غالياتي وأخواتي
سلام سليم أرق من النسيم وروح وريحان وجنة نعيم
حبيباتي أنا أول مرة أشارك في هذا القسم من المنتدى الأروع من الرائع
أولا
أنا حبيت اطلعم عالسالفة كاملة
دحين أنا طالبة بالجامعة ومن النشاط الطلابي
عندنا في أول أسبوع دراسي إن شاء الله حيكون عندنا استضافة للجامعة والاستضافة حنا مسوينها :time:
وحيكون موضوع ركن الاستضافة عن الإعجاز العلمي
وقد تم تقسيم الركن لأربعة أقسام ومنها
الإعجاز في الإنسان والعبادات
وفي هذا عندنا المعلومات الكافية بس ماعننا طريقة الديكور ولا طريقة عر ض المعلومات مع
إن عندنا معلومات كثيرة إش الأفكار الممكنة موجودة عندكم وتكون مناسبة
الركن الثاني الإعجاز في الحشرات والحيوانات والميكروبات
والناقص فيه نفس اللي قبله
أتمنى يا حبايب
اللي تعرف أي شي ماودي الصراحة تخلي على قلبها سواء من أفكار أو صور أو أي حاجة ثانية وشاااااااااااكرة لكم
ثانيا
أنا عندي غرفة نومي لون خشبي فاتح جدا

وهي سبع قطع دولاب ملابس وخزانة أرفف وسرير لشخصين وأنتريه كرسي واحد بس طويل وشلفيرة من تحت أربع أدراج ومن فوق دولاب تلفزيون وتسريحة وكرسي تبعها وفي السرير 2عدد كومدينة
ونفس الغرفة صغيرة بس أثاثها كثير وودي تعطوني مقترحاتكم للبوية(الصباغ) والفرش والستاير من حيث اللون ومافي مانع إذا عنكم إشكال أو صور شاكرة لكم حسن التعاون