لا حول ولا قوة إلا بالله
هذا حالنا نحن العرب ....
مهاد
•
خله يصفونهن لين باجر وخله هالكفار يشترون منها نحنا المسلمين أكثر منهم الحمد لله ولاعت جبدنا من منتجاتهم ما أقصد النعمه اللي لاعت جبدي منها قصدي من كثر ما ييبون طاريها لاعت جبدي وغير أني اصلا عمري لا اشتريت من هالمنتجات ولا بشتري
اصلا هالشركة ماقامت تعتذر وتزعجنا في الجرايد الا عقب المقاطعة والخساير اللي جتهم... والا قبل المقاطعة ماشفنا منهم اي استنكار!!!!!!
الصفحة الأخيرة
وقبل كم يوم بنتي كان في بعينها التهاب وديتها المستشفى عشان يفحص عليها الدكتور وصرفلي ادوية لها ولما رحت للصيدلية اخذ الادوية الا من بينهم دوا دنماركي مرة وحدة من العضوات جزاها الله خير حطت صورته وهو مرهم للعين قلتله هذا شنو قالي هذا الدوا اللي صارفه لها الدكتور قلت له هذا دنماركي ما ابيه بدله باي واحد ثاني قالي ما اقدر هذي مسئولية لازم الدوا اللي بالورقة قلت والله لو يكون هذا اخر دوا بالديرة لعلاج عين ما راح اخذه وخليته وطلعت والحمدلله تميت اعتني بعين بنتي واقطرلها قطرة بعينها ويومين وهي اشحلاتها قلت الحمدلله ياربي على انك شفيت لي بنتي ...حسبي الله ونعم الوكيل فيهم .