أنا من الرياض ودلوني على شيخ بأي مكان بالسعودية

السلام عليكم ورحمة الله وبركاته...


أنا لي سنتين متزوجة وحملت مرة وحدة بعد زواجي ب4 شهور وكان بالأنبوب وسووا لي عملية وشالوا الحمل مع الأنبوب.. وبعد ماجلست سنة وماحملت راجعت وقالوا لي كل شي سليم.. ورحت مرة لشيخ وقالي أنتي عندك مس ساكن بالرحم وهو اللي مانع الحمل حسبي الله ونعم الوكيل!! وقالي عليك بالرقية وتحتاجين شيخ يقرى عليك وأنا مقدر أقرى لأني ممنوع من الرقية على الناس!!

صرت أقرى القرآن كثير وكنت أقرى سورة البقرة بالكامل يوميا لمدة 3شهور: شعبان ورمضان وشوال ماأنقطع إلا 7أيام وهي أيام الدورة لكن ربي سبحانه ماأراد لي الحمل..

لذلك أبيكم الله يعافيكم ويرزقكم الذرية الصالحة تدلوني على شيخ يقرى ولو كان بفلوس.. أدري بتقولون اللي يآخذ فلوس مو زي اللي يقرا للأجر بس المشايخة والمقرئين مثلهم مثل غيرهم لهم الحق ياخذون على تعبهم ووقتهم اللي يقضونه مع الناس...

على فكرة أنا من الرياض ودلوني على شيخ بأي مكان بالسعودية بس تكون قرائته قوية وتطلع الجان..



والله يجزاكم الجنة وخير الدنيا والآخرة..