تعرفين أنا زوجي أول شي كان نفس الشي ، حتى انه قالي انا بوديج بيت أهلج لين تربين وعقب تعالي ..
بس مع الأيام وقراءة الكتب وكل ما روح الدكتورة اسوي تصوير اقوله ادخل معاي قام يحس اشوي وقام يقرا كتب الحمل والولادة ويفتح لي مواقع عن الولادة .. واحين قريب الولادة احس انه ينتظر المولود بفارغ الصبر .. انتي حسسيه بأن البيبي موجود وكل ما يتحرك ويرفس خليه يحط يده عشان يحس . وان شاء الله بس يشوف النونو بيتغير ان شاء الله :) :)

شوفي حبيبتي هالشئ عادي
واي ريال في بداية حياته ما يعرف لا عن الام ولا عن البيبي وحتى يحس انه وراه مسؤولية انا اول ماتزوجت ريلي انصدم يوم اروح السوق كل ما كنت ابي اشتري شئ يقول ليش وعندج والكبت متروس ويوم حملت ما كان يعرف اي شئ عن اغراض البيبي وهو يشوف امه ما تشتري هالسوالف وكان يقولي انتي مسرفة وكل هذا بينعق وكان يحسب البيبي ما يبا غير الملابس الي يلبسها ما يعرف ضرورياته بس عقب رحت ويا زوجة اخوه واشتريت لانه هو كان ما يرضي يوديني بس عقب ما ربيت كل ما يشوف شئ يقول بنشتري هذا حق البنت وتم هو يشتري وانا اقوله مب لازم عندها والكبت متروس والحين اي شئ بنتي تباه على طول يوديها السوق ويشتري لها حتى ولو عندها يقول ما ابا بنتي تكون اقل عن غيرها
والحين حامل ونفس الشئ نسى اغراض البيبي وكنت يوم ابا اشتري يقول مب لازم هالكماليات وكل هذا خساره بس انا ما اقول شئ اقول بكيفك لين ما يندم بروحه ويوديني

والريايل ما يعرفون قدر العيال الا لما يشوفونهم يعني هو في البطن ما يحس فيه نفس الام بس يوم يطلع ما بيقصر صدقيني

واذا على سالفة الاسم ترا الموضوع ما يسوى انتي حاولي تقنعينه وان فلان سمه بنته اسم حلو واذا ما رضى قولي له مب مشكله المهم رضاك

حبيبتي هدي أعصابك وتحمليه كلها أيام و تولدين و بتلاقينه فرحان بالنونو و ناسي الدنيا باللي فيها و راح تلاقينه هو يبادر بشرى الأغراض للبيبي أكثر منك .. راح يحس بالمسؤوليه بعد الولاده بس إنت طولي بالك ..

أم الريم ..

انا من رايي كل شي بالتفاهم ..
حاولي معاه بالتفاهم واخذ راييه في كل شي لكي يحس بقيمته ودوره كاب من اول الطريق..
وذا عل الاسم مثل ماتفضلو البنات اول مولود لابد ان الاب يكون راضي عل الاسم لانو بيكون ابو فلان وغالبا اذا ولد يكون عل اسم اب الزوج..
او باي اسم كان يلقب فيه قبل الزواج عندها نقف عند رغبتهم ونتفهم هالشي ..
اما الثاني فراح يكون ان شاء الله ماتفرق معاه وراح ييتركلك مجال في ابداء رايك وابلاختيار ايضا..
لاتضيقي صدرك والله كل هالالمور تافهه اذا ماقورنت بان الانسان ولله الحمد بصحه وعافيه وهذا اهم شي والكثير يتمنا الحمل وهذا بحد ذاته نعمه من الله فلا تكرهي حملك واحمدي ربك على العافيه..
والله يسخر لك زوجك ويسخرلنا ازواجنا وجميع المسلمين ..
تمنياتي لك بالحياه السعيده والهانئه..