أنا وأبو حمزه ( روايه سعوديه عاميه)

بنات هاذي روايه أنا كاتبتها
بس بالعاميه ( لأن حظرتي ما أعرف أكتب باللغه العربيه)

المهم أنا أبنزل الجزء الأول وإذا كان في تفاعل كملتها وإذا ماكان فيه تفاعل ماأكملها

بنات أنا أول مره أكتب روايه علشان كذا أي نقد أتقبله بنفس راضيه ( أرجوكم مايهمني إلا نقدكم )


بسم الله الرحمن الرحيم

أنا وأبو حمزه
أبو محمد... (صالح)... أم محمد ..(هند)..
عيالهم ::
محمد: متزوج (منيره) وعمره 35 وعنده 3عيال ونفسه في بنت
عاليه : (صالح) الكبير على أسم أبوه وينادون – محمد – (أبوصالح ) والثاني توأم (عبد الله وعبد العزيز) عمرهم 5 سنوات .
هنادي : الاخت الكبيره في ثالث جامعه عمرها 23 سنه – عايد سنه –
طارق : الأخو المهبول أهبل العيله . في أولى جامعه عمره 20 سنه
نوف :الأخت الي بايعه الدنيا في ثاني ثانوي .
في : البنت المدلعه أخر العنقود عمرها أولى أبتدائي .

.......................................
أبو عمر .. (أحمد) أم عمر .. (مها)
عيالهم ::
الجوهره: أكبر العايله ومتزوجه من (سالم) وعندها 4عيال وحامل عيالها :: (سعد) :خامس ابتدائي أكبرهم و أقشرهم ... (لمى) رابع ابتدائي عاقله مررررررره تعطينها أكبر من عمرها ... (لمياء) الصيوحه أولى ابتدائي ...(فيصل) 4سنوات تعبان من كثر ما تطقه –تضربه- لمياء هههههههههههههههه .
عمر:عمره 29 متخرج من الجامعه –مهندس- مصرقع ولا عنده نيه يتزوج
شهد:عمرها 23 في ثالث جامعه و هاديه مررررررررره
فادي : عمره 20 سنه ويشتغل في البنك وهو مع ولد عمه مرررررره (طارق )
سوسن : في ثالث ثانوي
-----------------------------------------
الجزء الأول

أبومحمد : السلام عليكم
ام محمد وهي تصلح القهوة : هلا و عليكم السلام .
أبومحمد :اقول العيال و ينهم
ام محمد : والله ما ادري بس توهم جايين وكل واحد في غرفته
أبومحمد : الا نسيت اقول ...
ام محمد : وشو الي نسيته .
أبومحمد :ايه ابو عمر عازمنا .
ام محمد : متى ان شاء الله .
أبومحمد : الخميس.....بكره ..
ام محمد : زين نطلع شوي ما غير قاعدين في البيت .
أبومحمد : حرام عليك الاسبوع الي قبل ذا طالعين .
ام محمد : ذيك المره طالعين لسوق ولا تعتبر طلعه ..
أبومحمد : المهم استعدو بكره .. الي يتكلم معك مايقدر يسكت .....
..........................
هنادي : أقول نوف وش اخبار زميلتك اماني بعد العمليه ...
نوف : الحمد لله ....
نوف : مادريتي ....
هنادي : وشو .
نوف : شفتي ذيك البنت الي شفنها عند عرس خالتي ساره .. الي تكلمت علينا وتهاوشنا معها ..
هنادي وهي متحمسه : ايه .......
ويقطع عليهم الكلام أبومحمد : ما شاء الله متى وصلتو ..
هنادي : ههههههه احسبك طارق .
نوف : قبل ربع ساعه ..
أبومحمد :و لا ساعدتة امكم ولا شي ... والله قلة ادب .
هنادي : لا والله مب قصدنا اصلا انا كنت ........." تدور اعذار "
أبومحمد : خلاص . خلاص .خلاص ....
أبومحمد :المهم الخميس في جمعه عند عمكم ( ابو عمر )
هنادي + نوف : هييييييييييييييييييييييييييييه ........
أبومحمد : بسم الله ..خير وينا فيه ....
نوف : صدق يبه ..
أبومحمد : لا. العب .. اكيد بس بلا هبال .
هنادي :يسلام مااصدق
أبومحمد وهو طالع من الغرفه ...هنادي : نوف وش رايك ..... وش البس .
نوف : ........ وش رايك نقول لأبوي نروح لسوق .
هنادي : اخاف مايوافق ...
نوف : نشوف ...
..............................................
في بيت محمد – ولد (أبومحمد) –
محمد: منيره بكره يوم الخميس في جمعه عند عمي
منيره: طيب وش دخلني
محمد: حلوه ذي وشدخلك ... يعني تجهزي بكره لطلعه
منيره: لا..لا...لا من إلي قالك أبروح عند بيت عمك ...أنا بطلع لبيت أهلي هناك مجتمعين أخواتي
محمد: على كيفك بتروحين يعني بتروحين
منيره: وأنت على كيفك
محمد: إسمعي العيال لازم يسلمون على عمهم وعلشان كذا لازم تروحين
منيره: عادي .... يسلمون مره ثانيه
محمد: ايه الحل عندي
منيره: وش بتسوي
محمد: هههههههه تعرفين بعد شويه
.......................................

محمد وهو يخرج جواله من جيبه
منيره: من تدق عليه
محمد:مالك دخل
محمد: ألو..
: نعم
محمد: السلام عليكم
أبو محمد: وعليكم السلام هلا
محمد: هلا فيك
محمد: أقول يبه منيره ماتبي تجي لعمي
منيره جالسه على أعصابها وهي تسمع
أبومحمد: أفا ليش
محمد: والله ما أدري عنها
أبو محمد: أقول بلا إستهبال
محمد: والله جاد خذها وتفاهم معها
منيره تاخذ الجوال وهي تناظر محمد بحقد وبتموت من القهر
أبو محمد: منيره أنتي جاده في كلامك
منيره: والله ودي أروح عند أهلي
أبو محمد: إنشاء الله المره الجايه لأن هاذي جمعه كبيره ولا تفوتينها
منيره: ...........
أبو محمد: خلاص إنشاء الله تجين
منيره: إنشاء الله
أبو محمد:مع السلامه
منيره: مع السلامه
منيره وهي تسكر الجوال : والله لأردها لك يامحمد
محمد: وش أسويلك أنتي الي جاره علي نفسك
منيره وهي تطلع من الغرفه: والله لأوريك.................
...........................
... في بيت أبو عمر...
سوسن: أقول يبه نبي نطلع لسوق
شهد: أيه والله بكره العزيمه ولا شرين شي
أبو عمر: خلاص فادي يوصلكم..
فادي: لالا مستحيل أنا عندي شغله اليوم
أبو عمر: ماشاء الله من متى وأنت تشتغل
فادي: لا صدق اليوم مشغول خلو عمر يوصلهم
أبو عمر: خلاص روحو مع عمر
سوسن وهي مستغربه: بسم الله وش هالأصوات
شهد: أكيد الجوهره جت
سوسن :ههههههههه جت أم العصافير..
فادي : ههههههههه وانا اقول غريبه اليوم البيت هادي ههههههه .
ابوعمر: و الله قله ادب ... تدرون ان الجوهره تسواكم كلكم ...
الجوهره وهي داخله و شايله فيصل وراها لمياء تصيح .
الجوهره : السلام عليكم ..
سوسن + ابوعمر + فادي + شهد : و عليكم السلام ..
سوسن : غريبه وين سعد يا لجوهره ..
الجوهره: وليش ماسألتي عن لمى
سوسن: والله لمى لو تكون جمبي مادريت عنها بس سعد تعرفينه ماشاء الله عليه مايخلي أحد من الشطانه
الجوهره: هههههه.. والله طالعين الملاهي هم وأبوهم
أبو عمر: والله ولا كأن في المجلس أحد
الجوهره: وش أسوي هاذي إذا مسكت أحد ماتركته
سوسن : ماشاء الله أصلا الغبي يكلمك...
سوسن: أقول شهد قومي بسرعه لانتأخر على السوق
شهد: طيب أنا أحترك أنتي وأمي عند الباب
..................................................
يوم الخميس في بيت ( أبو محمد)
نوف: يبه
أبو محمد: نعم
نوف: نبي نروح لسوق
أبو محمد: لامافيه الأسبوع الي راح طالعين لسوق
هنادي: بس يبه هاذي جمعه
أبو محمد: لاتفكرون السوق مافيه
أم محمدوهي داخله: ماشاء الله ماتجهزتو..
نوف: أنا خلصت شعري وكل شيء مابقى الى البس
أم محمد: ماشاء الله واللبس تجلسين عليه ساعه علشان تفكرين وش تلبسين
نوف وهي طالعه: خلاص أبروح ألبس
أم محمد: وأنتي ياهنادي روحي لبسي وجهزي (في)
هنادي: طيب
..........................


سوسن وهي في السياره راجعين من السوق: أقول شهد ليش ماخذتي البلوزه الورديه
شهد: أي وحده
سوسن: الي عليها سلاسل
شهد: ووععع .. كم مره أقولك إنها ماتناسبلي
سوسن: والله ماعندك ذوق
شهد: أحسن منك وذوقك الغريب
عمر: أقول ولا كلمه أنتم وسواليفكم الي مالها داعي
سوسن: من زينكم وسوليفكم يالرجال
صوت جوال عمر يدق
عمر: ولا كلمه أبرد على الجوال
عمر: ألو
: ألوووووووو
عمر: من معي
: من أنت
عمر: شكلك غلطان
طارق: هههههههههههههههههههههههه
عمر: الله يقطع بليسك
طارق: وش رايك بالحركه
عمر: ثقيلة دم مثلك
طارق: أفا عليك
عمر: إلا أقول غريبه مب عادتك تدق علي
طارق: أنا داق أسألك فادي ليش مايرد كسرت الجوال وأنا أدق ولا يرد
عمر:هههههههههههههههههه
طارق: بسم الله خير وش فيك
عمر: تذكرت أمس يقول أبجرب وأحط نغمة جوالي على الصامت والظاهر إنه ماسمع
طارق: هههه ذا الخبل أقول .. ويقطع عليه الكلام عمر: لالاتقول ههههه
طارق: خلاص مع السلامه
عمر: مع السلا مه
طارق: على فكره اليوم منب جاي لجمعتكم
عمر: نعععععععععععم مأسمع زين
طارق: الحين تحمست
عمر: خير نتعب ونجمع الناس ولا تجي
طارق: أقول الفاتوره علي علشان كذا مطول في الكلام
عمر: أنت الي داق وشدخلني أنا
طارق:........
عمر: المهم تجي بكره
........ طوووووووووووط............
عمر: قطع الخط ...
سوسن: هااااا ... ياربيه كل هاذا تكلمه
شهد: ساكتين لنا ساعه
عمر: يووه تصدقون نسيتكم
...............................
في بيت (أبو عمر)
أبو عمر وهو يكلم بالتلفون
أبو عمر: ألو
: نعم
أبو عمر: أبو حمزه (( على فكره أبو حمزه جيران أبو عمر وعلاقته مع أبو عمر مره كأنهم أخوان))
أبو حمزه: هلا فيك وش أخبارك
أبو عمر: الحمد لله .. وشلونك أنت
أبو حمزه:بخير والحمد لله
أبو عمر: تراك اليوم معزوم عندنا
أبو حمزه: وش الطاري
أبو عمر: لا أنا عازم الجماعه وحاب أنك تجي أنت والأهل
أبو حمزه: والأهل بعد
أبوعمر: عاد اليوم الكل مستانس أنكم بتجون ولا تخيب أملي
أبو حمزه: تبي الصراحه عاد... أن اليوم ماعندي ولا شي وفاضي مره ودي أزوركم بس الأهل مدري عنهم
أبو عمر: ماأظن أنهم بيرفضون
ابو حمزه: بصراحه ماأقدرأردك
أبو عمر: يالله عاد مأطول عليك
أبو حمزه: في أمان الله
أبو عمر: مع السلامه
أم عمر بعد ماسمعت الكلام: عساهم وافقو
أبو عمر: ايه الحمد لله بيجي هو والأهل
..............................................
في بيت (أبو حمزه)

أبوحمزه: رقيه اليوم عازمنا(أبوعمر) وعلمي أمك (( رقيه بنت أبو حمزه الكبيره))
رقيه : والله يسلام اليو م أبشوف زميلتي شهد
أبو حمزه: تجهزو العشا عندهم
رقيه وهي طالعه: أبروح أعلم أمي
................................
هنادي وهي تمشط شعر( في)
في: آآه تعوريني
هنادي: أقول نوف وش بتلبسين
نوف وهي تطلع البلوزه الفستقيه: يمكن ألبس هاذي
هنادي: أنا أقولك الصراحه أنك منهبله عليها وهي مافيها شي يلفت الأنتباه
نوف: عاد ورينا الي بتلبسينه لاتكون الحمراء
هنادي: لا بلبس وحده ثانيه أحلا
نوف : أي وحده
ويقطع عليهم صوت جوال هنادي
هنادي : ألو
شهد: وينكم ماشاء الله مافي ولا مره جيتو أول الناس
هنادي: أعصابك جاينكم إنشاله
شهد : بسرعه وعلى فكره جيران بيجون
هنادي : قولي والله ..
شهد: والله بس بنتهم زميلتي في الكليه وأعرفها عاقله
ويقطع عليهم الكلام طارق ينادي هنادي: هنــــــــــــــــــــــــــــــادي .. نوووووووف
نوف وهي طالعه لطارق: هنادي بسرعه لاتقطعينا
هنادي : شهد خلاص مع السلامه
شهد: مع السلامه وبسرعه ننتظركم
.............
نوف: نعم
طارق: ماشاء الله مالبستي بسرعه خلصو نحتريكم تحت أنا وامي وأبوي وفي
نوف: طيب أبقول لهنادي
في: بسرعه ولا بالعصا
نوف: مصدقه عمرك
طارق: ههههههههه تعجبيني يافي هههههه
نوف وهي ماشيه لغرفتها مب رايقه لهم وتفتح الباب :
هنادي وش تقول شهد
هنادي: تقول بيجون جيرانهم وعلشان كذا أبلبس البلوزه الحمراء الي فيها شك
نوف : والله أجل أنا أبلبس البلوزه الورديه وتنوره الجنز
..........................................................
في بيت (أبو عمر)
سوسن: شهد
شهد: نعم
سوسن:أمي تقول خلصتي الفطاير
شهد: إيه بس روحي شوفي لمياء فوق تصيح وجواهر تتروش
سوسن: ياربيه دايما تخلين على الأشياء الشينه
شهد: بسرعه بلا دلع بنات أنا من الصبح وأنا في المطبخ وأشتغل
سوسن وهي تطلع: طيب خلاص
شهد وهي تطلع من المجلس بعد ما عطرته
........ طن طن طن.... طن طن طن....
شهد: يوووه دق الجرس
سوسن: أنا بفتح الباب
فادي: خير وأنا مامليت عينك
شهد:هههههههههه لاتلومها متحمسه
فادي: لاتحمسين تو أبو حمزه داق علي يقول أنا عند الباب
شهد: مفروض أنا ألي أتحمس
سوسن : بدال هذا الكلام الفاظي والفلسفه قم وافتح الباب يافادي
فادي: لا أحلفي مصدقه عمرها أصلا أنا أبروح أفتح الباب علشان أبوحمزه..
ويمشي فادي للباب
أبو حمزه: السلام عليكم
فادي: وعليكم السلام هلا والله بجيراننا
أبوحمزه يأشر على الأهل : من هناك
رقيه وأمها واختها عايشه وأخوهم الصغير حمزه راحو مع جهة الي أشر عليها أبو حمزه
فادي وهو داخل المجلس: تفضل أبوي هنا
أبو عمر وهو يقوم يسلم على أبو حمزه: هلا والله
أبو حمزه: الله يحيك
أبو عمر : ماأصدق أنك جيت
أبو حمزه: لا صدق
الكل: ههههههههههههه
ويدخل عمر : السلام عليكم
أبو حمزه: هلا وعليكم السلام
عمر: تظحكون على إيش ظحكوني معكم
فادي: انت جاي علشان تظحك ولاتسلم
عمر: وانت في أحد كلمك
أبو عمر: إحترمو الي قدامكم
أبو حمزه: لا عادي خلهم يوسعون صدورنا
......................................................
أم حمزه هي ورقيه داخلين المجلس: السلام عليكم
أم عمر: هلا والله
أم حمزه: الله يحيك (( وعلى فكره هاذي أول مره أم عمر تشوف أم حمزه وعيالها وكذلك أم حمزه ))
أم عمر تسلم على رقيه: إنتي رقيه
رقيه: ايه وش أخبارك ياخالتي
أم عمر: الحمد لله بخير وأنتي وش أخبارك
رقيه وهي تشيل حمزه: بخير
أم عمر: ماشاء الله هذا حمزه يحليله يجنن
أم حمزه: وهاذي عايشه
أم عمر: يحليلها في أي صف
أم حمزه: في أولى أبتدائي
أم عمر: ماشاء الله كبر بنت بنتي لمياء
أم عمر وهي تنادي : شهد
شهد وهي داخله المجلس تسلم على أم حمزه: السلام عليكم
أم حمزه: هلا وعليكم السلام
شهد وهي تسلم على رقيه: هلا وااالله يارقيه وش أخبارك ماشاء الله مامداك تشتاقيلي يوم الأربعا ء شايفين بعض
رقيه: أقول شكلك بالعه مسجل قبل ماتجين
شهد: هههههههههه الله يقطع بليسك
أم عمر: أقول شهد وين سوسن ناديها تسلم
شهد: سوسن بتجي هي ولمياء علشان تجلس مع عايشه.... شهد وهي تلتفت على عايشه : وش أخبارك
عايشه: بخير
تدخل سوسن ولمياء والجوهره المجلس: السلام عليكم
ويسلمون سوسن والجوهره على أم حمزه
أم حمزه: هاذي لمياء
سوسن: ايه لمياء روحي ألعبي مع عايشه مسكينه جالسه لحالها
لمياء: تعالي
عايشه تروح مع لمياء برا المجلس
...........................
طارق: نووووووف وصمخ...
نوف: بسم الله علي وش تبي .....
طارق: أحسن ... تراك أخرتينا... يالله بسرعه
نوف: خلاص ...طيب .. جيت
ونزلت تركض من الدرج وتعكرفت وطاحت
طارق: ههههههههههههههههههههه
نوف وهي ميته من القهر : وتظحك بعد
طارق: ههههههه أحـ هههههه أحسن هههههههه علشان مره ثانيه لاتتأخرين ههههههههه وراح لسياره
نوف تتكلم مع نفسها : والله الفشيله