بنات واحد من اخواني الصغار جا بعدي بعشر سنوات وفرحت بولادته لدرجة كنت احبه واموت فيه انا كنت اسويله الحليب وانومه واغير حفاظته كان معي اكثر شيئ وشاف الدلع بشكل لين عمر 3 سنوات لظروف عائلية خلونا في بيت واحد يقربلنا ومسؤولية الطفل علي بالكامل كان عمري 13 سنة كنت احزن عليه اذا حزن وابكي لا بكى على امه طبعا الفترة ذيك اسوا فترة مرت علينا وفيها ذكريات سيئة المهم تعدينا ...
بعد سنة ونص رجعنا لأهلنا وكل شيئ رجع تمام الا اني ابتعدت عن اخوي شوي شوي وقل الحب بيننا .. المشكلة اني من المتوسط صرت ما اطيق اشوف وجهه ولا اسمع صوته كل ما كلمني ارد عليه بجفاء وعصبية اصرخ عليه احيانا توصل إني أمد يدي اعض شفايفي بقوة عشان اتعور وما اضربه ... بعد كل اللي اسوي فيه ادخل في اكتئاب حاد وحزن ليه اعامله كذا ليه اظلمه اوعد نفسي إني بعامله بحنان لكن من ارجع اشوفه اركز على وجهه على ضحكاته على بكيته اي شيئ احس باستفزاز وخوف أتذكر الماضي الأسود ما أتحمل أبد اشوفه ولا اسمع صوته أحس بكتمة وضيقة ارجع انسانة متسلطة قاسية عليه حتى الان تزوجت وابتعدت بالجوال اصير طيبه معاه اكلمه عادي .. لكن ان رجعت نفس الاسلوب يرجع معه عنده اخو اصغر منه بثلاث سنوات ما عطيته وجه كثير يوم كان صغير بس معاملتي معه كويسة اقوله حبيبي عمري بس هو لا مدري ليه ... بشكل عام مع الناس زينة بس مع ذا الإنسان بالتحديد كل أخلاقي السيئة اطلعه عليه .. يشهد الله اني ما اكرهه واحزن عليه كثير واخاف من ربي وقت الحساب لكن كأني مجبورة
زائرة
يلزم عليك تسجيل الدخول أولًا لكتابة تعليق.
شبهوني بالقمر
•
الله يحنن قلوبكم على بعض
يمكن عين صابتكم ماتدرين يمكن علاقتك فيه قبل ملفته للبعض ارقوا نفسكم والله يحنن قلبك عليه ويرجعكم لبعض مثل قبل
زائرة
•
يمكن عين صابتكم ماتدرين يمكن علاقتك فيه قبل ملفته للبعض ارقوا نفسكم والله يحنن قلبك عليه ويرجعكم لبعض مثل قبليمكن عين صابتكم ماتدرين يمكن علاقتك فيه قبل ملفته للبعض ارقوا نفسكم والله يحنن قلبك عليه ويرجعكم...
في كل عزومة بين الحريم والقرايب كانو يمدحو كثير ويقولو لامي بنتك ام عشر سنوات تعرف تربي وتكبر طفل خصوصا من 4-5 سنوات كأني انا امه .. بس السالفه قديمة م اتوقع اثر العين يدوم لسنوات
زائرة :
في كل عزومة بين الحريم والقرايب كانو يمدحو كثير ويقولو لامي بنتك ام عشر سنوات تعرف تربي وتكبر طفل خصوصا من 4-5 سنوات كأني انا امه .. بس السالفه قديمة م اتوقع اثر العين يدوم لسنواتفي كل عزومة بين الحريم والقرايب كانو يمدحو كثير ويقولو لامي بنتك ام عشر سنوات تعرف تربي وتكبر طفل...
لا تستهينين فيها ترا تأثر
الصفحة الأخيرة