مساء الخير جميعا ...
حبيت ابشركم وهذي المشاركه الأولى لي .. كل معلمه تعينت من الدفعه الأولى بعد المطابقه
ارسلوا رساله .. مراجعتهم في شؤون المعلمات وفعلاا رحت لهم يوم السبت الساعه 11 بالليل
اخذوا الأوراق مع اصولها اهم شيء لاتنسين الأصول بكل شيء حتى كرت العايله والشهادات
وصورتين من كل ورقه .. المفاجيء انهم ماألغوا قرار تثبيت السكن واستبعدوا بنتين قدامي :crap:
واللي معها خبره فوق 7 شهور من نفس المنطقه هذي تعتبر اثبات كافي لها ..
بعدها كانت المقابله مابدأو فيني الا 2 ونص .. وأختكم تعبانه وبمعنى صررريح فصلت عليهمم :icon32:
الحمد لله موجهتي عارفتني من أول .. بس كان في 5 موجهات تقريبا ومن ضمنهم رئيسة التوجيه
اكككككيد تبون تعرفون وش سألوني ..
1- عرفي بنفسك .. هنا تميلحي وقولي كل شيء عنتس :love:
2 - كيفك بالملعومات العامه .. قلت لابأس وانا والله نصصصابه اني ناسيه كل شيء مااتذكر الا تخصصي " انجليزي " وبدأ العيييييييييييييد .. واجاوب واتنح شوي
كم عدد الدول العربيه ؟؟ قلت 20 قالت لا 22 .. قلت مابعدت عنها
ماذا تعرفين عن اليونسكو ؟؟ قلت مب حق البترول .. وبدوا يضحكون قلت عاد وشدراني ..< بغيت ارفسهم :dozey:
ماهي اخر احداث العالم ؟؟ هننننننننننننا بغيت اتربع واسولف لهم عن القذافي وعلومه قلت بنفسي ان سولفتي شاتوك مع الباب وخلي هالقذافي ينفعتس ..:biggrin2:
قمت اهذر عن دمشق وبشار الأسد الله لايوفقه ..< مهيب هينه
قالوا كملي .. سولفت عن الصومال شوي .. يارب ترحمهم وتفرجها عليهم من اوسع ابوابه اللهم امين ،
قالوا تحسين فيهم عند الأفطار ؟ خنقتني العبره شوي .. اشتهيت اخش بعيونهم على هالأسئله
نجي للسؤال اللي خلى وحده منهم تفطس ضحك .. وتحط راسها ورى خويتها :laughing:
لمـــــــــــــــاذا سميت قــــــــــــارة افريقيـاا بالقاره السوداء ؟ :humm:
واخخخخخخخخخخخخخ من هالسؤال
سكت شوي قلت يمكن اجابتي شوي عنصريه .. بس اعتقد بسبب لون البشره ولا بسبب لون الجبال
لما شفتهم يناظرون قلت : اول شيء انا علمي وش عرفني ب القارات وغيرها وثانيا انا والجغرافيا والتاريخ:pinklove:
متازعلين من 10 سنوات وازود .. ناظرت يمين الا ذيك الموجهه اللى صارت طماطه من كثر الضحك .. طالعت فيها قلت وتضحكين ؟؟ < ناقده عليهم ياحليلي
برضو سألوا عن اسلوب تعاملك مع الطالبه ..
اذا طالبه تلفضت عليك اش يكون ردة فعلك ؟
معلومه مهمه / لاتقولين اوقفها او اهزئها او اخليها على جنب .. قلت لهم انا استخدم اسلوب الطناش ولا ارد عليها لأن ممكن تتجرأ وترد بكلمه اقوى وبكذا فتحت مجال على نفسي .. واهتزت شخصيتي قدام طالباتي
استخدم اسلوب النظره + بعد الحصه استدعي الطالبه واتفاهم معها
قالوا : تعاقبين الفصل على غلطها .. قلت يعتبر ظلم بحق الطالبات << هنا شفتهم مبسوطات علي ..
ماهي المبادره ؟ < اني اتقدم بشيء تكون المدرسه او الطالبه في احتياج له كسد العجز أو اخذ حصص معلمه متأخره بالمنهج او غير موجوده ..
- ماهي خطة وزارة التربيه والتعليم في تطوير المسيره التعليميه ؟
المناهج والمباني ..الخ خ خ
بعدها .. استلمتني موجهتي مع اني متعاقده معها فوق 4 سنوات بس قالت ذا روتين
1- ماهي مهارات اللغه الأنجليزيه ؟
2- هاتي هدف على اي درس تختارينه؟
3- الأستراتيجيات الخاصه بالتعليم << بصراحه هنا أول سؤال اقولها بصريح العباره مااعرفه
قالت لي شيء فيه تعاون .. والقبعات الست ومدري شنو الباقي ..
وهنــــــــــــــــاا خلصنا
..واشرت لي good قلت اتوكل على الله قالوا الله معتس :icon28:
بس تعالي باتسر .. تسوين
الكشف وتوقعين التعهدات وتختارين القرى << مكتوووووووووووب علي الشقى من أولها :icon33:
وجيتهم وخلصت كل شيء .. بعد جهد جهيد
وسلامتكم ..
أي استفسار أنا حاضره ..
والحمد لله رب العالمين حمداً ، كثيراً ، طيباً ، مباركاً فيه ..
ياحلوها سنيني @yahloha_snyny
عضوة جديدة
هذا الموضوع مغلق.
ماشاء الله تبارك الله ولاحول وقوة الله بالله
الله يوفقس يااوخيتي تستااهلين الخيرررر
اما سوال قارة افرريقاا ؟؟؟؟؟؟؟؟؟؟؟؟؟؟؟تووووحفة
الله يوفقس يااوخيتي تستااهلين الخيرررر
اما سوال قارة افرريقاا ؟؟؟؟؟؟؟؟؟؟؟؟؟؟؟تووووحفة
الصفحة الأخيرة
الف مبروك على الوظيفه وعقبال الجميع يارب