أنا ما أكلم زوجي ولا أكل معاه تعالوا حلو مشكلتي تكفوون

السلام عليكم ::

بنات أنا من جد دايخة وتعبانة وفي هم والله أمس ما نمت زين واليوم معدتي قااالبة كأني أتوحم :30:
أنا متزوجة من سنة ونص وزوجي طيب وحنون ويحبني ويساعدني بكل شي والحمد لله عايشة مبسوطة مدلعني ..

بتقولون وين المشكلة ؟؟

المشكلة كبيررررة ومو بس مشكلة بالنسبة لي مصييييبة :06: زوجي يا عالم ماااا يصلي :angry2:

مو بس ما يصلي والله لو كان كسل كان هانت .. بس ممصيبتي أنه زوجي رافض الصلاة :eek:

والله يا بنات صررت أخاااف .. أقسم بالله حياتنا ما فيها بركة .. الراتب يروح من أول الشهر مع انه راتبه ممتاااااااااز .. ولا نسوي شي يعني يطييير بدون ما نسوي شي ..

كل حياتنا مو بس الراتب .. احس حياتنا خرابيط وكلها ضيقة واكتئاب مع العلم اننا نطلع ونروح ونجي بس سبحان الله احس مو مرتاحة أبد ..

والله تعبت ادعي له دايما و انصحه واجيه باللين واحيان اخاصه وازعل منه بس هووراااافض انه يصلي

المشكلة أهله مطااوعة يعني ابوه ماشاء الله ما يترك المسجد وأمه مدرسة في حلقة تحفيظ القرآن يعني وين المشكلة فيه أمووت وأفهم

والله كم مرة بكيت من كلامه .. تخيلوا يقول يمكن دينا مو صح .. وليه تعتقدين إنهه الاسلام هو الصح وكلام والله يخووف .. وكل ما قلت شي استهزأ بالدين

لا تقولون لي كلمي أهله كلمتهم ولاااا أحد تكلم .. مع أنه المفروض يبدون بعيالهم بعدين بالناس لكن والله ما حد كلمه ..

هو يدخل منتديات أثرت عليه .. والمشكلة حتى أخواني وأخوالي قاموا يقطون علي كلام زوجك كافر وزوجك ما يصلي ومدري ايش .. وانا خلااااص والله احس اني كبرت عشر سنوات ..

أنا والله في هم ما يعلمه الا الله .. خايفة على ولدي مرررة والله ما عدت أخاف على زوجي صرت اقول بكيفه عاقل ودارس وفاهم في جهنم وش علي أحمل همه إذا أمه ما حملت همه .. لكن ولدي حبيبي كيف أربيه وأبوه ما يصلي ؟؟؟

والله اني ميته خوف انه الولد يطلع زي ابوه خاصة انه مرة متعلق فيه :eek:

وش الحل ؟؟ كلمته وهاوشته وزعلت منه يوعدني انه يصلي وهو يضحك يعني واضح انه يكذب وطبعا ما يصلي اقوله انت وعدتني يتهرب

والله يا بنات اكتب لكم وانا ابكي على حالي ..حتى لو نمت ما ارتاح بالنومة دايما بالي مشغول وخايفة على ولدي وشش بيصير لما يكبر ..

الحين تذكرت كلام أبوه يوم قلت له أنه زوجي ما يصلي قالي لا تكلمينه ولا تاكلين معه .. وقمت اسوي الي قالي يمكن ينفع فيه ..

أمااااااااااااااااااااانة يا بنات تدعوون له الله يهديه .. وتدعون لولدي بالصلاح ..

والي عندها حل تقولي لاني خلاااص قربت انجن ونصيحة لكل وحدة مقبلة على الزواج أهم شي يكون المعرس يصلي والله تتعذبين معه ولا تقولين أنا بحاول أصلحه شوفيني لي سنة ونص وانا احاول كل ماله يزداد عناد مع انه مو عنيد أبدا ..