الله يفرج همك يارب

كل ام عندها بنت بعمر المرحومه تخاف وتهوجس وانا منهم لكن استودعناهم الله لازم تحاولين تنسين عشان لاياثر ع نفسيتك اكثر وحياتك .. توفت معلمة بنتي بكرونا وجلست سنتين مانسيتها وصابني اكتئاب. بالقوه تخلصت منه .. الحمد لله ع كل حال .🥺

دايم اي موضوع لاتتعمقين فيه كلنا سمعنا بالقصه وتأثرنا وخفنا ع البنات الي بعمرها و ع احبابنا لاتحزنين ولا تخلين الموضوع يسيطر عليك

تخيلي معي لو خفتي وشلتي هم وحزنتي هل بيتغير شي؟ هل بترجع؟ مستحيل

لذلك

هذا قدرها ومكتوب لها لو ايش ماصار مكتوب باللوح المحفوظ الله يغفر لها ويرحمها والله يفرج همك

الله يشرح صدرك ويبعد عنك الهم والضيق
ابعدي عن الاخبار اللي توجع القلب
حتى اذا طلعت لك لا تتعمقين فيها والله تأثر على النفسيه وحنا مابيدنا شي
الا ندعي لها بالرحمه والمغفره

الله يصلحك. انت تعمقتي في قصتها. الله يغفرلها ويرحمها. اسمعي الحين خلاص. وقفي مررره اي خبر حزين حتى هنا لاعاد تقراين مشاكل احد. لان الحاله الي انت فيها تراكمات تسمعين كثير احزان. بس فجاه ضعفت نفسك ودخلك الشيطان من هذا المدخل.) قال تعالى (إِنَّمَا النَّجْوَىٰ مِنَ الشَّيْطَانِ لِيَحْزُنَ الَّذِينَ آمَنُوا وَلَيْسَ بِضَارِّهِمْ شَيْئًا إِلَّا بِإِذْنِ اللَّهِ ۚ وَعَلَى اللَّهِ فَلْيَتَوَكَّلِ الْمُؤْمِنُونَ). اولا. اصرفي التفكيرررر مرره بالذكر. لايفتر لسانك عن الذكر. ورددي تاج الذكر بنيه الرقيه. وارقي نفسك وحافظي على اذكارك. وتصدقي عنك وعنها. وادعي لها واكثري الدعاء. ان يلطف بقلبك. والله انا جاني نفسك حالتك جلست سنه واكثر. وفعلا حتى قروبات اخواتي طلعت منها لانهم يرسلون اخبار حزينه وانا يجيني هلع ورجفه. بس الدعاء والذكر شيء عجيب.