أنا في مشكله ؟؟

السلام عليكم

انتو عندي أعز من أخواتي بعد عشان جذي احب اني استشيركم وتساعدوني خواتي طبعا أنا هالشهر كنت رايحه للممرخه ومرختني وسوتلي كاسات هواء وعطتني أدويه وأعشاب وعسل وتحاميل ومجبره بلعتهم بالعافية :11: المهم وقت التبويض استبشرت خير لأن الام فظيعه من تحت ووسألتاها قالت التبويض اكيد عندك ممتاز وطبعا هي قالت لي ان عندي هرمون الحليب لانها ضغطت على صدري خرج سائل شفاف مثل الماء فهل هذا هو هرمون الحليب ؟؟ هذا السؤال الاول المشكله الحين الدوره باقيلها اسبوع وأنا ما أحس بشي ؟؟ اول مره لمن حملت من سنه ونص قبل لا تجي الدوره باسبوعين كنت اشعر بالتعب وثقل بالصدر ودوخه وحسيت اني حامل لكن الله ما كتب وسقط الجنين بعد شهرين ونصف المهم انا يوم الاربعاء هذا اختي بتودين للطبيبه عشان نسوي فحص وطبعا اختي ما تدري اني رايحه لممرخه وهالسوالف أنا اخاف اكون حامل مع أني اشك فهل فحوصات الدكتوره خاصة السونار الداخلي تؤثر وهل اقولها أني كنت اتعالج عن الممرخه أخاف تضحك علي :( علما أن موعد دورتي الاسبوع القادم يوم الاثنين شنو اسوي الحين ؟؟
شغله ثانيه اذا ابي اسوي تلقيح مجهري لازم أنام بالمستشفى ؟؟ أنا مفكره اسوي بدون علم زوجي باخذ منه عينه واسوي لأنه مو راضي السنين والعمر يمر وانا عمري الحين 29 سنه طبعا هو ريال ما يهمه يقولي نصبر احسن اكيد بنصبر بس أنا نفسيتي صفر تعبت :( حاسه بفراغ كبير حتى شغلي كارهته مو قادره استوعب انا ادري بتقولون لي اصبر بس أنا مريت بسلسلة من العذابات استغفر الله يارب تسامحني وأنا ما اذيت احد ما ادري ليش يصير فيني جذي واكيد بيجي يوم وزوجي بيتعب ويمل ويفكر بغيري عشان الذريه ودي افرحه وأفرح اهلي وأمي وأخواني وأخوانه ما أدري شسوي اخاف اسوي تلقيح بدون ما يدري تصير لي مشكله دلووني يا بنات ؟؟