غايبة وحاضرة @ghayb_ohadr
عضوة فعالة
أنا متملكه وودي أطلب الطلاق وإليكم قصتي والأسباب ؟؟؟؟
السلام عليكم ...
يا حلوااات القصة ومافيها أني متملكة على واحد من قرابتي ,, وهو وظيفته في الظهران وأنا وظيفتي بالرياض
الوالد الله يطول بعمره شرط لي أنه ينقل للرياض , بس ما أدري كتب الشرط بالعقد أو لا ,, بس لما قال لهم وقت الخطبة وافقوا ,,,
الملكه الحين صار لها سنتين والزواج حددوه بعد 3 شهور بمشيئة الله ,,, والرجال مانقل لحد الآن ولما جاب المهر قبل شهر قاله ابوي أهم شي النقل ,,, قال أنا باأسعى ان شاء الله فالنقل ,, بس المشكله أن أهله فالطااائف وهو يبي ينقل عند أهله بالطائف وأخوه الكبير قد قال لخالي أن خطيبي يبي يقدم نقل على الطايف ,,, طبعا قصة نقله للطايف سمعنا فيها شهر 7 الماضي ,, ولما درى أبوي كلمه وقاله ليش تدور نقل للطايف وأنت تدري أن وظيفة البنت بالرياض ,,, قال باأنقلها معي للطايف ,,, قاله أبوي البنت مالها وظيفه هناك وظيفتها بالرياض تبي ولا خلاص ,,, قال يصير خير ,,, ( معلومه لكم أنا فعلا وظيفتي هنا وتخصصي بس في الرياض ماأقدر أروح ولا أي مكان بالمملكه كلها ) ,,, واحنا من قبيله ما تعترف بالمكالمات اللي قبل الزواااج أبدااا ,,, وأنا يابنات قالوا لي زميلاتي لااازم تكلمينه عشان تعرفين راسه من ساسه بينقل ولا شلون ,,, كلمت أخته بحكم أني امون عليها مررة وقلت لها أني أبي أكلمه وانه لازم نكلم بعض قبل الزواج ومن ذا الكلام ,, قالت خلاص بقوله ,,, بعدين أرسلت لي أنه ماعنده مشكله وارسلت رقمي عليه ورقمه علي ,,, طبعا جاء اليوم اللي بعده ولا كلم ولا أرسل ,, جاء ثاني يوم ولا كلم ولا أرسل ,, قمت أنا مسويه نفسي فاهمه ورحت أرسلت له رساله عاديه فيها دعاء ,,, ولا رد علي ,, جاء اليوم اللي بعده وأرسلت ولا رد والسالفه صار لها أسبوع ولا كلم ولا دق ولا أرسل ,, طبعا أنا كلمت أخته وقلت لها ليش أخوك مايرد علي أنتي تقولين أنه ما عنده مشكله يكلم وهذا هو لا كلم ولا رد حتى على رسايلي ,,, اذا فيكم شي قولي لي واذا هو مجبور على هالزواج قولي لي حنا لساتنا عالبر ,,, قامت قالت بالعكس يمكن أنه مستحي ولا يدري وش يقول أخوي مو راعي بنات ولا عمره كلم بنت يمكن مايدري وش يقول لك ؟؟؟ واحنا ماأجبرناه بالعكس هو استخار واختارك ,,,
أخوه الكبير كان متملك على وحده من برا القبيله وكان يكلمها وقت الملكه ويزورها بس بعدين طلبت الطلاق فجأه وطلقها مع انه كان يحبها ومتمسك فيها ,,, عاد أنا ماأدري هل عشان كذا مايبي يكلم ويمر بنفس تجربة أخوه أو أنه مجبور علي أو أنه مشغول ,,, لأن أخته تقول أنه قاعد يشتغل يجمع حق الأثاث بحكم أن الزواج قرب ويبي يستاجر ويأثث ,,, وأنا ماأدري بعد يمكن مايبي يكلمني يخاف أتشرط عليه بالأثاث وهو ظروفه ماتسمح ,,, أو أنه مايبيني ويبي الفكه مني أو ماااأدرييييي ,,,
عاد أنا يابنات قبل سنه حلمت حلم وفسره لي ناصر السنه اللي بقناة بدايه أنه مكر وداخل عليكم بسوء ونسأل الله أن يعافيكم من أذى عدو وهذا ظني بها..
ولا ارتحت رحت كلمت شيخ ثاني وقالي هل أنتي متزوجه قلت له متملكه قال أكثري من الاستخااره وسكت بعدين رفض يعلمني وش معنى الحلم بس قال استخيري وأنا يابنات من يوم ملكت لحد الان سنتين كااااملة وأنا أستخير كل يوم ,,, وأدعي ربي بالتوفيق معه أو مع غيره ,,, بس يابنات أنا ودي أطلب الطلاق الحين عشان ما نقل لحد الآن وأخاف يخدعني وينقل للطايف عند أهله ويجبرني أترك وظيفتي .. وعشان بعد مايبي يكلمني ولا رد علي ولا عبرني يوم أرسلت وعشان الحلم اللي شفته ؟؟؟ تأيدوني ...؟؟؟
أو أسكت بس وأكمل استخاااره ,,, وش رااايكم ياااحواائياات بقصتي ,,,, أنتظر منكم المشووورة والنصااائح ...
101
17K
يلزم عليك تسجيل الدخول أولًا لكتابة تعليق.
DAMASJ1
•
الله يسر امورك لا تستعجلين عليك بكثرة الدعاء
روابينا
•
صحيح هذه عاداتكم بالزواج شويه بيها صعوبه ...لكن الغريب الخاطب يخطب ويضربها سكته ....ويتصرف لوحده يأثث ويشتري ويقرر لوحده ...حتى لو مو انت تتكلمين معه المفروض كل المشاورات في تكوين بيته وتجهيز الاثاث يكون بأتفاق مع اهلك ...اشوف عدم الرد عليك شي مايبشر بخير وعيب مايرد ومبرراتك له ليس في مكانها.
يعني معقوله تكونين اجرأ منه !...من البدايه انت واضحه وتطلبين حوار وهو ضاربها سكته !!
قولي لأبوك انو انت راح تطلبين من اخته انو خطيبك يتصل بك وتحاوريه حول زواجكم ومصيركم ...واذا ماأتصل ...هنا نقطة خطر ...استشيري ابوك في الامر
يعني معقوله تكونين اجرأ منه !...من البدايه انت واضحه وتطلبين حوار وهو ضاربها سكته !!
قولي لأبوك انو انت راح تطلبين من اخته انو خطيبك يتصل بك وتحاوريه حول زواجكم ومصيركم ...واذا ماأتصل ...هنا نقطة خطر ...استشيري ابوك في الامر
الصفحة الأخيرة