أنا وابنتي الوحيدة المدللة، لمن لديها بنت وحيدة

نفس مشكلتي عندى بنت وحيده وثلاث أولاد واحد أكبر منها واثنين اصغر منها المشكلة انها تغار من الصغير عمره ثلاث شهور اتعبتني بجد اذا فيه حل عطوني اياه وجزاكم الله الجنة .

يختي يمكن لانك مشغولة عنها وهي بحاجة حنانك واهتمامك اكثر. اكيد مع المسؤوليات الي عليكي بتضلي متوترة واهتمامك مش بالدرجة المطلوبة
خذي اجازة اذا بتقدري. 

انا اشوف انه دلع
البنت كبيرة ماشاء الله 9 سنوات المفروض تكون عدت هالمرحلة بكثير
ولاحظي انك بتفرقين بينها وبين اخوانها علشان كذا زاد حالها ودلعها وكبر راسها يعني انتي لاحظي انا اشوف بنات في عمر بنتك ماشاء الله تبارك الله هاديين ومرتبين وينتبهون على اخوانهم الصغار وحنونه وانت لسى تلبسينها وتغيرين المريول لها !!!!

صح يمكن لانها الوحيدة تحزنين عليها بس ماهو معناتها انه انا اخرب طبع البنت وادلعها بزياااادة لانه من شاب على شي شاب عليه
في شي اسمه حنان وحب وحزم في نفس الوقت
وهذا مشكلتنا اذا وحده جابت بنت على اولاد او ولد على البنات تعطيه من الدلع اللي يوم مايكبر تندم عليه

فهميها انك خلاص كبيرة وسوي كذا وكذا مشيها على كيفك خليها تحس بالمسؤولية وانها البنت مثل الام ولازم تكونين مثلي خذيها معاكي مثلا المطبخ وقولي ساعديني انتي بنتي الوحيدة محد يساعدني غيرك خليها تحس انها كبرت وتنشغل عن المناقرة معاكي ومع اخوانها

اذا جلستي تنظفين خذيها معاك على انها تساعدك الغرض مو انها تساعدك لا بس تنشغل وتحس انها لقت شي يسليها حتى لو تخربط الشغل ماهو مشكلة

اعملي لها كيان خاص فيها مثلا غرفة خاصة فيها فيها العابها هواياتها عرايسها كمبيوترها البنات يحبون الشي الخاص ويرتبطون فيه بعاطفة

اسفه يمكن شوي كلامي شديد بس والله انا ماحب دلع البنات الزايد لانه شفت بعيني نماذج بنات وحيدات اهلهم قسم بالله حال يرثى له لدرجه يكون عندها 7 اخوان اولاد كبير البنت تمشيهم على كيفها والاهل راضيين وتسوي اللي تبيه
فنصيحة من الحين روضي بنتك لاتكبر وتتعبك زيادة

وفي بعيلتنا كثير عندهم جابوا اولاد على بنت وحده لكن ربوها عادي بدون دلع وماشاء الله معتمدين على نفسهم وبالعكس في عمر بنتك وتمسك اخوها وتلعب معاه وترتب اغراضها

باختصار بنتك يبيلها حزم وقوة ماهو رعاية واهتمام
اكثر من كذا اهتمام ورعاية لدرجه تدخلينها الحمام وتغيرين ملابسها وش اكثر من كذا يعني !!

والله يشفي ولدك يارب

لا تدددددلعينها ولا تكبرين راااااسها
ولا تحسسينها إنها بنت بين أولاد وأنها بمشكله وتحتاج حنان !!!!!!!!
لا يا قلبي وازني الأمور أنا عندي بنت و ولدين بس مستحيل أفررررق بينهم بالتعامل
أو أحن عليها أكثر منهم بالعكس مع الحنيه الزايده تتمرد عليك وهذا إلي حاصل
شافتك تدارينها وماترضين أخوانها يغلطون عليها فصارت حساسه من أي تصرف

بنتي وعيالي لو تمشكلو وحبو أحل مشكلتهم أرررررررفض
يتوسلون وأرفض أقولهم روحو تفاااااااهمو بطريقتكم لازم توصلون لمرحله تعرفون
كيف تتفاهمون مع بعض وتتقبلون بعض وتقدمون تنازلات لبعض
يعني أخليهم يصفون حساباتهم مع بعض ولو حصل عنف بينهم
الكل محرررررررررروم إلي مخطي ولي ما أخطأ ولا علي منهم
دايم أردد عليهم حلو خلافاتكم مع أنفسكم والعقاب للجميع لو تماديتو !!
ولي يتدلع منهم وماينفذ أوااااامري يحلممممم إني ألبي طلباته
ومع التعامل العاااااادل عرفو حدودهم زين إلي يغثني يتحمل ولي يفرحني
يبشر بالخير ههههههههه وشكلين مابحكي على قولت أخوانا السوريين .....

رفع