الله يكون في عونك ويفرج همك

إسمحي لي أختي سلبيتك ماراح تنفعك ..

اليوم يوعدك بوعود ..وهو مابعد دخل حياته الجديده ..بكره إذا تزوج بيتغير كل شيء ..

وبتقولين حره قالت لي ..

ياقلبي ..كلام الليل مدهون بزبده ..هذي وعود كل الرجال ..,كلام مثالي ..ويهدي فيه الجو ..!

ويستلطفك فيه ..ويتحنن قلبك ..علشان لاتخربين عليه فرحته ..,وتعكرين عليه مزاجه ..

خذي ردة فعل ..,وخلي السلبيه على جنب ..

الدموع ..والحزن عمره ماراح يرجع لك زوجك ..بالعكس غير ينفره منك ..

وبيروح يقابل اللي تهش وتبش بوجهه ..وبيخليك أنتِ للحزن والهم والحسره ..

مااقولك تطلقي بس عالأقل إرفضي ..علشان نفسك ..علشان عيالك ..علشان سعادتكم ..

تو الرجال ماشبع منك ..متى امداه يفكر يتزوج ..!!

ليش تكتمين زواجه ..الا خلي العالم كلها تدري ..ليش عيب والا حرام يوم يقولك خبيه ..والا خايف يأثرون على قراره ويتراجع ..!

والله العظيم أختي ..إني أعرف زوجات ماسووا ولاشيء يوم تزوجوا رجالهم عليهم ..,وربي تندموا كثر شعر رؤسهم ..

كانت تظن أن هالشيء بيكبرها بنظر زوجها ..ماكانت تدري إنها مجرد محطه بحياته ..وأنتهت ..

لاتتوقعين بيقعد عمره كله يشكر فيك ويقول ..جزاها الله خير كانت عاقلة يوم تزوجت ومانكدت علي ..!!

لا والله ..هو يبيك تكونين ساكته ..علشان لاتتفركش زواجته ..,وتتنكد ..والعروس مابعد جات ..!!

والله لو بتزعلين بعد زواجه غير يرميك ولايسأل فيك ..لأنه خلاص ضامن إن عنده غيرك ..!!

خلي الإيجابية الزايده على جنب ..زوجك مومحتاجها ..,ولايبيها ..ويمكن هي اللي دفعته يتزوج عليك ..

الرجال يبي حرمة بكيان وعقل مستقل عنه ..مايبي تابع له مثل ظله ..!

شوفي هالموضوع ..صح قديم ومن الإرشيف بعد ..لكن مهم ..,الله قرأت من سنوات ..ولازال مؤثر فيني ..

تراه موموجود بالمنتدى ..ولابقائمة المواضيع المثبته ..رغم إني أتمنى يضاف لها ..لأنه برأيي دره ..

إقرأيه بقلبك وعقلك ..,وكل حواسك ..وتمعني فيما بين السطور ..


إيجابيتك الزائدة يحبها أصدقاؤك ..أما زوجك ..؟؟؟؟

وهذا الرابط بعد مهم ..

أنا اعرف ليش الرجل يعدد زوجاته وعندي الحل ( 1 2 3 ... الصفحة الأخيرة)




تتوقعين الجديده بتكون مثلك ..مستحيل ..راح تقول إيه ولأ ..وأبي هالشيء ..ووهالشي ماأبيه ..وراح تشوفين أشلون زوجك يتغير ..

ساعتها لاتقولين سحرته ..وغيرته ..وكسبته ..لا والله لومي نفسك على ضعفك ..وإستسلامك ..

كلنا نؤمن بقضاء الله وقدره ..وأدري إن ممكن ردة فعلك ماتمنعه عن الزواج ..لكن على الأقل ..يوم يتزوج يكون عارف إنه غصب عنك ..وبدون رضاك ..,هالشيء بيخليه يظل طول عمره يسترضيك ..ويحزن عليك ..,ويتعاطف معاك ..

موزي لما يكون زواجه برضاك ..لو يوم ما بتتكلمين وتشتكين ..بيقول أنا ماتزوجت الا بعد ماشاروتك ..وبرضاك تزوجت عليك ..!!

ساعتها بتعرفين قيمة تضحيتك هذي وسلبيتك ..!

هل تتوقعين زوجته الجديده راح تستسلم له يتزوج عليها الثالثه والرابعه زي مايقول لك ..لا وربي راح تطربق الدنيا كلها فوق راسه ..موكل الحريم مثلك ولاهو شطاره منك علشان تسوي زيك ..!

ماراح ترضى بالضره تجي عليها حتى لو جات هي عليك ..

صحصحي ياقلبي ..,وتداركي الموضوع ..

وخذي ردة فعل ..وخليه يسوي اللي براسه ..لكن اهم شيء يعرف إنه موبرضاك ..

ياقلبي
يارب ما يتزوج ياحي ياقيوم

يا قلبي الله يمسح على قلبك

بس لا تسكتين قولي مالي دخل ابي تعطيني رضاوه انا صبرت معاك على الحلوه والمره
وانا توني ام 23 تزوجتني وانا صغيره و عشت وضحيت
اجلسي معاه جلسه وسمعيه هالحكي ولا تصيحين وخليك رسميه وجاده معاه وقولي انا ما اقول هالكلام عشان
تكنسل زواجك بكيفك تزوج بس ابي تسكنها بعيد عني والعزيمه اللي انا اروح هي ما تجي واللي هي تروح له ما اروح
قولي عيالك منها الله يحيهم بس هي لا انا ما ابي اشوفها ولا تنقل لي عنها كلام صدقيني هذا من ابسط حقوقك

ذكريه بالعدل وانه شرطك الاساسي واطلبي منه رضاوه او هديه لك ولعيالك

انا ابوي متزوج على امي ونفس الشي جاء وقالها انك انتي ماقصرتي بس ابي اتزوج
طبعا مره ضاق صدرها بس بعد ما جا من السفر سفرنا و صار يوم لنا ويوم لها
وجاب لأمي طقم وانا البنات بعد , اول عزيمه حضرت لها مرت ابوي امي ما حضرت لأنه حط عندها خبر
وراحت بيت اخوالي ,
الحين له متزوج اكثر من 6 سنوات بس حمدلله زوجة ابوي انسانه تخاف الله
انا واخواتي واخواني نروح لبيت ابوي نزور اخاوني من ابوي بس امي ما تروح
وابوي مره ينبسط لما يشوفنا مع بعض بس ما يهمه ان امي ومرت ابوي يسوون علاقه
انتي حطي حد قولي تزوج بكيفك بس انا ما ابي اشوفها ولا اسمع عنها ولاشي

وانتي اهتمي بنفسك لا تهملين نفسك ابد خليه يجيب لك شغاله اذا ما ديته كويسه وقولي ابي ارتاح
وش فادني الكرف, اهم شي ريحي نفسك و ودلعي عمرك من لبس ومكياج لا تقصرين على عمرك
ولو قال وش غير قولي حنا على شارعين ويوم عندك فلوس وتطرب عمرك وتتزوج انا لي حق وعيالي لهم حق
طبعا هالشي لو انه مقصر عليك مو تظلمينه عرفتي

ونصيحه لا تصيرين نكديه يصير يروح عند الثانيه ويسحب عليك لااااااااااا انتبهي

الله يسخره لك يارب ويصلح فيما بينكم يارب ويرده لك ياااااااااااارب

يااارب تفرج همك
وعساه مايتزوج
واللي تقول الرجال ماينتدللع
احترنا اذا مادلعناهم قلتن انتي مقصرة واذا دلعناهم كمان انتي السبب
مافي احسن من الوسطيه
وصاحبة الموضوع مو عشانك دلعتيه لا
شكلو مزواج والله يسترررررر