أنا مو قادره افهم هالشخص

بنات قبل أبدا كلامي ادررررري إني غلطانه اقسم بالله لكن أنا نفسيتي زفت بس ابكي والسبب هالشخص المريض
أنا كنت إنسانه بحاليييييييييي يعني أيام مراهقتي ماتعلقت بشخص عشان أتعلق فيه وأنا عمري ٣٢!! وهو اصغر مني بسنتين !!
هالشخص معاي بمكان أنا أغلب وقتي فيه
أنا قد ماقدر كنت ابعد أتجاهل كل شي أسويه
بس أشوف نظراته لي مايشيل عينه مني
شوي شوي صار يراسلني بالواتس بخصوص الشغل
فجاه بدأ يمون ويسولف وربي يابنات ماكنت أعطيه اي اهميه بس فجاه الشخص ذا قلبني كيف مادري شوي شوي علقني فيه بعد ٤شهور ممكن
لما عرف أني تعلقت وصرت ازعل مثلا لو مارسل
أو ماشوفه بالدوام
صار يتجاهل
يسحب علي تجلس المحادثه بإلساعات مايفتحها
يرد بكلمتين بس
بالدوام لو شافني بالمكان يبعد ويطلع !!
لين هنا اقول ممكن اني اتحسس
تخيلو بنات هو شخص مريض
يعني خلاص ماتبيني احذفني وانتهى الموضوع
لا هو مثلا سحبت عليه يوم
يجي
ويرسل ويحط اللوم والغلط علي ان أنا ساحبه
ىمختفيه ولا سالتي عني اليوم وفيك وفيك
مثلا داومت الصباح
قبل كان يقول لي لما تداومين ارسلي لي
فاشوفه بنفس المكان يجي
بعدها لما شفت تجاهله صرت أتجاهله ولا أكمله
ولا اقوله اني أنا بالدوام صار يقلب الموضوع
علي يقول يقولون انك تحت بالكافتيريا ليش ماقلتي لي ولا ماتبين تشوفيني ؟
مع اني متأكده ألف بالمليون هو مايبيني وهو يهج عني وأنا أبي انهي العلاقه
لكن كل مابعدت جاء حط اللوم علي
آخر شي اليوم
جالس مسجل مقطع صوت لي انه
توه صاحي
قلت له خلاص اجل كل شي
قال اني جوعان بس بروح ودي امشي رياضه لكن
قبل اكل مع اني ميت جوع
انا كتابه طبعا ماكلمه صوت
قالت من طيب نيتي
كل طيب قبل تمشي لاتتعب دامك جوعان
قالي خلاص باكل إذا خلصت وطلع صوت
مع تأفف شكله مو عارف انه جالس ضاغط التسجيل شفتو لما تتاففون وتتضجرون من شخص
غاثكم صلح نفس الحركه والأكيد انه مانتبه
اني انتبهت وسمعت أنا لما سمعت سحبت
ولا رديت بعد ثلاث ساعات ارسل لي
وينك اختفيتي ؟
سمعتي المقطع ولا ارسلتي فجاه اختفيتي !
قلت أنا انتظرك تخلص وترد علي
يعني كذا نظامه فهمتووووو
أنا قلت لكم اكثر من موقف
عشان تفهمون شخصيته سامه بشكل ماتتخيلونها
اقسم بالله هذا ولا شي
من اللي صار لي دايم ابكي من القهر لو أنا
جايته ولاحقته قلت استاهل بنات
هو مات لما صرت ارد عليه واعطيه وجه !!
واخرتها يسوي الحركات هذي
انا مو هامني ليش مايسحب ويريحني ويرتاح
ولاًيسوي معي كذا