![](https://d2s63a22uzwg40.cloudfront.net/postexternals/notFoundFromSource.jpg)
أسعدالله أيامكم بكل خير وفرح وسرور ...
(( سلوة الروح )) تقف بكل شاعريتها واحساسها وبكل جرح يغزو احشائها ...
هنا تقف بكل شموخ لتروي عطشها من بعض الكلمات ...
كلماتي سوف تكون معنيه مني لكل شخص له حيز بحياتي ...
لكل شخص مر على شغاف قلبي ...
ولن تكون حروف عابرة بل ((( معنيه ومقصودة ))) ...
أتمنى أن تنال على اعجابكم ...
وسوف يكون موضوع متواصل حتى أكتب النهايه ...
سلوة الروح ...
ثقيله هالدقايق
اذا كان الوجع
بـ عمر ..إنسان
ثقيله يا ثواني
هي بداية... ( تمر ازمان )
بغيضه يالدموع اللي على خدين طفله
بعمر الورد/ وكبر الجرح
حزينه يا الاماني ..ليه ؟ّ
انا مدري وش اللي ماخذينه بس!!
انا مدري من المسؤل ؟!
عن الحصه / عن التلميذ / وآخر درس
انا مدري ..
انا ليه اكتب حروف الحين ؟!!
أحاول...أشرح ..الحزن الدفين
بثرثرات ...حروف ...وغصت حنين
حكاية من حرم طفله..
تحس بضحكة الاطفال..
صباح العيد
حكاية ( آآآآآه )..في حلق حيرتها
ورجفة أيد ..
وتتنهد في جدار القبر...ساعة
كنها ظلم الليالي ..بوحشة بيد
ومع أول دقايق سالفتنا ..
على شارع ...حمل ثوب الحداد
وحشرجات ..القبر ..
بسرعه مر ...
مع الوعد الذي ...ما قدر يوفيه
مع أسماع طفله ...ما تعرف الحزن !
أو .. كانت ما تعرف الحزن ..
تغرد له بصوتها النعسان ..
وتعزف أعذب الالحان ..
(يبه ..عمري ..حبيبي
لا تْأخر ...
ابي ترجع قبل ما أنام ..
ابي اتلحف حنانك...في
تصبحين بخير .. مع بوسه على خدي ..
يبه وأنام ..
وقبل ما أنسى ..يابوي الغالي إسمع ..
أبي دفتر رسم أحمر
وأبي اقلام للتلوين ..
وأبي فستان ...مثل لون
الزهر .. ازهر
وابيك انته ..تلبسني ..
تحمل يا يبه أرجوك ..
تمهل يا يبه أرجوك ..
شوي /// شوي )
وكان آخر ..وصاياها ..
وعلى غفله ...تهور ..
مع سرعة ...بدون حساب ..
ينادي هالرصيف الموت ..
ينادي له ..تعال ...تعال ...تعال... تعال..
وانتهت قصة...عمر ..إنسان
وابتدت ...حيرة.....يتيمه ..
ما اكملت عامها التاسع ..
يضيق بدمعها ..
صمت الشبابيك.. الكئيبه ..
على الجدران ..
تحاول ...تنحر اجابة هالسؤال اللي
تفجر ...في قصيدة حزن ...
بلا..عنوان ..
(يبه وينك؟!
تعبت انتطر ..
تعبت أتخيل ايدينك ياغالي ..
يبه وينك ...
تعبت أسأل زوايا البيت ..
تعبت أسأل ثوبك المكوي
تعبت آشم عطرك
واحضن غيابك ..
تعبت أكذب على دمعي
وأرتب عيني وثيابك ...
يبه وينك؟!
الف الدار ..واتذكر ....
هنا ..يمشي ...
هنا يجلس ..
هنا يضحك ..
هنا كنا على شانه
نجي نسهر ..
يبه وينك ..
ويقطع حزن هالافكار ..
باب الدار ...
واصيح بصوت ...واتحشرج ..
منو بالباب ؟!..منو اللي دق هذا الباب؟!
انا مابي لعب ..واقلام ...
انا مابي هدايا
انا ما ابي اشوف اصحاب ..
يبه وينك ؟!
يبه .. يرضيك حالي الحين ؟!
كرهت المدرسه ...والدرس ..
ولا حد فيني حس ...
تذكرني بغيابك... شهاداتي ..
معلمتي ...
وباب المدرسه ...
والدرس
اصحابي وعلاماتي ..
يبه وينك ؟!
كلامي يا يبه حارق
كلامي مر ...
وانا اقرا في الدفاتر هنا ..
(يوقع ولي الامر)
من اللي فرحتي تتكحل بعينه ؟!
وضحكاته
يبه ..وينك ..؟!
نجحت ..وتختنق فرحه
وسط صدري ..
تجيني الناس وتبارك ....
وهذا الحزن بي حارث ..
ولا تدري ...
باني يتيمه ..
والسبب حادث.. )
وبدت تذرف دموع
تشق صدر الليل
سواده ...حيل يشبه له شعرها ..
يشبه له غياب...الاب..
غايبه ..
ما وراه غياب..
ولا يمكن يعوضه ..
القريب / الاخ / والاصحاب
ثقيله هالدقايق
وكبرت الطفله حزينه ..
وصارت بنت بالعشرين ..
لكن .. غيابك يايبه أثر كثييييييير
اذا كان الوجع..بـ عمر ..أانسان
بغيضه يالدموع اللي على خدين طفله
بعمر الورد
حزينه يا الاماني ..ليه ؟ّ
حزينه يا الاماني ..ليه ؟ّ
((( الّـــله يرحمك يالغالي ويسكنك فسيح جناته .. اللهم آآميـــن)))