيه من بعض الحريم إلي تحاول تشتت اسره من قبلها متهنيين ومن بعدها متعادين واسفه وتحملي طريقه اسلوبي وربي ابيك تصحين من إلي انتي فيه....

طيب آنتي تدققين بآآمور سطحيه مالهــآ دآعي خليك آكبر من هالشي

عيشي حيااتك وطنشي

الصراحة انتي الغلطانة
حتى لو تبية ياخذ رايك في ذي الامور مو بطريقة الامر هاذي
على سالفة السيارة كان ممكن تقوليلو ياعمري والله في سيارة مرررة عاجبتني واحسها لايقه عليك ولما توريلو هيا تقوليلو طبعا اذا ما عجبتك نشوف وحدة ثانية ومن هالكلام
بس طبعا هو مو مجبور ان يمشي رايك امكن السيارة اللي انتي اخترتيها قطع غيارها غالي او خرابها كثير او غالية علية
وبالتسبة لاهلو مالك حق ياعمري المفروض انتي تقوليلو خلينا اليوم ناخذ امك وخواتك ونتمشى معاهم والله انو راح يشوفها منك كبيرة ما قلت كل يوم بس مثلا مرة بالشهر او مرتين خليها تجي منك احلا
وبالنسبة لصديقو انا ارتفع ضغطي الصراحة هاذا بيتو
والله ودي انصحك عشين لا ينخرب بيتك باسلوبك هاذا راح تضيعين زوجك منك

الصراحه زوجك هو اللي على حق
انتي ابدي رايك وهو يسوي اللي يشوفه صح
لكن مو دايم بس الاشياء اللي ذكرتيها الصراحه معه حق
بعدين و اذا جاب خويه و ما علمك وين المشكله
شي عادي جدا
صراحه وجهة نظرك خاطئه
و كثر خيره زوجك اللي الى الحين مسكت عليك

حبيبتي الله يعين زوجك عليك صراحه
صح الحياه الزوجيه شراكه بس موكل صغيره وكبيره لازم تعرفينها
انتي نفسك عندك اشياء ممكن ماتحبي زوجك يعرفها او مو مهم انه يعرفها عادي
اشوف زوجك معاه حق صراحه
وسالفه تزعلين اذا ما اكدلك بيمر اهله خير بزر عندك يستاذن منك خلاص قالك يمكن امر
وتزعلين لما اهله يدقون عليه اسمحيلي مو من حقك ذولا اهله قبل لا تصيرين زوجته وحقك مو اكبير من حقهم (الي مافيه خير لاهله مافيه خير للناس)
واذا عطاك فلوس تردينها اسلوبك صراحه مستفز خوذيها وقولياه كلمتين حلوين وان احتجتي زياده اطلبيه
واذا دخل احد لبيتك تراه بيته بعد ودخله قسم الرجال بس مادخله غرفه نومك مافيها شي
وفوق كل هذا تسبين وتتكلمين عن خواته وهو ساكت تقولين شكله يزعل كثر خيره مايقوم يكسر راسك ترضين انه يتكلم عن اهلك ويسبهم؟
الله يعينك على نفسك ويعين زوجك واهله عليك