أنا كسولةوبدي عجينة متحتاج للتخمير

هلا فيك ياقمر
هذه عجينة العشر دقائق افضل عجينة على الاطلاق وقت الزنقات والكسل
الكاس المستعمل هو كاس الجبن =240 غ

والملعقة ملعقة الاكل وتكون الكميه ممسوحه

والحليب عادي وحتى لو الملاعق مليانه

والفنجان انا استعمل فنجان القهوه التركيه بس ما امليه على الاخر

والعجينه تتكون من مرحلتين



بالاول تخلطين المرحله الاولى وتتركيها عشر دقايق وراح يكون شكلها سائل اشوي

فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس دقيق واضيفي ملعقتين حليب بودر مليانه .... انا احط ملعقة خميره بس


وبعدها تحطين مقادير المرحله الثانيه عليها

3 كاسات دقيق /نصف كاس زيت

وتبدين تعجني فيها ... بالاول ممكن تلصق في ايدينك بس عادي حطي في ايدينك اشوي زيت او طحين وابدي اعجني فيها وكل ما طولتي عجن فيها راح تكون احسن واحسن
لما تتكور معاج وتصير ملسه وما تلصق في الوعاء ...



اهني ممكن تجهزي حشواتك ... ومنها العجينه راح ترتاح اشوي

رشي على السطح اشوي طحين واخذي قطعه من العجينه وابدي افرديها ثم شكليها

شكرا أختي