* أنا كتلة من الهموم*

:)

لحن الجروح

تدرين وين المشكله ؟؟؟

المشكله انك طيوبه وحساسه حبتين بس ابشرك بتقوي قلبك بعد الزواج :) ..حبك لامك ولاختك شي حلو والله يجزيك كل خير عنه

ذكرتيني بايامي قبل لا اتزوج كنت الصغيره وصغير القوم خادمهم على ما قالو:)

شوفي حبوبتي اسهل طريقه انك تنظمين وقتك بالاتفاق مع امك واختك ..فضفضي لهم قوليلهم انا حاسه اني تعبانه وابي فتره راحه شويه خصوصا بعد ما خلصتي تخصصك المرهق..اطلبي منهم ساعتين يوميا او ثلاث تتصفحين فيهم النت تقرين مجله تطالعين التلفزيون ..وبكل استرخاء بعيد عن التوتر في اي مكان تفضلينه ...صدقيني مشكلتك بسيطه بس تبي شويه مصارحه منك والحمد لله انك ما شكيتي من اسلوب اختك او امك وان عندكم خادمه تساعدكم ..وبالمثل كلمي الوالد علشان يطلعك شويه او قولي للوالده تكلمه او اختك الكبيره ,,,,

وبالنسبه للزواج انتي ما وضحتي هل فيه اتصال مع هالشخص اللي ذكرتيه اذا كان فيه اي نوع من الاتصال فوضحي له انك ما تبين اي علاقه بالظلام وانك تبينه يتقدم لك اذا كان صادق(ما ادري اذا اللي فهمته صح) عمرك حلو ومناسب خصوصا وانك خلصتي دراستك ...بس لا تحاولين تبنين احلام بدون لا تستند الي واقع قوي قلبك شويه لا تتعلقين في هالشخص حيل ليما تفهمينه عدل وتعرفين طبيعته خصوصا وان حالة الفراغ العاطفي عند اي بنت تخليها اذا تعلقت تتعلق بصوره خياليه ...قسي قلبك وجمديه علشان تقدرين تتحكمين بنفسك وبافعالك الرقه والحساسيه الزايده بتتعبك اذا ما اخذتي موقف وتعاملتي مع اي موقف بحزم حتي من ناحية تحملك للمسئوليه الكامله وضحي همومك للوالده ولاختك علشان ما يكون الحمل النفسي والجسدي عليك بروحك...

واخر شي يا حلااات مشاكل البنوتات حتى مشاكلهم رقيقه مثلهم :)

ولا تكلف نفس فوق طاقتها
ولا تدعي طيبتك تستغل بطريقه هذا حتى لو تحبيهم

يكفينا انا استغليت بما فيها الكفايه عشان كذا انقهر من اي احد مستغل

هذا الي حابه اقوله بس

اذا كان حبيبك عسل لاتلحسه كله


شوفي يالغاليه انت فتاة عليك واجبات ولك حقوق كمان يعني الاشياء اللي ذكرتيها حاولي تنضمينها ولا تقومي بكل المهام لانك بتتعبين كثير ساعدي اهلك واللي حولك بس بالقدر المعقول ولا تنسين ان لحياتك عليك حق يعني لازم تنتبهين لنفسك مثل ماتنتبهين لهم ولاولادهم


الله يفرج همك ياقلبي ويوفقك ويرزقك الزوج اللي تتمنينه ويسعدك:27:









:26:

ياحبي لك..
ليتك أخت لي..:23:

وربي إنك سنافيه ونادره في هالزمن..

قلبي..تعوذي من أبليس..
إنتِ إنسانه مرهفه وحساسه وشاعريه..
لذا أفكارك هي السبب بحالتك هذي..
ماتقدرين تهملين أحد..
تفكيرك في اللي حولك لدرجه تنسين نفسك..
حتى لحظات الفرح مستكثرتها على عمرك..!!

وضعك طبيعي وكل شي طبيعي..
بس سبحان الله اللي يحبون الخواطر والشعر والرسم..
معروف فيهم حساسية زائده عن غيرهم..
أسألي مجربه..
فيهم نظره حالمه بعيده عن الواقع متعبتهم..

تفرغي لنفسك وخواطرك..
أسرحي بخيالك بعيد عن المسؤولية والهم..
أنثري مشاعرك بخواطرك..ريحي نفسك من آسرها..
عيشي حياتك بلحظاتها الحلوه..
واكتفي بالدعاء إن ربي يوفقك بدل دموعك وخوفك..

الله يوفقك ويسهل أمرك..:26:

جزاكم الله خير يارب

لكني أنا ماأحب أخلي أهلي يشفقون علي ولا أحب أبين ضعفي لهم لا ....

ولكني أحس ان طاقاتي نفذت 00

لم أعد أحتمل وأحس أنني صرت حساسة زيادة عن اللزوم ...

ولا أريد أن يشفقوا علي أهلي 00 لكنني دائما أعبر عن ضيقتي بالركون الى غرفتي وذرف الدموع مدرار 000

ولا أحب ان اتصفح النت كثيرا ولست أشاهد التلفاز ولا أحب قراءة المجلات 00

============================================

أشكركم جميعا