أنا مابقيت شي ماجربته على شعري وهذا اللي نفع...

أنا عمري 20 سنه ولله الحمد
والله يابنات إني مابقيت شي ماجربته من دابر أملا وزيت الحشيش وغيره خسرت بالآلاف وفوق كذا عند بيت جدتي الباب بالباب عطار وأبوي ولله الحمد من النوع اللي يجيب
والله مابقيت شي ماسويته على شعري ومانفع غير هذا والطريقه مافي اسهل منها وأرخص منها

طبعا كل اسبوعين أحني شعري أو كل شهر على كيفك

والخلطه بس حناء ومويه أخلطيها وخليها خفيفه وأتركيها ساعه وحطي كميه بسيطه في شعرك لأن الفايده في المويه حقت الحناء مو الحنا
وخليه 6 ساعات أو أكثر بكيفك

وكل يومين حطي في القطاره حقت الادويه زيت ووزعيه على شعرك وأفركيه خمس ثواني

وخلطه الزيت هي

زيت خروع وزيت زيتون وزيت سمسم وزيت لوز مر تخلطينها بالتساوي وتسوين الطريقه اللي قلت لك عليه

وطول الفتره اللي تحتاجها شعرك عشان يضبط شهرين على حسب خشونه الشعر أو جفافه

طبعا في قوانين لتضبط السالفه عندك

-ممنوع الاستشوار الا وقت الضروره والجل ممنوع منعا باتا
-ممنوع بديل الزيت من بانتين او كريمات الشعر خاصة براشوت اذا اضطريتي استخدمي صانسيلك
-دائما خلي شعرك ملفوف او الافضل جديله واستعملي الربطه للشعر ولا تقوبنها خليه راخي شوي ولاتستعملين العضاضات
-ممنوع الاستحما يوميا كل يومين تسبحي ولاتطولين
-كلي موز وكثري منه والخضار خاصه الاخضر منها انا آكل خيار وفلفل رومي دايما
-سوي مساج لشعرك يوميا لمده 5 دقائق
-وقبل كل شي اذكري الله واكثري من قراءه سوره البقره والله يوفقكم
نصيحه______لاتستعملون زيت الحشيش صحيح يطول بس يصلع وعن تجربه ناس أعرفهم أنا جربته مره وحده وطاح شعري مع انه من الاصلي

فوائده

نعومه وطول ولمعه قويه ومافي قشره وشعر كنه مستشور وشعر مثل ماتتمناه كل عربيه

وتكفون أدعوا لي بالزوج الصالح عاجلا غير اجل

وشكرا