أنا ما أحبك... ولا أحب أحد...

أنا ما أحبك... ولا أحب أحد...

:06:
السلام عليكم ورحمة الله وبركاته
بدخل على طول في الموضوع ..
أنا مشكلتي ما أحب أحد أكيد بتقولون وش دخلنا فيك أو وشلون ماتحبين أحد ...
لكن بأعطيكم بعض الأمثلة وأتمنى إني ألقى عندكم حل لها أو يصير فيه أحد مثلي علشان ما أصير شاذة عن المجتمع :

1. إذا جت مناسبة عند العائلة أقعد أتأفف ومالي خلق أروح .... وبعد عدة محاولات من أهلي أروح مناسبة( عزيمة) وأترك 15 مناسبات سواء كانت عائلية أو حفلات أو زواجات ..... وغيرها

2. إذا سافر أحد أفراد عائلتنا الصغيرة او المقربين فترة طوووووووويلة لا أسأل عنه إلا مجاملة للعائلة فقط ...
وإذا جاء أسلم عليه بسلام مصحوب بكثييييييييير من المجاملات..
:29:
3. إذا اتصلت علينا وحدة وقالت بجيكم .... تدرون وش أقول (( ماله داعي تجي ..... من فترة مسلّمه علينا وشايفينها )) وأحياناً أقعد أدعي إن يجيها ظرف وماتقدر تجينا <<<<<< مسيكينه والله من مكانتنا في قلبها جت ... بس !! ماأدري وش أسوي في نفس الوقت يضيق صدري من نفسي بس الشكوى على الله ..
:44:
4. السفر انبسط فيه واغير فيه جوا لكن ماأحب تزيد المدة عن أسبوع فقط..
5. إذا وصلني كلام إن احد مشتااااق لي أو يحبني أحس ان كلامه مباااااالغة فقط ..... سواء كان من طفل أو من كبير ..وأحياناً يصير من شخص أخر يوصلي الكلام بس أكذب الخبر أو أحس إنه يبالغ ..

باقي كثيييييييييير من الأمثلة بس أحس إني ثقلت عليكم...
وأتمنى أتمنى أتمنى إنكم تلاقون لي حل يخلصني من هالعذاب اللي أنا فيه أحياناً والله أتمنى إني أعيش في مكان بعيييييييد عن أقاربي وعائلتي علشان أشوف بتزيد مكانتهم ومحبتهم في قلبي أو لا .. :(


محبة عالم حواء فقط :
قلب حي