أنا ماقلت خلي علاقته بأهله سطحية من فراغ؟؟

السلام عليكم ياقمماير
عزيزاتي ..انا لمن تكلمت وقلت العلاقة تكون سطحية بناء على حالتي وحالات كثير مثلي ..يعني لمن نشوف موضوع لاحد الحوائيات نعلق ماعجبنا أو مادخل مزاجنا لاتردين ياختي مانتي مجبورة لاتقرأين او تعلقين ..اي وحدة بتكتب هنا تبي حل او فضفضة من نفس النوع او تصحيح لخطأ ما ...نجي للمهم

قصتي مع الاهل ...ياحلوات ام زوجي توفت ماعاشرتها غير سنتين الله يرحمها ويحسن اليها مابي اذكر شي عنها ..عمي من حاله في شانه انسان طيب وحنون ويحبني جدا ..اخوات زوجي كبار وبناتهم في سني او اصغر بسنه او سنتين ..المهم مابي اقول فيهم شي مولانهم يستاهلون بس لن احترم نفسي قبل كل شي ..مهما سويت مايبان في عيونهم غير كذا لمن تعبت وحده فيهم تجي عند زوجي وتقول ابي اروح الدكتور الفلاني او الشيخ الفلاني طبعا زوجي رجل اعمال مشغول حده ..ويحب اخواته بس يقول كل وحده عندها عيال وزوج وش دخلني واجلس عليه لمن يوافق لانه حق وواجب غير كذا كلمة حق تنقال يتمسكنون وبعدها مالك شكر غيركذا ماتقدر وحدة تسبني قدام زوجي لانهم عارفين ارح يرضى بس يستخدمو اسلوب الزن وياعيني على الزن (الزن على الودان امر من السحر )يجيني معصب او متغير بالاحرى بس اقوله بك هدوء احد قال عني شئ واجهني فيه وبس بعدها يسكت ..كمان ياحبايبي افنيت عمري وانا اخدم عليهم لاجوني الفطور بسنع ومن اللي يحبونه واغداء على وقت والعصرية وبين الوجبات واكلات شعبية من اللي يحبونه وعشوات ووياعيني لو جابت الوحدة زوجها عندنا يافلانة ويافلانة عشان اسوي واعمل مايدرون اني اسوي بأصلي مو عشان اكسب ود احد المهم متى اكتشفت هالشئ بعدين لمن اكون مبسوطة او جبت شئ ليش كذ وليش كذ وانا ياغافلين لكم الله قسم بالله العلي العظيم كنت اسهر على الوحدة لمن تمرض واذا جت تبي تروح لزوجها نزلتها السوق وقضيت لها هدايا لزوجها واولادها عشان ماتروح يدها فاضية ..ولكن انا على مزاجهم ولي مواضيع هنا عن تجاربي المؤلمة ..مو اتسلى واسليكم لا حتى تحطون لانفسكم حدود من البداية حتى ماحد يتعداكم ابدا انا دخلت عليهم وانا صغيرة ومايبون كذا دخلت عليهم بنية طيبة وهي تعكس نيتهم وحقدهم مو علي على اي احد افضل منهم حتى بالدين الله المستعان ولكن الله دايم معي غير كذا ..ابوهم اللي هو عمي ابو زوجي بعيوني غير كذا طاح عمي وانكسرت رجله وعمل عمليه قسم بالله جوني شهر مغير حمل على حمل سوي كذا وحطي كذا ولاشالوا ولاغيرو لابوهم حتى فرشته ولا اكلو ولاشربوا المهم ماهموني انا اعتبره ابوي وكل شي اخدم عليهم فهموا هذا الشئ اجبار وانا مارد بس اخذت في خاطري والله لو وحدة تسوي بامي ولا ابوي كذا احطها فوق راسي بس ولاشي واللي زاد الطين اخذت منهم وبعدين اقولكم كيف ....ياحوائيات انا مأحرض احد علىى اهل زوجه بالعكس احترميهم افزعي لهم بس لاتعطين اكثر فتندمين كثيرا ..احترميهم وضيفيهم بس ابعدي كل البعد عن الميانه الزايدة لابد يجي يوم ولو بعد حين الامايحصل شئ ويتمادون هذا اللي بغيت اقوله صدقوني ولا وحده بكتب هنا شي عشان تكذب او تخرب بالعكس منفس هذا المنتدى والاخوات اللي رائعات ومبدعات بس احسنو النيه شوي وافهموا الاشياء بعدة مناظير فديتكم حبيباتي لي موقع على الفيس بوك ولستتي كلها دكاتره وكاتبات استفدت منهم وابغى افيدكم والله اني بنيت نفسي من اول وجديد بعد ماتعلمت من طارق الحبيب وعايض القرني وسلمان العودة .... هل غلطت في شئ