أنا عمري 21 غير متزوجه من كم يوم قام ينزل مني دم خفيف ما ادري شو هو مع العلم ان هذا ا

انا مو متزوجه وعمري 20
انا من زمان احيان تصير معاي كذا دائما اسمع انه عادي ومطنشه مو حاطه في بالي ...
واكتشفت عندي كيس صغير على المبيض وقالي دكتور الاشعه عادي يروح بنفسه...

أنا ما أعرف كيف اشكرج لانج رديتي عليي وعلى الاقل الحين اطمنت شوي بس بعدني متخوفه. انا مو من زماان بس الحين بداية شهر رمضان.. عشان هالسبب انا استغربت وخفت.. الحين قام يزيد عليي اشوف و احس بألم خفييف أسفل البطن.. بس ما ادري انتي ليش ساكته مداام من زماان معااج هالشي و ما ادري اذا خايفه انتي ولا لااا.. انشاء الله تتعافين من اللي فيج الغاليه.. وتسلمييييييين على الرد.

الحين لو حد يقدر يفيدني اكثر ويطمني الله لا يهينه باكوون شاكره له أو حد من المشرفات لهذا الموقع يحولون موضوعي لدكتور ولا اخصائي بالموقع..

مشكوورييين

انا كنت خايفه بس سمعت من بنات المنتدى انه عادي والصراحه استحي اروح للدكتورة قبل 3 سنوات رحت لها علشان تكيس المبايض وكنت مستحيه والحمدلله تعالجت لكن الحين رجعت وقبل يومين سويت اشعه لبطني لاني تعبانه مكان عملية الزائده وطلع عندي كيس واكتشف دكتور الاشعه كيس ثاني في المبيض الايمن قالي يروح بنفسه ان شاء الله ...
اللي وصفتيه مثل اللي يصيرلي بالضبط مو وقت دورة ايام عاديه ومعاه الم وشوية حرقان ..
وامس العصر نزل لون بني اول مره اشوفه والصراحه خايفه بس مااقدر اروح للدكتورة اخاف ومعاه الم اسفل البطن والظهر .....
الله يشفينا يارب واتجرى واروح للدكتورة ...
ياريت المشرفات يفيدونا..

للحين محد رد عليينااا. بس انا وانتي نرد على بعض. ما ادري متى بيردوون عليناا.. انا بعد كنت خايفه في البدايه بس تطمنت يوم رديتي عليي وارتحت.. من قبل ما كنت انام الليل من الخوف والتفكير.. بنات المنتدى شو عرفهم انه شي عادي في حد منهم صار له نفس الشي؟؟ كيف عادي اذا هو مب دم دوره شهريه؟؟ وليش مستحيه تروحين للدكتوره؟ ليش الفحص اللي يخليج تستحين؟ كيف يسوونه هوو؟ انتي يوم رحتي اول مره تفحصين يوم جالج هالشي شو سوولج من فحوصاات؟؟ وكيف قالج الدكتور يروح هالكيس بالادويه ولا بروحه ويا الزمن؟ وهالاكياس ما لها آثار في المستقبل؟ و ابا اعرف اذا نزل لي دم اعتبر فاطره؟؟ انا اللي يصير لي بس الحين اول مره اول يوم في رمضان بس وقت العشااء نزل مني لون بني قطراات ونفس الشي اليوم الثاني وبدون ألم ولا شي. اليوم نزل لي الصبح لونه احمر فاتح مع ألم تحت البطن بس ما في حرقاان ولا الم في الظهر.. انا باجر باسير المستشفى وباشوف انشاء الله خير وما يكون في شي جاايد.. حتى انتي روحي للدكتوره ولا تخلين نفسج على هالحااله لين متىى باتميين جيي.. ولا تستحين ما في شي يخليج تستحين.. وانشاااء الله الله يشفيناااا آآمين

اختي الغالية
انا مثلج
ولا عمري نزل علي دم خفيف الا رمضان العام الماضي و خفت اول مرة في حياتي اشوف زي خيوط الدم في غير اوقات الدورة و ما فطرت سألت خواتي و قريت و فهمت ان هذا اسمه استحاضة غير الحيض و الاستحاضة في نزول دم خفيف في غير اوقات الدورة و حكمها انك تصلين و تصومين عاااااادي
و الاستحاضة هذي ما تجيني كل شهر و لكن ساعات
بس اللي يحيرني انها في بعض المرات تستمر ايام متقطعة و كمية الدم أكثر
و اخاف اني اروح المستشفى ،،، اتوكل على الله و خلاص