أنا غشيمة ف المكياج نفسي أتعلمه/ضعي طلبك بقسم الاستفسارات الجماليه.

حبيبتي أسمعي مني أنا لماكنت في الكليه زميلاتي يضحكوا معايا ويقولولي أم المكياج
وراح أعطيكي أفكاري..

أول شي لازم تحطين في الصباح كريم الصباح أوكريم تفتيح يكون فيه حمايه من الشمس
أنا كنت أحط أولاي للنهار...

بعدين أحط بودره وكنت دايم أجرب بودر جديده أفضل شي ناسبتني وعجبتني بودرة ذي بودي شوب
مناسبه للدوام اليومي سعرا" ومظهرا""تخلي وجهك مشرق كأن عليكي نجفه مشرقه



روحي خذي الدرجه الي تناسبك وإذا حنطي لونك قولي له أبغى الي تتلائم مع أكثر ألوان البشره
وأتوقع الدرجه الي وسط..

وفي الصباح ترى مولازم كريم أساس وممكن تستخدمين كريم إسمه بين إكسترا هو للتفتيح بس ينفع كتغطيه قبل البودره...صح إذا أستخدمتي بين أشتري واقي من الشمس تحطي بعد بين وقبل البودره..

وكمان إذا بشرتكي دهنيه ماتحتاجين كريم قبل البودره لكن حطي واقي من الأشعه ويكون مناسب للدهنيه...

وأشري سب اف يكون أكثر من 15 أو 15
نرجع للبودره هذي البودره تعتبر كريم أساس وبودر في نفس الوقت..

نجي للظل أو الشدوا أختاري دايم ألوان ترابيه لوزيه أوبرونزيه أوتكون مايله على شوية أورانجي
لو فقط كبدايه بما إنك مومتعوده على المكياج...

راح أكمل معاكي حدورلك صور للألوان الي أقصدها وأعلمكي طريقه سهله لوضع الظل

هذا اللون المشمشي حلو للصباح ينفع تحطيه كظل وبلاشر ناعم


هاذي الألوان حلوه وناعمه ..كمان ذوق للصباح


وفي هذي التشكيله كمان

ولكي درس فيها لوحدها


وهذي ماركة ذي بودي شوب ونفس الألوان الي قصدتها..

وخلي في بالك هذي الألوان تمشي مع أي شي تلبسينه ومولازم تطقمين لون الظل مع لون اللبس
يعني لو كنت لابسه أخضر غامق ولا أزرق وتحطي الظل غامق أزرق ولاأخضر

في نص الدوام مع الحركه والحر خصوصا" إذا تخصصك يحتاج حركه وفي أجوائنا رح ينزل ظلك وتسيرين كأنك سهرانه أو احد ادالك بقس في عينك أنتبهي أصحك أو يطلع شكلك بدوي مره ..من الخلا جايه!!
راح أكمل معاكي الشدوا..

كيف تحطين الظلال على عينك؟
أول شي شذبي حواجبك...مشطيها وشديها على فوق إذا إنت مشقرتها تمام وإذامو مشقرتها مو
مشكله خليها على طبيعتها بس مشطيها بالمشط الخاص..علي فوق

خذي ظل كريمي بيج أو أبيض وأمسحي من تحتها على طرفها بعدين حطي لمعه خفيفه أوظل بيج أوأبيض فضي
ذهبي مديه فوق الكريمي..
الظل الكريمي أفضل الأقلام..

حاجبك خليه على طبيعته بس مشطيه وزينتي من تحته ثقلي بالقلم الرسم علشان تخفي تحته الشعيرات الزائده
أرسمي حاجبك بظل بني فاتح وبفرشه براس محدد ومائل خليه خفيف..

خذي لون ظل كريمي ومديه فوق جفنك وإنت مغمضه بالقلم بعدين فوقه حطي الظل البودر
حركه حلوه كنت أعملها
أطبقي منديل بشكل مربع
خذي حافة المنديل حطيها فوق رموشك وإنت مغمضه ومدي الشدوا البودره فوقه ولو أستعنيتي
بإصباعك أفضل وحطي شوية مويه في قطنه بعد ماتخلصين واعصريها وهي رطبه حطيها على الظل
تثبته...وتدمجه

خصوصا" لوأخذتي لون غامق شويه من نفس الدرجه أو درجه ثانيه زي المشمشي والوردي
مديتيه عند طرف عينك

ودمجتيه بفرشاة الدمج بحركه دائريه



>>>

جمعتلك صور ظلال ناعمه وسهله.....نصيحه لاتخافين تكثرين لون الظل البودره يعني الكميه
حطي لين تحسي اللون ظهر ووضح



اللون الي فوق حلو..والي تحت أكثر شي الحركه حقت الزاويه مع الطرف..







>>>

شوفي المرفقات حركة القلم الكريمي..
>>>>
وبعدين
إنت لازم تجربين أشتري ماركة مره رخيصه وألعبي في البيت كل شويه أعملي حركه
شوفي يوتوبات

شوفي المواضيع الي في المنتدى...امم كمان لاتحطين ماسكرا في الصباح ...
بس نفظي رموشك بالفرشه الي زي الماسكرا

ومرري عليها الفرشه الي رسمتي بيها الحاجب...وبقلم مثل أقلام الظلال الكريميه الأسود كحلي العين من الداخل
أو أزرق أو تركوازي شوفي الي يطلع أحلى عليكي كحلي عينك وهذي حركات حلوه
ولاتنسي تمشي شوية ظل من طرف العين من الخارج على تحتها مع الزاويه



زي هذا بس هذا أسود أقصد من عند مكان الفرشه
إذا تبغي تكحلي فوق العين بالقلم الكريمي على نفس خط الرموش...
إبتعدي عن الإيلاينر خصوصا" إنك غشيمه مثل ماقلتي...
إن شاء الله أكون ساعدتك
وإذا أذكرت شي رجعتلك...