:: ألـــق ::

:: ألـــق :: @alk_4

عضوة مميزة

◄◄ أنا ما أخطأت .. هم أخطؤوا بحقي ! ►►

الأسرة والمجتمع








السلام عليكم ورحمة الله وبركاته ..

حيا الله الحوائيات الحلوات
:)


وانا أقرأ مواضيع فيها مشاكل ..
سواء مع الأهل .. أو الصديقات .. أو الأقارب ....

خطر ببالي سؤال :

معقولة دائما الخطأ على اللي حولنا وإحنا بريئين ؟؟!


يعني لما تصير مشكلة أو موقف مع شخص ..
دائما يكون اللوم عليه ..
ودائما نقول احنا ماغلطنا عليه ولاسوينا شي ..
ودائما الشخص اللي أمامنا هو الغلطان .. الظالم .. القاسي


طيب جربتوا مرة قبل ماتحكمون على الموقف أو المشكلة
تفكرون بالموقف وتنظرون له من جميع جوانبه .. من بُعد ..

يعني حطي الموقف أمامك ..
وانظري للموقف بدون نفسك ..
أقصد بدون ماتنحازين لنفسك
يعني كأنك تشوفين الموقف بين شخصين ..
أنتِ مو منهم ..
وتحكمين عليه ..

وكوني صريحة مع نفسك
وواقعية بالحكم

وشوفي هل فعلا انت صح أو غلطانة ؟!


أو ممكن تحطي نفسك مكان الشخص اللي صار لك الموقف معه
وتخيلي هو مكانك ..
وشوفي هل ردة فعله طبيعيه ؟
وهل ردة فعلك موازية لحجم الموقف ؟

وبعدها احكمي على الموقف ..


للأسف ..
أشوف دائما نرمي الخطأ على الغير
ودائما نبرأ أنفسنا ..


مع انه المفروض :
( التمس لأخيك سبعين عذرا .. فإن أصبته، وإلا، قل لعل له عذرا لا أعرفه )
- للمعلومية هذا ليس حديث وإنما قول جعفر بن محمد -


طبعا هذا غير انه في مواقف كثيره ..
أساسها الظن السيء ..
يعني تلقين الموقف يكبر ويكبر وهو أساسا مبني على ظنووون
وتلقين الوحدة تجي تشتكي من موقف صار لها مع وحدة
وتقول انا عارفه انها تقصد كذا وتظن كذا !
ماشاء الله فتحتي قلبها وعرفتي هي وش ناوية ؟!
وينك من الآية :
( ياأيها الذين آمنوا اجتنبوا كثيرا من الظن إن بعض الظن إثم )

ياليت قبل مانحكم على أي موقف
أو أي مشكلة

ننظر للموقف بتعقل
وبنظرة صادقة وواقعية ..



رزقني ربي وإياكم عيشة هنية
وحياة سعيدة رضية

: )







52
4K

يلزم عليك تسجيل الدخول أولًا لكتابة تعليق.

تسجيل دخول

سنا الود
سنا الود
فعلا كلامك عين العقل ومنطقي جدا


تسلمي على موضوعك الشيق**
ملح الحياااة
ملح الحياااة
كلامك حلو ...

لكن المنطق يقول إن كل أنسان يتصرف بناءً على قناعاته الشخصية ((مبادئه+ وتربيته))

ولا ليش لكل انسان منا شخصية تختلف عن الآخر حتى لو كان أخوه...

لكن الشئ المفقود في مجتمعاتنا هو ((إحترام ))الرأي الآخر مهما كان مخالفاً لآرائنا

وسلامتك
:: ألـــق ::
:: ألـــق ::
كلامك حلو ... لكن المنطق يقول إن كل أنسان يتصرف بناءً على قناعاته الشخصية ((مبادئه+ وتربيته)) ولا ليش لكل انسان منا شخصية تختلف عن الآخر حتى لو كان أخوه... لكن الشئ المفقود في مجتمعاتنا هو ((إحترام ))الرأي الآخر مهما كان مخالفاً لآرائنا وسلامتك
كلامك حلو ... لكن المنطق يقول إن كل أنسان يتصرف بناءً على قناعاته الشخصية ((مبادئه+ وتربيته)) ...
أسعدني مروركم
ربي يسعدكم ..





أهلين فيك عزيزتي ..
اللي ذكرتيه صحيح وماعليه غبار ..
لكن ياعزيزتي فيه أساسيات بالتعامل ماتختلف من شخص لشخص ..
والخطأ خطأ مايتغير بتغير الناس والشخصيات ..
أجل كيف قدرنا نرد على مشاكل الأخوات بالقسم ..
لو تلاحظين انه أغلب المشاكل اللي تطرح ..
ثلاثة أرباع الردود تأيد صاحبة الموضوع وترمي الخطأ على الغير ..
انا ياعزيزتي ماأقصد المواقف اللي تتحكم فيها الشخصيات أو وجهات النظر
لا أقصد الخطأ .. اللي الكل يعترف انه خطأ ..

أتمنى تكوني فهمتي قصدي
: )
قلبهامحمد
قلبهامحمد
بصراحة احيانا لما افتح موضوع تتكلم فية العضوة عن ناس ظلموها مقدر ارد احس فية شي مو مريحني وبسرعة اطلع منة
الله يجزاك خير على الكلام الصح
ربا بنت خالد
ربا بنت خالد
ربي يسعد قلـبك ألق ..
الله يحفظك ياغاااليه صدقتى .. ماعندي كلام يعبر عن اللي في دآخلي تجـآهك ياغاليه ,,
الله يسعد قلبـك دووم يارب ,,