أنا محجبة ليه؟؟

السلام عليكم ورحمة الله وبركاته

:39:
" أنا محجبة ليه ؟ "


أنا محجبة - بعد إيماني بأمر ربنا إن الحجاب فرض على كل مسلمة - علشان الأسباب التالية:



1 - عشان انا حرة … مو من حق احد يشوف مني اللي ما ابغاه يشوف إلا بإرادتي … ومن حقي اختار مين اللي يشوف مني أجمل ما عندي ..


2 -عشان أنا غالية .. ماينفع أقلل من قيمة نفسي واخليها عرضة لكل العيون .. ويسير خروجي وانا كاشفه ضوء أخضر لكل من هب ودب يسرق مني ولو نظرة لأي جزء مو متغطي مني ..


3 -عشان أنا باحترم نفسي .. وشايفة نفسي كبيرة ولي قدر .. وماينفع أنزل سوق المنافسة في الأنوثة عشان أفوز في الآخر بنظرة شهوانية أو كلمة غزل رخيصة أو عرض صحوبية…


4 -عشان انا جمالي مو خارجي وبس.. ومن حقي ان اللي ييجي يتزوجني .. واللي حعطيه الباقي من عمري .. وكل مشاعري .. وحقاسمه أحلامي وأفكاري .. وحخلف منه اولادي .. .. مايختارني على مقاييس شكليه وبس .. أو يكون هوهذا العامل الأساسي في اختياره ليا … عشان كذه مو ضروري يشوفني في كامل زينتي وجمالي قبل ما يتزوجني . . الأهم انه يحب روحي ويعجب بشخصيتي .. ويرتاح معايا نفسياً..



5 -عشان أنا بخاف على أخويا في الله اللي بيشوفني في الشغل أو في المواصلات أو في الشارع .. ويمكن يكون يبغى يتقرب من ربنا .. وبيجاهد نفسه عشان يغض بصره.. فما ارضى لنفسي اني اكون سبب في اني افتنه.






6 -علشان أنا بشيل هم أخويا في الله اللي نفسه يتزوج ومو قادر لضعف إمكانياته الماديه .. فمو ضروري يعني ازود عليه همومه… ..




7 - والأهم … كفن النساء.. فيه حجاب .. فاللي ما تلبسه وهي حيه بإرادتها طاعه لله.. حتلبسو وهي رايحه لقبرها.. وطالما ربنا يقول اننا نتستر حتى واحنا رايحين قبورنا وخلاص انتهى التكليف … ومحد حيشوفنا ثاني ولا احد حيطمع فينا .. يعني مالها معنى اننا نمشي كاشفيين لكل العيون واحنا أحياء نرزق.. يسير الأولى اني اطيع ربنا بإرادتي وأقابله وهو راضي عني واخد أجري كامل.. ولاّ اني ماالب غير وانا جثه واقابل ربنا وهو غضبان عليا؟


والأسباب اللي هذي.. هيا اللي فهمتني ليه ربنا فرض علينا الحجاب.. ماهي تعسير ولا تضييق .. الحجاب فعلا عزة وكرامة.. مايعرفها غير اللي داق طعم الستر..


ربنا يهدينا ويهدي بنات المسلمين